Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետ Կ․ Միքաելյանն ընդունեց մի խումբ ներդրողների 04.03.2024
Օրերս Վայոց ձորի մարզպետ Կ. Միքաելյանի հրավերով մարզպետի աշխատակազմ էին այցելել > սեփականատեր Հրայր Հակոբյանը, նույն գործարանի մենեջեր Յուրա Նշանյանը և ներդրող Աշոտ Մկրտչյանը: Հանդիպմանը մասնակցում էին նաև մարզպետի տեղակալներ Ա. Խաչատրյանը, Բ. Սողոմոնյանը, ոլորտային պատասխանատուները , Եղեգիսի և Վայքի համայնքապետերը, Եղեգնաձորի համայնքապետի տեղակալը: Հյուրերը հետաքրքրված էին գյուղատնտեսության ոլորտում իրականացվող պետական աջակցության ծրագրերում որպես ներդրող հանդես գալու հնարավորությամբ:
Շինարարական աշխատանքները՝ ուշադրության կենտրոնում 01.03.2024
Վայոց ձորի մարզում խոշորածավալ շինարարական աշխատանքների ընթացքը դիտարկելու նպատակով մարզպետ Կ․ Միքաելյանը և մարզպետի աշխատակազմի ոլորտային պատասխանատուները պարբերաբար այցելում են շինհրապարակներ, մեծ ներդրումներով /այդ թվում մասնավոր/ կառուցվող հաստատություններ, տեղում ծանոթանում խնդիրներին, դիտարկում հետագա հնարավորությունները։ Վայոց ձորի մարզպետ Կ․ Միքաելյանն ու մարզպետի տեղակալ Ա․ Խաչատրյանն Արենի համայնքի ղեկավար Հ․ Սահակյանի հետ այցելեցին Արենի բնակավայրում կառուցվող մանկապարտեզ։ Այն կառուցվում է > բարեգործական հիմնադրամի կողմից։ Շինարարական աշխատանքների ավարտը նախատեսվում է սեպտեմբերին։
Տեղի կունենա Եղեգնաձոր համայնքի ավագանու արտահերթ նիստը 01.03.2024
Տեղեկացնում ենք, որ 2024 թվականի մարտի 1-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու արտահերթ նիստը։ Նիստի օրակարգին կարող եք ծանոթանալ հետևյալ հղմամբ:
Դպրոցներում անցկացվել են սեմինար դասախոսություններ 01.03.2024
Մարտի 1-ը աշխարհում նշվում է որպես Քաղաքացիական պաշտպանության համաշխարհային օր: Քաղաքացիական պաշտպանությունը հանդիսանում է ազգային անվտանգության և բնակչության պաշտպանության կարևորագույն բաղադրիչ, և ունի բոլորի համար առանձնահատուկ նշանակություն: Քաղաքացիական պաշտպանության համաշխարհային օրվա կապակցությամբ ՀՀ ՆԳՆ ՓԾ Վայոց ձորի մարզային փրկարարական վարչության աշխատակիցների կողմից Եղեգնաձորի թիվ 2 հիմնական, Վայքի ավագ , Գնդեվազի և Ագարակաձորի միջնակարգ դպրոցներում անցկացվել են սեմինար դասախոսություններ: Դասախոսությունների ընթացքում ներկայացվեցին քաղաքացիական պաշտպանության կարևորության մասին տեղեկատվություն, որն ուղղված է հասարակության իրազեկման մակարդակի բարձրացմանը և պատրաստվածության ամրապնդմանը։
Բնակարանաշինություն պետական աջակցության ծրագրի շրջանակներում 29.02.2024
Փետրվարի 28-ին Վայոց ձորի մարզպետ Կ․ Միքաելյանը և մարզպետի տեղակալ Ա․ Խաչատրյանն աշխատանքային այցով Արենի համայնքի Արենի բնակավայրում էին։ Համայնքի ղեկավար Հ․ Սահակյանի հետ, ի թիվս մի շարք խնդիրների, քննարկեցին սահմանամերձ գյուղական բնակավայրերում բնակարանային ապահովության պետական աջակցության ծրագրի ընթացքի հետ կապված հարցեր։ Ներկայացվեց, որ ծրագրի շրջանակներում 69 հայտ ստացվել է Արենի բնակավայրից, 5-ը՝ Խաչիկ բնակավայրից։ Առայժմ շինարարական աշխատանքների թույլտվություն են ստացել Խաչիկ բնակավայրի 5, իսկ Արենի բնակավայրի 28 շահառուներ։ Մյուս հայտերի հաստատումն ընթացքի մեջ է։ Մի քանի շահառուներ արդեն ծրագրի շրջանակներում սկսել են տան կառուցման աշխատանքները։
Փետրվարի 26-ին ՀՀ Վայոց ձորի մարզպետի աշխատակազմում կազմակերպվեց տեղեկատվական հանդիպում ՄԱԿ-ի զարգացման ծրագրի և Կլիմայի կանաչ հիմնադրամի կողմից իրականացվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագրի ներկայացուցիչների մասնակցությամբ։ Հանդիպմանը ներկա էին Վայոց ձորի մարզպետի տեղակալներ Արսեն Խաչատրյանը, Բագրատ Սողոմոնյանը, ՀՀ ՏԿԵ նախարարության տեղական ինքնակառավարման քաղաքականության վարչության պետ Աշոտ Գիլոյանը, մարզպետի աշխատակազմի և համայնքապետարանների աշխատակազմերի ներկայացուցիչներ։
