Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկացնում ենք, որ 2024-2025 թթ. ու. տարվանից ՀՀ ԳԱԱ Ա. Թախտաջյանի անվան բուսաբանական ինստիտուտը ՀՀ ԳԱԱ գիտակրթական միջազգային կենտրոնի հետ համատեղ մեկնարկում է «Կենսաբազմազանության ուսումնասիրություն և պահպանություն» նոր մագիստրոսական կրթական ծրագիրը: Ծրագիրը եզակի է և Հայաստանում իրականացվում է առաջին անգամ: Կրթական ծրագրի համար մշակվել է շուրջ 20 մասնագիտական առարկա, որոնցից շատերը առաջին անգամ են դասավանդվելու Հայաստանում: Դասախոսական կազմում ընդգրկված են համապատասխան ոլորտների լավագույն մասնագետները։
Տեղի ունեցավ ՀՀ Վայոց ձորի մարզխորհրդի հերթական նիստը 04.07.2024
Հուլիսի 3-ին Վայոց ձորի մարզպետի աշխատակազմի նիստերի դահլիճում մարզպետ Կոլյա Միքաելյանի գլխավորությամբ տեղի ունեցավ Վայոց ձորի մարզի խորհրդի հերթական նիստը։ Նիստին մասնակցում էին մարզխորհրդի անդամները, ուժային կառույցների տարածքային մարմինների ղեկավարները, մարզպետի աշխատակազմի վարչության պետերը, այլ աշխատակիցներ։ Օրակարգում ներառված էր 5 հարց։ Օրակարգի 1-ին հարցի՝ գյուղատնտեսական աշխատանքների ընթացքի վերաբերյալ ելույթ ունեցավ գյուղատնտեսության և շրջակա միջավայրի պահպանության վարչության պետ Գեղամ Մարգարյանը՝ ներկայացնելով 2024թ․մարզում կատարած ցանքերի, անասնաբուժական ծառայությունների կողմից իրականացված ախտորորշիչ և կանխարգելիչ միջոցառումների, ոռոգման համակարգի արդիականացման ծրագրի շրջանակներում կատարած աշխատանքների, արտակարգ իրավիճակների հետևանքով բնակչությանը հասցված վնասների և այլ հարցերի շուրջ տեղեկություններ։
ՀՀ-ում իրականացվում է ֆինանսական կրթման ազգային ծրագիր 03.07.2024
Տեղեկացնում ենք, որ ՀՀ կենտրոնական բանկի կողմից իրականացվում է ՀՀ-ում ֆինանսական կրթման ազգային ծրագիրը: Ծրագրի նպատակն է աջակցել ՀՀ բնակչության լայն շրջանակներին ավելի արդյունավետ կառավարել ֆինանսները՝ դրանով իսկ նպաստելով ընտանիքների բարեկեցությանը: Ծրագիրը իրականացվում է գործընկերների, մասնավորապես՝ նախարարությունների, ֆինանսական կառույցների, հասարակական և միջազգային դոնոր կազմակերպությունների հետ։ ՀՀ կենտրոնական բանկի կողմից մշակվել են ոլորտին վերաբերվող համապատասխան հոլովակներ, որոնք ներկայացվում են հետևյալ հղմամբ՝
Վայոց ձորի մարզից դպրոցահասակ երեխաների առաջին խումբը մեկնեց <<Հասմիկ>> ճամբար 03.07.2024
Հուլիսի 1-ին Վայոց ձորի մարզի Ջերմուկի և Վայքի տարածաշրջաններից 70 դպրոցահասակ երեխա մեկնեց Կոտայքի մարզի Հանքավանի մանկական առողջարարական > ճամբար։ ՀՀ պետական բյուջեի միջոցներով իրականացվող «Դպրոցականների ամառային հանգuտի կազմակերպում» ամենամյա ծրագրի շրջանակներում 7-13 տարեկան երեխաների ամառային հանգիստը կկազմակերպվի երկու հերթափոխով 20-ական օրով: Առաջին հերթափոխի խումբը կհանգստանա հուլիսի 1-20-ը, երկրորդ հերթափոխը՝ ևս 70 երեխա ՝ հուլիսի 20-ից օգոստոսի 8-ը:
Վայոց ձորի մարզպետ Կոլյա Միքաելյանն ընդունեց Մանկական զարգացման հիմնադրամի տնօրեն Լուսինե Սիմոնյանին 02.07.2024
ՀՀ Վայոց ձորի մարզպետ Կոլյա Միքաելյանը հուլիսի 1-ին ընդունեց Մանկական զարգացման հիմնադրամի տնօրեն Լուսինե Սիմոնյանին և Մանկական զարգացման հիմնադրամի Վայոց ձորի մարզի ծրագրերի համակարգող Անուշ Զեյնալյանին։ Հանդիպմանը մասնակցում էին նաև մարզպետի օգնական Արմինե Ասատրյանը և մարզպետի աշխատակազմի առողջապահության և սոցիալական ոլորտի հարցերի վարչության մասնագետներ Ցողիկ Բաբայանը և Լյուսյա Պողոսյանը։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Դատախազության աշխատակցի օրվա առթիվ 01.07.2024
ՀՀ դատախազության համակարգի հարգելի՛ աշխատակիցներ, շնորհավորում եմ ձեզ հուլիսի 1-ի՝ Դատախազության աշխատակցի օրվա կապակցությամբ: Մասնագիտական օրն առիթ է մեկ անգամ ևս արժևորելու ձեր անգնահատելի ներդրումը և ջանքերը Հայաստանի Հանրապետության պետական շահերի պաշտպանության, իրավունքի գերակայության հաստատման, պետականության ամրապնդման և զարգացման, հասարակության իրավագիտակցության բարձրացման, ժողովրդավար, իրավական, կայուն զարգացող պետության կերտման ճանապարհին։
