Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայոց բանակի 27-րդ տարեդարձին նվիրված միջոցառում՝ Եղեգնաձորի ավագ դպրոցում 30.01.2019
Հունվարի 29-ին Եղեգնաձորի ավագ դպրոցի դահլիճում տեղի ունեցավ գրական երաժշտական ցերեկույթ, նվիրված Հայոց բանակի 27-րդ տարեդարձին: Միջոցառմանը մասնակցում էին ՀՀ ՊՆ 4-ՐԴ բանակային կորպուսի հրամանատար, գեներալ-մայոր Վալերի Քոչարյանը, Վայոց ձորի մարզային զինկոմիսար Արմեն Հովհաննիսյանը, մարզային իշխանության և Երկրապահ կամավորականների միության ներկայացուցիչներ, զիվորականներ, ծնողներ, աշակերտներ: Ներկայացվեց բանակի ստեղծման պատմությունը, նրա անցած փառավոր ուղին: Ցուցադրվեց նաև Ապրիլյան քառօրյայի վայոցձորյան մասնակիցների մասին կինոպատմություն, որը նկարահանվել էր Մարզային երիտասարդական կենտրոնի կողմից: Միջոցառման ավարտին մասնակիցներին ողջունեցին և շնորհակալական խոսքեր ասացին դպրոցի տնօրեն Կարինե Հարությունյանը, գեներալ-մայոր Վալերի Քոչարյանը և Վայոց ձորի մարզպետարանի կրթության, մշակույթի և սպորտի վարչության պետ Արփիար Ղազարյանը:
Հայոց բանակի 27-րդ տարեդարձին նվիրված միջոցառում՝ Արենի համայնքում 29.01.2019
Հայոց բանակի կազմավորման տարեդարձի օրը՝ հունվարի 28-ին, Վայոց ձորի մարզի Արենի համայնքի Ռինդ բնակավայրի տարածքում տեղի ունեցավ Հայաստանի Հանրապետության ամենամեծ դրոշի բարձրացման և Հայոց զինանշանը պատկերող քարի բացման հանդիսությունը: Միջոցառմանը մասնակցում էին ՀՀ Վայոց ձորի մարզպետ և ՀՀ Արարատի մարզպետ Գարիկ Սարգսյանը: Ողջույնի խոսքով հանդես եկան մարզպետ Տրդատ Սարգսյանը, Արենի համայնքի ղեկավար Հուսիկ Սահակյանը և միջոցառման հովանավոր Մհեր Տերտերյանը: Դրոշի բարձրացման և զինանշանը պատկերող քարի բացման պատիվը տրվել էր մարզպետ Տրդատ Սարգսյանին և հովանավոր Մհեր Տերտերյանին: Երկրապահ կամավորականների միության անունից միջոցառման հովանավորին հուշամեդալ հանձնեց միության Եղեգնաձորի տարածքի ղեկավար Մասիս Ղազարյանը: Հայոց բանակի օրվա կապակցությամբ հուշամեդալի արժանացան նաև Արցախյան ազատամարտի մի խումբ վայոցձորցի մասնակիցներ: Հնչեցին հայրենասիրական երգեր և կատարվեցին ռազմական պարեր: Նշենք, որ
Հունվարի 28-ին ՀՀ Վայոց ձորի մարզպետ Տրդատ Սարգսյանի գլխավորությամբ մարզպետարանի աշխատակիցները և զիվորականներ այցելեցին Եղեգնաձոր քաղաքում գտնվող Հիշատակի բլուր, ուր հանգչում են Արցախյան պատերազմում զոհված ազատամարտիկներին շիրիմները և կանգնեցված է պատերազմի ընթացքում անհետ կորածների հիշատակը հավերժացնող հուշաքար: Հիշատակի բլուրում ծաղիկներ խոնարհեցին զոհվածների շիրիմներին և կատարվեց պսակադրություն: Այնուհետև այցելություն եղավ Արցախյան պատերազմում զոհված ազատամարտիկների հիշատակը հավերժացնող Եղեգնաձորի հուշահամալիր, որտեղ նույնպես ծաղիկներ խոնարհեցին զոհվածների հիշատակի համար: Միջոցառմանը մասնակցում էին նաև ՀՀ Վայոց ձորի մարզպետի տեղակալ Ռազմիկ Տոնոյանը և Վայոց ձորի մարզային զինկոմիսար Արմեն Հովհաննիսյանը: Նշենք, որ մարզի կրթական և մշակութային հաստատություններում կազմակերպվել են Հայոց բանակի 27-րդ տարեդարձին նվիրված մի շարք միջոցառումներ:
ՀՀ Վայոց ձորի մարզի Եղեգիսի համայնքապետարանը, համայնքի ղեկավարի 22.01.2019 թվականի թիվ 4 Ա որոշմամբ, հայտարարում է մրցույթ՝ ՀՀ Վայոց ձորի մարզպետին առընթեր երիտասարդական խորհրդի կազմում առաջադրվող ոչ պետական հատվածը ներկայացնող անդամի ընտրության նպատակով: Հայտարարության տեքստին ծանոթանալ այս հղումով :
Վայոց ձորի մարզում ավարտվեց ձմեռային զորակոչը 25.01.2019
Այսօր՝ հունվարի 25-ին, Վայոց ձորի մարզում կայացավ 2019 թվականի ձմեռային զորակոչի վերջին հավաքը: Վերջին հավաքի նորակոչիկներին բանակ ճանապարհելու հանդիսավոր միջոցառումը կազմակերպվեց Եղեգնաձորի Սուրբ Աստվածածին եկեղեցում: Միջոցառմանը ներկա էին Վայոց ձորի մարզի զինկոմիսար, փոխգնդապետ Արմեն Հովսեփյանը, Վայոց ձորի մարզպետարանի զորահավաքային նախապատրաստության բաժնի պետ Վանիկ Խուդավերդյանը, համայնքի ղեկավարներ, վետերաններ, նորակոչիկների ծնողներն ու հարազատները: Նորակոչիկներին բարի ճանապարհ և անվտանգ ծառայություն մաղթեց մարզի զինկոմիսարը: Օրհնության կարգ կատարեց Վայոց Ձորի թեմի Վայքի տարածաշրջանի հոգևոր հովիվ Տեր Սեպուհ քահանա Հարությունյանը: Օրհնության կարգից հետո բոլոր նորակոչիկներին խաչեր նվիրեցին: Հայոց բանակում ծառայող իրենց զինակից ընկերների շարքերը համալրելու գնացին ձմեռային զորակոչի վերջին նորակոչիկները, որոնց մեջ 7-ը զորակոչվեցին ծրագրով: Մենք նույնպես միանում ենք հնչած բարեմաղթանքներին և ասում՝
ՀՀ Վայոց ձորի մարզպետ Տրդատ Սարգսյանի շնորհավորական ուղերձը Բանակի օրվա կապակցությամբ 25.01.2019
Սիրելի հայրենակիցներ, շնորհավորում եմ բոլորիս Բանակի օրվա կապակցությամբ: Հայոց բանկի օրվան նվիրված տոնը մեր պետական տոնացույցի ամենասպասված, բոլորիս հպարտություն, ուժ և վստահություն, պաշտպանված լինելու զգացողություն ներշնչող տոներից մեկն է: Բանակի օր արտահայտությունը նվիրական զգացումներ է առաջացնում բոլորիս հոգիներում և պատասխանատվության է մղում յուրաքանչյուրիս՝ հարազատ զավակի նման պահել ու պահպանել Հայոց ազգային բանակը: Հայկական բանակը մեր անկախ պետականության ամենակարևոր ձեռքբերումներից է: Այն հանդիսանում է մեր հայրենիքի խաղաղության ու անվտանգության, սահմանների անառիկության ապահովման անփոխարինելի երաշխավորը: Մեր բանակը մշտապես զսպող գործողություններ է իրականացնում հակառակորդի կողմից սահմանային ոտնձգությունների դեմ և արժանապատվորեն համարժեք պատասխան տալիս նրան, մեզ համար ապահովելով խաղաղ պայմաններում ապրելու և արարելու հնարավորություն: Այս տոնական պահին ցանկանում եմ խոնարհումով հիշել Արցախյան ազատամարտում, Ապրիլյան քառօրյայում և սահմանային միջադեպերի ընթացքում զոհված մեր զինվորներին, սպաներին ու քաջարի հրամանատարներին և բարի հիշատակ մաղթել նրանց: Հայոց բանակի սիրելի զինվորներ, պարոնայք սպաներ և հրամանատարներ, ամենից առաջ Ձեզ մաղթում եմ
