Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ կրթության, գիտության, մշակույթի և սպորտի նախարարությունը (այսուհետ՝ Նախարարություն) հայտարարում է Հայաստանի Հանրապետության 2025 թվականի երիտասարդական մայրաքաղաքի ընտրության մրցույթ (այսուհետ՝ Մրցույթ): Մրցույթի նպատակներն են` • աջակցել մարզային երիտասարդական կյանքի ակտիվացմանը, երիտասարդների կարողությունների բացահայտմանը և համակողմանի զարգացմանը, որպես Հայաստանի Հանրապետության ակտիվ և պատասխանատու քաղաքացիների ինքնադրսևորմանն ու կայացմանը. • խթանել տեղական ինքնակառավարման մարմինների (այսուհետ` ՏԻՄ) կողմից երիտասարդական քաղաքականության ոլորտում իրականացվող աշխատանքների և ծրագրերի ծավալների մեծացումը.
Վայոց ձորի մարզում 2024թ․ մայիս ամսին գրանցված ծնունդների մասին տեղեկատվություն 04.06.2024
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, ապրիլ ամսին գրանցվել է 16 ծնունդ, որից՝ 7 տղա, 9 աղջիկ։ Կատարվել է 7 կեսարյան հատում։
2025 թվականի Համահայկական ձմեռային խաղերը կանցկացվեն Ջերմուկում 03.06.2024
ՀՀ Վայոց ձորի մարզպետ Կոլյա Միքաելյանը Ջերմուկում մասնակցել է Համահայկական ձմեռային երկրորդ խաղերի կազմակերպման նպատակով Վարչապետի աշխատակազմի ղեկավար Արայիկ Հարությունյանի գլխավորությամբ գործկոմի անդամների հետ անցկացված նիստին։ Քննարկվել են առաջիկա անելիքներին, ծրագրերի իրականացմանը և խաղերի անցկացմանն առնչվող հարցեր: Քննարկմանը մասնակցում էր նաև ամերիկահայ բարերար, Համահայկական խաղերի համահիմնադիր Ալբերտ Բոյաջյանը։ Այնուհետև նիստի մասնակիցներն այցելել են նաև ըմպելասրահ և Ջերմուկ Գրուպ ընկերությանը պատկանող հանքային ջրի գործարան։
Սիրելի՛ հայրենակիցներ, սրտանց շնորհավորում եմ բոլորիս Երեխաների իրավունքների պաշտպանության օրվա առթիվ: Յուրաքանչյուր օր պետք է լինի երեխաների իրավունքների պաշտպանության, նրանց խնդիրների լուծումը ուշադրության կենտրոնում պահելու, նրանց անսահման ջերմությամբ և հոգատարությամբ պարուրելու օր: Նրանց հրաշք գոյությունը յուրաքանչյուր պահ մեզ համար ուրախության անսպառ աղբյուր է, իսկ նրանց հաջողությունները՝ հպարտության բերկրանք:Երեխաներն օրհնություն և պարգև են յուրաքանչյուր ընտանիքի համար: Իմ փոքրի՛կ բարեկամներ, թող ձեր ոսկեծամ մանկությունը լինի միայն ժպիտներով և դրական հույզերով շաղախված, թող տխրության ոչ մի նշույլ չստվերի ձեր լուսավոր ներկան ու գունեղ առօրյան:
Այսօր ՀՀ Վայոց ձորի մարզպետի Կոլյա Միքաելյանը, մարզպետի տեղակալ Արսեն Խաչատրյանը, Արենի համայնքի ղեկավար Հուսիկ Սահակյանը Արենի համայնքում հանդիպել են Լեռնային Ղարաբաղից բռնի տեղահանված և համայնքում բնակություն հաստատած անձանց հետ՝ պետական աջակցության ծրագրերի մասին տեղեկացնելու, մասնավորապես, «ՀՀ կառավարության 2024 թվականի մայիսի 16-ի թիվ 710 - լ որոշման»՝ Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի մասին շահառուներին հանգամանալից տեղեկացնելու նպատակով։
Վայոց ձորի մարզի Եղեգնաձորի համայնքապետարանը, այսուհետ Կազմակերպիչ, 2024թ.–ի հունիսի 27-ին՝ ժամը` 11:00-ին, համայնքապետարանի վարչական շենքում կիրականացնի համայնքային սեփականություն հանդիսացող հողերի աճուրդ վաճառքի մրցույթ: Հողամասերի նկատմամբ սերվիտուտներ և այլ սահմանափակումներ չկան: Աճուրդն անցկացվելու է դասական եղանակով` մեկնարկային գնի 5 %-ի չափով: Վերջին ամենաբարձր գնային հայտ ներկայացրած մասնակիցը համարվում է աճուրդի հաղթող:
