Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2015թ. գործունեության հաշվետվությամբ հանդես եկավ մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժինը: Հաշվետվությանը ներկա էին ՀՀ Վայոց ձորի մարզպետ Հարություն Սարգսյանը, ոլորտի գործունեությունը համակարգող փոխմարզպետ Մելս Հարությունյանը, մարզպետարանի աշխատակազմի ղեկավար Կամո Սահակյանը, բաժնի աշխատակիցները, ԶԼՄ ներկայացուցիչներ: Ընդունված կարգի համաձայն կանանց և երեխաների իրավունքների պաշտպանության բաժնի պետ Արամ Գրիգորյանը ներկայացրեց բաժնի աշխատակիցների գործառույթները, ապա բաժնի 2015 թվականի գործունեության հավետվությունը: Մարզպետը հետաքրքրվեց ամուսնալուծությունների պատճառներով, բամազավակ ընտանիքների թվով, այդ ընտանիքների սոցիալական վիճակով, ինչպես նաև նպաստառուների ցուցակում չընդգրկված, սակայն սոցիալապես դժվար իրավիճակում գտնվող ընտանիքների դպրոցահասակ երեխաների վիճակով: Այս առումով Հ. Սարգսյանը հանձնարարեց հայտնաբերել վերջին խմբի այնպիսի ընտանիքների, որոնք սոցիալական դժվար լուծելի խնդիրներ ունեն և ընդգրկել նրանց մարզպետի մոտ քաղաքացիների ընդունելության ցուցակներում: Մարզպետը հանձնարարեց ճշտել մարզում միակ երկկողմանի որբ երիտասարդի ծառայության հասցեն, նրա նկատմամբ ծնողական հոգատարությանը փոխարինող վերաբերմունք դրսևորելու համար:
2015 թվականի գործունեության հաշվետվությամբ հանդես եկան մարզպետարանի աշխատակազմի իրավաբանական և անձնակազմի կառավարման բաժինները ՀՀ Վայոց ձորի մարզպետՀարություն Սարգսյանի մոտ 2015 թվականի գործունեության հաշվետվությամբ հանդես եկան մարզպետարանի աշխատակազմի իրավաբանական և անձնակազմի կառավարման բաժինները: Հաշվետվություններին ներկա էին ՀՀ Վայոց ձորի մարզպետարանի աշխատակազմի ղեկավար Կամո Սահակյանը, բաժնի աշխատակիցները, ԶԼՄ ներկայացուցիչներ:
Փետրվարի 18-ին ՀՀ Վայոց ձորի մարզպետ Հարություն Սարգսյանի մոտ 2015թ. գործունեության հաշվետվությունը ներկայացրեց մարզպետարանի աշխատակազմի հողաշինության և հողoգտագործման բաժին - մարզային հողային պետական տեսչությունը: Հաշվետվությանը ներկա էին ոլորտը համակարգող փոխմարզպետ Սամվել Թարվերդյանը, մարզպետարանի աշխատակազմի ղեկավար Կամո Սահակյանը, տեսչության աշխատակիցները, ԶԼՄ ներկայացուցիչներ: Տեսչության պետ Մեսրոպ Մեսրոպյանը նախ ներկայացրեց բաժնի գլխավոր և առաջատար մասնագետների գործառույթները, ապա հանդես եկավ հաշվետվությամբ: Մարզպետ Հ. Սարգսյանը հաձնարարեց համայնքներում վարչական ստուգումների իրականացման ընթացքում համայնքների կողմից իրականացված հողային հատկացումների, հողերի աճուրդների հետ կապված գործարքները հողային ՀՀ օրենսդրությամբ սահմանված կարգին համապատասխանության հարցերը պահել ուշադրության կենտրոնում, վեր հանել նշված գործարքներում տեղ գտած թերությունները և քայլեր ձեռնարկել դրանց վերացման ուղղությամբ:
Այսօր՝ փետրվարի 18-ին 2015թ. գործունեության հաշվետվությամբ հանդես եկավ աշխատակազմի կրթության, մշակույթի և սպորտի վարչությունը: Հաշվետվությանը ներկա էին ՀՀ Վայոց ձորի մարզպետ Հարություն Սարգսյանը, ոլորտի գործունեությունը համակարգող փոխմարզպետ Մելս Հարությունյանը, մարզպետարանի աշխատակազմի ղեկավար Կամո Սահակյանը, վարչության աշխատակիցները, ԶԼՄ ներկայացուցիչներ: Մարզպետ Հարություն Սարգսյանը նշեց, որ վարչության գործունեությունը կարևորվում է, այն հանգամանքով, որ մարզը մեր երկրում ներկայանալի է դառնում, ոչ միայն գյուղատնտեսական և արդյունաբերական արտադրանքով, այլ նաև մարզամշակութային միջոցառումներով և հանրապետական մրցույթներում ու փառատոններում զբաղեցրած տեղերի, ինչպես նաև առարկայական օլիմպիադաներում ու գիտելիքի իմացության այլ մրցույթներում պարգևների արժանանալու ցուցանիշերով: Մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը ներկայացրեց վարչության աշխատակիցների գործառույթները, ապա անցավ հավետվության ներկայացմանը: Մարզպետը հետաքրքրվեց մարզում ներառական կրթության ընդլայնման, դպոցական խորհուրդների աշխատանքների արդյունավետության բարձրացման խնդիրներով: Հանձնարարեց աշխատանք տանել այն դպրոցների ղեկավարների հետ, որոնք թերացումներ ունեն dasaran.am համակարգում:
Փետրվարի 18-ին օրվա երկրորդ կեսին 2015թ. գործունեության հաշվետվությամբ հանդես եկավ աշխատակազմի առողջապահության և սոցիալական ապահովության վարչությունը: Հաշվետվությանը ներկա էին ՀՀ Վայոց ձորի մարզպետ Հարություն Սարգսյանը, ոլորտի գործունեությունը համակարգող փոխմարզպետ Մելս Հարությունյանը, մարզպետարանի աշխատակազմի ղեկավար Կամո Սահակյանը, վարչության աշխատակիցները, ԶԼՄ ներկայացուցիչներ: Վարչության պետ Խաչիկ Գևորգյանն ընդունված կարգին համաձայն նախ ներկայացրեց վարչության աշխատակիցների գործառույթները, ապա ներկայացրեց 2015թ. վարչության գործունեության հաշվետվությունը: Մարզպետը հանձնարարեց ուշադրության կենտրոնում պահել մարզի առողջապահական հաստատությունների կողմից պետ-պատվերի շրջանակում իրականացվող բուժսպասարկան գործընթացը, անել հնարավոր ամենը բուժսպասարկման որակի բարձրացման համար: Հ. Սարգսյանը հանձնարարեց վարչության պետին խիստ հսկողություն իրականացնել դեղորայքի բաշխման և սոցիալական նպաստների նշանակման գործընթացներին: Վերջում մարզպետը շնորհակալություն հայտնեց վարչության պետին և աշխատակիցներին 2015 թվականին կատարած աշխատանքների համար և հանձնարարեց նպաստել վերը նշված գործընթացների հանդեպ ժողովրդի կողմից վստահության ձևավորմանը:
Ընդունելություն ՀՀ Վայոց ձորի մարզպետի մոտ 17.02.2016
Փետրվարի 16-ին ՀՀ Վայոց ձորի մարզպետ Հարություն Սարգսյանն ընդունեց Իրանի առողջապահության նախարարի տեղակալ Ռասոուլ Դինարվանդի գլխավորած պատվիրակությանը: Պատվիրակությանը ուղեկցում էր ՀՀ առողջապահության նախարարի տեղակալ Գագիկ Միրիջանյանը: Տեղեկացենք, որ Իրանի առողջապահության ոլորտի մասնագետների այցի նպատակն է առողջապահության ոլորտում սերտացնել հայ-իրանական համագործակցությունը: Այս նպատակով իրանական կողմը նախատեսում է ներդրումներ իրականացնել Հայաստանում, մասնավորապես ստեղծել բժշկական կենտրոններ: Ողջունում եմ Ձեզ Վայոց ձորի մարզում և շնորհակալություն հայտնում մեր մարզի նկատմամբ ցուցաբերած ուշադրության համար: Կարծում եմ, որ առողջապահության ոլորտում ներդրումային ծրագրերն էլ ավելի կնպաստեն մեր հարևան երկրների միջև ձևավորված համագործակցային հարաբերությունների զարգացմանը,-ասաց Հարություն Սարգսյանը՝ կարևորելով Հայաստանի հետ առողջապահության ոլորտում համագործակցության ակտիվացումն ու ընդլայնումը: Մարզպետ Հարություն Սարգսյանն իր պատրաստակամությունը հայտնեց ծրագրի իրականացմանը աջակցելու հարցում:
