Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՆԳՆ Փրկարար ծառայության Վայոց ձորի մարզային վարչության հարգելի՛ աշխատակիցներ, հպարտորեն շնորհավորում եմ ձեզ մասնագիտական տոնի առթիվ։ Փրկարարը, մասնագիտություն լինելուց զատ,կոչում և առաքելություն է, ապրելակերպ, որն ամփոփում է խիզախության և կարեկցանքի, քաջության ու նվիրումի, արագ ու օպերատիվ արձագանքելու և գործելու լավագույն դրսևորումները։
Իրազեկում 04.09.2024
Տեղեկացնում ենք, որ համաձայն ՀՀ ՆԳՆ ՓԾ Վայոց ձորի մարզային փրկարարական վարչության միջոցառումների անցկացման պլան-ժամանակացույցի՝ ս/թ սեպտեմբերի 5-ին Եղեգնաձոր համայնքի Գետափ, 12-ին՝ Արենի համայնքի Ագարակաձոր, 25-ին՝ Գնիշիկ, Մոզրով և 18-ին Վայք համայնքի Սարավան բնակավայրերում ժամը 10։00-ից 14։00-ն ընկած ժամանակահատվածում իրականացվելու է > թեմայով ուսումնավարժություններ։ Գործարկվելու են բնակավայրերի շչակնեը։ Խնդրում ենք չանհանգստանալ։
Վայոց ձորի մարզում 2024թ․օգոստոս ամսին գրանցված ծնունդների մասին տեղեկատվություն 04.09.2024
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, օգոստոս ամսին գրանցվել է 16 ծնունդ, որից՝ 8 տղա, 8 աղջիկ։ Կատարվել է 1 կեսարյան հատում։
Նշվեց Գիտելիքի և դպրության տոնը 03.09.2024
Սեպտեմբերի 2-ին մեկնարկեց նոր ուսումնական տարին․ խորհրդանշական զանգի ազդարարմամբ և տոնական միջոցառումներով ուսումնական հաստատությունները կրկին իրենց հյուընկալ դռները բացեցին նախադպրոցական ու դպրոցական տարիքի երեխաների և ուսանողների առջև։ Վայոց ձորի մարզպետ Կոլյա Միքաելյանն այցելեց Եղեգիսի նորակառույց դպրոց, հանդիպեց մանկավարժական կոլեկտիվի և աշակերտների հետ, շնորհավորեց նրանց՝ մաղթելով բոլորին ուժ ու եռանդ, արդյունավետ և համագործակցված աշխատանք գիտելիքի փոխանցման և ձեռքբերման պատասխանատու գործընթացում։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Գիտելիքի և դպրության օրվա առիթով 01.09.2024
Սիրելի՛ մանկավարժներ, աշակերտներ, ուսանողներ, կրթության ոլորտի նվիրյալներ, ջերմորեն շնորհավորում եմ բոլորիդ սեպտեմբերի մեկի՝ Գիտելիքի և դպրության օրվա առթիվ: Այս տոնը միշտ էլ նշել ենք առանձնակի հպարտությամբ և խորին երախտագիտությամբ, որովհետև բոլոր ժամանակներում էլ անգնահատելի և բացառիկ են եղել կրթության, գիտության,դպրության հանդեպ հայ ժողովրդի սերն ու հարգանքը և դրանց դերն ազգային դիմագծի և արժեհամակարգի պահպանման, երբեմն գրչով սրին դիմագրավելու, ամուր պետություն, առողջ հասարակություն կերտելու ճանապարհին։
Վայոց ձորի մարզում անցկացվեց նոր ուսումնական տարվան ընդառաջ օգոստոսյան խորհրդակցությունը 28.08.2024
Նոր ուսումնական տարվան ընդառաջ Վայոց ձորի մարզի Եղեգնաձորի թիվ 1 հիմնական դպրոցում օգոստոսի 27-ին անցկացվեց օգոստոսյան խորհրդակցությունը հանրակրթական դպրոցների, նախադպրոցական և արտադպրոցական հաստատությունների տնօրենների, վարչատնտեսական մասի համակարգողների մասնակցությամբ: Խորհրդակցությունը վարել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը, մասնակցում էին մարզպետի տեղակալ Բագրատ Սողոմոնյանը, մարզպետի խորհրդական Վահան Աբրահամյանը, մարզպետի աշխատակազմի ԿՄՍ վարչության պետ Տատյանա Պոլուդնիցինան, հանրակրթության վարչության պետ Թամարա Սարգսյանը, հանրակրթության և արտադպրոցական հաստատությունների համակարգման բաժնի պետ Ստալ Սարդարյանը։
