Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անհատույց պետական աջակցություն սահմանամերձ Խաչիկ համայնքի 5 ընտանիքների 07.05.2013
Հայաստանի Հանրապետության կառավարության 2013 թվականի փետրվարի 7-ի N 130-Ն որոշմամբ Հայաս¬տանի Հանրա¬պե¬տու¬թյա¬ն Վայոց ձորի մարզի Խաչիկ գյուղական համայնքի քանդման ենթակա վթարային` 4-րդ աստիճանի վնասվածություն ունեցող բնակելի տներում բնակվող 5 ընտանիքների 20 մլն դրամ անհատույց պետական աջակցություն է հատկացվել` նույն համայնքում բնակարան կառուցելու կամ համայնքի տարածքում բնակարան ձեռք բերելու պայմանով: 2012 թվականին Խաչիկ համայնքի 7 ընտանիքների նույն պայմանով հատկացվել է 30մլն դրամ: 2012 թվականի աշնանը Վայոց ձորի սահմանամերձ Խաչիկ համայնք այցելության ժամանակ Հայաստանի Հանրապետության Նախագահ Սերժ Սարգսյանը մասնակցել է Խաչիկի բնակիչ Աշոտ Աբրահամյանի տան կառուցման հիմնարկեքին: Նշենք, որ աջակցության ծրագիրը շարունակական է:
Կայացավ քաղաքացիների մայիս ամսվա ընդունելությունը 06.05.2013
ՀՀ Վայոց ձորի մարզպետի տեղակալ Սամվել Թարվերդյանի մոտ մայիսի 3-ին կայացավ քաղաքացիների հերթական ընդունելությունը: Ընդունելության համար ցուցակագրվել էր 56 քաղաքացի, ընդունելության էին 52-ը : Աշխատանքի տեղավորման խնդրանքով դիմել էին 2 քաղաքացի, խմելու և ոռոգման ջրի, քաղաքի փողոցների լուսավորության հարցերով` 2 քաղաքացի, բնակարանի վերանորոգման հարցով` 1 քաղաքացի: Իսկ 47 քաղաքացիներ դիմել էին դրամական և բուժօգնության խնդրանքով, որոնց խնդրանքը բավարարվեց` հիմնականում ֆինանսական օժանդակության տրամադրմամբ: Մնացած հարցերով դիմած քաղաքացիներին պատասխանելու նպատակով հանձնարարություն տրվեց մարզպետարանի աշխատակազմի վարչությունների պետերին` քննարկելու նշված դիմումները և ընդունված կարգով պատասխանելու դիմումատուներին:
Մարզպետն այցելել է Գետափ-Մարտունի ճանապարահի փլուզված հատվածը 06.05.2013
ՀՀ Վայոց ձորի մարզպետ Էդգար Ղազարյանը, մարզպետի տեղակալ Սամվել Թարվերդյանի և մարզպետարանի աշխատակազմի քաղաքաշինության վարչության ճանապարհաշինության և տրանսպորտի բաժնի պետ Խաչիկ Ասլանյանի ուղեկցությամբ այցելել է Սելիմի լեռնանցքով անցող Գետափ-Մարտունի ճանապարահի Քարագլուխ գյուղի մոտակայքում փլուզված հատված` իրավիճակին տեղում ծանոթանալու նպատակով: Ճանապարահի այդ հատվածի փլուզումը տեղի էր ունեցել 2013 թվականի մայիսի 5-ին: Բարեբախտաբար փլուզման պահին այդ հատվածով երթևեկողներ չեն եղել, ինչի արդյունքում զոհեր և տուժածներ չկան: Եղեգնաձորի ճանապարհաշինական ընկերության աշխատակիցների ջանքերով մի քանի ժամվա ընթացքում մաքրվել է ճանապարհը հողածածկույթից, ինչի արդյունքում այն դարձել է երթևեկելի: Առաջիկա օրերին կմշակվի ճանապարհի վերանորոգման նախագիծ և հնարավոր սեղմ ժամկետում կիրականացվեն վերանորոգման աշխատանքներ:
ՏԵՂԵԿԱՏՎՈՒԹՅՈՒՆ 06.05.2013
ՎԱՅՈՑ ՁՈՐԻ ՄԱՐԶԻ 3 ՍԾՏՄ-ՆԵՐՈՒՄ 2013 ԹՎԱԿԱՆԻ ԱՊՐԻԼ ԱՄՍԻՆ ԿԱՏԱՐՎԱԾ ԱՇԽԱՏԱՆՔՆԵՐԻ ՄԱՍԻՆ 2013 թվականի ապրիլ ամսին մարզի Եղեգնաձոր, Վայք և Ջերմուկ քաղաքների ՍԾՏՄ-ների կողմից սահմանված կարգով կատարվել են հետևյալ աշխատանքները.
<<Զվարթնոց վերածնունդի >> մարզային փուլը` Վայք քաղաքում 06.05.2013
Օրերս Վայքի մշակույթի տան փոքր դահլիճում > հիմնադրամի նախաձեռնությամբ կայացավ հայ երգի մրցույթ-փառատոնի մարզային փուլը, որին ներկա էին Վայոց ձորի մարզպետի տեղակալ Մելս Հարությունյանը և մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, դպրոցների տնօրեններ, ծնողներ, դպրոցականներ: Մասնագիտական ժյուրին, Երևանի Կոմիտասի անվան պետական կոնսերվատորիայի պոֆեսոր Սամվել Գալստյանի նախագահությամբ, մասնակիցներին պարգևատրեց մասնակցության վկայականներով, իսկ 8 առավել աչքի ընկած մասնակիցների շնորհեց մրցույթի հանրապետական փուլին մասնակցելու իրավունք: Վերջում > հիմնադիր Սուսաննա Բաղդասարյանը մրցույթի մարզային փուլի կազմակերպչական աշխատանքներին աջակցելու համար շնորհակալագիր փոխանցեց ՀՀ Վայոց ձորի մարզպետ Էդգար Ղազարյանին, արտահայտելով մրցույթի կազմակերպչական խմբի երախտագիտությունը:
Ֆրանկոֆոնիայի օր Եղեգնաձորում 03.05.2013
2013 թվականի մայիսի 2-ին ՀՀ Վայոց ձորի մարզպետ Էդգար Ղազարյանն ընդունեց Ֆրանկոֆոնիայի միամսյակի շրջանակում Վայոց ձոր այցելած Ֆրանկոֆոն դեսպանների պատվիրակությանը, որի կազմում էին` Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան, Ֆրանկոֆոն դեսպանների խմբի նախագահ Կոնստանտին Օբոլենսկին, Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Անրի Ռեյնոն, Հայաստանի Հանրապետությունում Լիբանանի Հանրապետության արտակարգ և լիազոր դեսպան Ժան Մակարոն, Հայաստանի Հանրապետությունում Բուլղարիայի Հանրապետության դեսպանության խորհրդական Վասիլ Վասիլևը, ՀՀ ԱԳ նախարարի ֆրանկոֆոնիայի հարցերով խորհրդական, դեսպան Քրիստիան Տեր Ստեփանյանը: Հանդիպմանը մասնակցում էին Վայոց ձորի մարզպետի տեղակալներ Արամ Գրիգորյանը, Սամվել Թարվերդյանը, Մելս Հարությունյանը, մարզպետարանի աշխատակազմի ղեկավարի տեղակալ Վանիկ Խուդավերդյանը և աշխատակազմի կրթության, մշակույթի և սպորտի վարչության պետ Արփիար Ղազարյանը:
