Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ջերմուկում մեկնարկեց Գյուղական համայնքների երրորդ համաժողովը 03.10.2013
Ջերմուկում այսօր մեկնարկեց Գյուղական համայնքների երրորդ համաժողովը, որն աշխատանքները կշարունակի մինչեւ հոկտեմբերի 5-ը: Համաժողովի ընթացքում կքննարկվեն տեղական ինքնակառավարման համակարգի եւ գյուղական համայնքների ամենաարդիական խնդիրները` ոլորտում ներգրավված բոլոր շահագրգիռ կողմերի` պետական, տեղական ինքնակառավարման մարմինների (ՏԻՄ), մարզերում տարբեր ծրագրեր իրականացնող տեղական եւ միջազգային կազմակերպությունների ներկայացուցիչների, փորձագետների մասնակցությամբ: Յուրաքանչյուր մարզից համաժողովին մասնակցում է տասը համայնքապետ ու ավագանու հինգ անդամ: Բացելով համաժողովը` ՀՀ տարածքային կառավարման նախարարի առաջին տեղակալ Վաչե Տերտերյանը նշեց, որ արդեն երրորդ անգամ անցկացվող միջոցառումն արդյունավետ հարթակ է ` ոլորտում գործող բոլոր դերակատարների երկխոսության, իրականացվող ծրագրերի վերաբերյալ տեղեկատվության ու փորձի փոխանակման համար: "Համաժողովի մասնակիցները հնարավորություն ունեն նաեւ ոլորտի անմիջական պատասխանատուներից տեղեկանալ իրականացվող բարեփոխումների եւ որդեգրված քաղաքականության մասին",-նշեց նա: Վ. Տերտերյանը կարեւորեց, որ երրորդ համաժողովին, համայնքապետերից բացի, մասնակցում են նաեւ ավագանու անդամներ, քանի որ համաժողովի ընթացքում քննարկվելու են նաեւ ՏԻՄ-երի գործունեության արդյունավետության բարձրացմանը վերաբերող հարցեր: Համաժողովը հյուրընկալող Վայոց ձորի մարզպետ Էդգար Ղազարյանը ողջունեց եւ արդյունավետ աշխատանք մաղթեց մասնակիցներին: Նա նկատեց, որ Գյուղական համայնքների համաժողովը Ջերմուկում արդեն ավանդաբար անցկացվող միջոցառումների շարքում իր ուրույն տեղն ունի: "Մենք սիրով ենք հյուրընկալում համաժողովը, քանի որ այն հրաշալի հնարավորություն է ընձեռում քննարկելու ոչ միայն գյուղական համայնքների, այլեւ տեղական ինքնակառավարման համակարգի զարգացման ինստիտուցիոնալ խնդիրները",-նշեց մարզպետը: Համաժողովի շրջանակում կկազմակերպվեն համայնքների կայուն զարգացման խնդիրներին վերաբերող հետեւյալ տասը թեմատիկ կլոր սեղանները. 1. Տեղական ինքնակառավարման ոլորտ . Վարչատարածքային բարեփոխումներ, համայնքների խոշորացման գործընթաց, տեսլական եւ արդյունավետություն: 2. Ստուգումներ եւ վարչական հսկողություն. Տեղական ինքնակառավարման մարմիններում պետական մարմինների կողմից իրականացվող ստուգումների (հսկողության, վերահսկողության) եւ վարչական հսկողության գործընթացի կանոնակարգում, վարչարարության հիմունքները եւ վարչական վարույթը համայնքներում: 3. Գնումների գործընթաց . ՀՀ համայնքներում գնումների իրականացման գործընթացի կանոնակարգում: 4. Մրցակցային համայնք. Համայնքների զարգացումը, մրցակցային համայնքի տեսլականը, համայնքների 4-ամյա զարգացման պլանները եւ դրանց իրավական կարգավորումները: 5.Շրջակա միջավայր. Հայաստանի կոշտ կենցաղային թափոնների կառավարում, բարելավման ծրագրեր, խնդիրներն ու լուծման առաջարկները: 6. Զբոսաշրջություն, տնտեսական զարգացում. Զբոսաշրջությունը որպես գործարար միջավայրի զարգացմանը նպաստող գործոն, համայնքային բրենդի ձեւավորումը, զարգացումը եւ խթանումը, համայնքների մրցակցային առավելությունները, ներկա իրավիճակը, խնդիրները եւ լուծման առաջարկները: 7. Գյուղատնտեսություն. Գյուղատնտեսական քաղաքականությունը, օրենսդրական բացերը եւ անհրաժեշտ փոփոխությունները, գյուղացիական տնտեսությունների ներկա իրավիճակը, խնդիրները եւ լուծման առաջարկները: 8. Տեղական ինքնակառավարման մարմիններ. Համայնքի ավագանու գործունեությունը, թափանցիկությունը, իրավասությունների շրջանակը, "Ավագանու ինստիտուտ"-ի ձեւավորումը, ընթացիկ խնդիրները եւ լուծման առաջարկները: 9. ՓՄՁ զարգացումը Հայաստանում. Հայաստանի փոքր եւ միջին ձեռնարկատիրության զարգացումն ու ներկա օրենսդրությունը, գործարարությունը տեղական մակարդակում, ՓՄՁ զարգացման ազգային կենտրոնի աջակցությունը: 10. Հողերի կառավարում . ՀՀ գյուղական համայնքներում հողային օրենսդրության պահանջներին համապատասխան վերահսկողության իրականացման ընթացքում առկա խնդիրների վերհանում եւ դրանց լուծման ուղիները: Այս տարի համաժողովի շրջանակներում կկազմակերպվեն նաեւ մարզական միջոցառումներ. մարզերի թիմերը կմասնակցեն շախմատի եւ նարդու մրցաշարերին, ինչպես նաեւ "Ինչ, որտեղ, երբ" ինտելեկտուալ խաղ-մրցույթին:
ՀՀ Վայոց ձորի մարզպետը մասնակցել է Համայնքային փառատոնին 02.10.2013
2013 թվականի հոկտեմբերի 1-ին ՀՀ Վայոց ձորի մարզպետ Էդգար Ղազարյանը Երևանի Սիրահարների այգում մասնակցել է ԱՄՆ Միջազգային զարգացման գործակալության (USAID) կողմից ֆինանսավորվող «Քաունթերփարթ ինթերնեյշնլ Հայաստան» կազմակերպության կողմից կազմակերպված Համայնքային փառատոնին: «Քաունթերփարթ ինթերնեյշնլ Հայաստանն» արդեն 2-րդ անգամ կազմակերպում նմանատիպ միջոցառում: Ծրագրում ներգրավված գործընկեր 43 համայնքներից: ՀՀ Վայոց ձորի մարզից փառատոնին մասնակցում էին Վայք, Գետափ, Բարձրունի և Գոմք համայնքները, որոնք ներկայացնում էին իրենց յուրահատուկ մշակույթը և ավանդական բարիքները: Փառատոնի ընթացքում տեղի ունեցան նաև վարպետության դասընթացներ՝ ավանդական ճաշատեսակների պատրաստում, ասեղնագործության, գոբելենի տեխնոլոգիայի ուսուցանում, տիկնիկային ներկայացումներ և այլն:
ՏԵՂԵԿԱՏՎՈՒԹՅՈՒՆ 02.10.2013
ՎԱՅՈՑ ՁՈՐԻ ՄԱՐԶԻ ԵՂԵԳՆԱՁՈՐ, ՋԵՐՄՈՒԿ ԵՎ ՎԱՅՔ ՔԱՂԱՔՆԵՐԻ ՍԾՏՄ-ՆԵՐՈՒՄ 2013 ԹՎԱԿԱՆԻ ՍԵՊՏԵՄԲԵՐ ԱՄՍԻՆ ԿԱՏԱՐՎԱԾ ԱՇԽԱՏԱՆՔՆԵՐԻ ՄԱՍԻՆ
Քննարկում- խորհրդակցություն՝ մարզպետի տեղակալի մոտ 02.10.2013
Այսօր ՀՀ Վայոց ձորի մարզպետի տեղակալ Արամ Գրիգորյանի մոտ կայացավ անհետաձգելի իրավիճակներում վերարտադրողական առողջությանն առնչվող հարցերի վերաբերյալ քննարկում: Քննարկման հարցերը ներկայացրեց ,,Ապավեն համայնքներին,, բարեգործական հասարակական կազմակերպության ներկայացուցիչ Կարինե Գաբրիելյանը: Քննարկմանը մասնակցում էին մարզպետարանի աշխատակազմի առողջապահության և սոցիալական ապահովության վարչության պետը և տեղակալը, մարզի բուժ-հաստատությունների տնօրենները, ԱԻՆ մարզային փրկարարական ծառայության ներկայացուցիչներ:
Վայոց ձորը մասնակցել է զբոսաշրջության համաշխարհային օրվան նվիրված էքպոյին 01.10.2013
Սեպտեմբերի 27-ին, զբոսաշրջության համաշխարհային օրը, Հյուսիսային պողոտայում իրականացավ զբոսաշրջային էքսպո, որին մասնակցեց նաև ՀԵՀ Վայոց ձորի մարզային կենտրոնը` ներկայացնելով Վայոց ձորի մարզը և մարզի տուրիստական հնարավորությունները: Միջոցառումը կազմակերպել էր Հայաստանի երիտասարդական հիմնադրամը։ Այն նպատակ ուներ հանրությանը, ինչպես նաև տուրիստներին տեղեկատվություն տրամադրել Հայաստանի տարբեր մարզերի տուրիստական հնարավորությունների մասին, նպաստել Հայաստանում տուրիզմի զարգացմանը: Էքսպոյին մասնակցում էին հանրապետության 10 մարզերը, ինչպես նաև ներգնա տուրիզմի ոլորտում գործունեություն ծավալող կառույցները: Վայոց ձորի մարզը զբոսաշրջային էքսպոյին ներկայացավ ըստ արժանվույն: Դրանում իր մեծ ներդրումն ունեցավ ՀՀ Վայոց ձորի մարզպետ Էդգար Ղազարյանը: Հայտնի է, որ Վայոց ձորի մարզը Հայաստանի ամենահարուստ մարզերից մեկն է իր բնական և պատմական ժառանգությամբ, իր մեծաքանակ քարանձավներով, ջրվեժներով, վանքերով, ամրոցներով, բերդերով և կամուրջներով: Վայոց ձորի տաղավարում ներկայացված էր ոչ միայն
ՀՀ Վայոց ձորի մարզի պատվիրակության այցը Իրանի Իսլամական Հանրապետություն 30.09.2013
ՀՀ Վայոց ձորի մարզի միջազգային համագործակցության շրջանակներում, ս.թ. սեպտեմբերի 27-29-ը Իրանի Իսլամական Հանրապետության Արևմտյան Ատրպատականի նահանգի Խոյի կուսակալություն էր մեկնել մարզպետ Էդգար Ղազարյանի գլխավորած պատվիրակությունը: Պատվիրակության կազմում էին Վայքի քաղաքապետ Հարություն Սարգսյանը, “Ջերմուկ Աշխարհ” առողջարանի գլխավոր բժիշկ Ստեփան Ավագյանը, Վայքի «Տուրիզմի կենտրոնի» տնօրեն Շիրակ Միքայելյանը, Վայոց ձորի մարզպետարանի աշխատակազմի ղեկավար Կամո Սահակյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, մարզպետի խորհրդական Սերոբ Անտինյանը, մարզպետի օգնական Լիպարիտ Ասատրյանը, ՀՀ մշակույթի նախարարության աշխատակազմի արտաքին կապերի վարչության գլխավոր մասնագետ Տրդատ Չալըմյանը: Հայաստանյան պատվիրակությունն արժանացավ ջերմ ընդունելության, այցելություններ եղան հայկական պատմամշակութային հուշարձաններ, Սբ. Ստեփանոս վանական համալիր: Խոյի կուսակալ Ղոլամ Հոսեին Ամմարիի ուղեկցությամբ պատվիրակությունն այցելեց կուսակալությունում գործող արտադրական ձեռնարկություններ,Խոյի Սուրբ Սարգիս եկեղեցի, մշակութային և կրթական հաստատություններ: Եռօրյա հագեցած ծրագրի ընթացքում մեր պատվիրակությունը հյուրընկալվեց Խոյի քաղաքային խորհրդում, կուսակալության վարչակազմում, ընդունելություններին մասնակցեց նաև Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մոհամմադ Ռեյիսին: Վերջում տեղի ունեցավ պատվիրակության պաշտոնական ընդունելություն Խոյի կուսակալության հոգևոր առաջնորդի կողմից, որին մասնակցեցին նահանգի բարձրաստիճան պաշտոնատար անձինք, քաղաքային և մարզային խորհրդի անդամներ, ներկայացուցիչներ:
