Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանը հանդիպեց Չինաստանից և Սինգապուրից ժամանած հյուրերի հետ 07.04.2018
Այսօր ՀՀ Վայոց ձորի մարզպետ Հարություն Սարգսյանը հանդիպեց Վայոց ձորի մարզում իրականացվող ,,Որդեգրիր մի գյուղ,,նախաձեռնության շրջանակներում Չինաստանից և Սինգապուրից Վայոց ձոր ժամանած աջակիցների և հյուրերի հետ: Մարզի ղեկավարը ողջունեց հյուրերին և շնորհակալության հայտնեց աջակցության համար: Հակիճ ներկայացնելով Վայոց ձորի մարզը, նրա պատմությունը, մշակութային, գյուղատնտեսական և մարզի տնտեսության մյուս ճյուղերը, ՀարությունՍարգսյանը նշեց, որ այստեղ առկա են զբոսաշրջության տարբեր ճյուղերի զարգացման բազմաթիվ հնարավորություններ՝ գյուղատնտեսական, էկո, արկածային և այլ ուղություններ: ,,Համեմատելով նախորդ տարիների հետ, պետք է նշեմ, որ զբոսաշրջիկների հոսքը Վայոց ձորի մարզ մեծացել է>>,-նշեց Հ. Սարգսյանը: Տիկին Ժենգ, ով ներկայացնում է Չինաստանի Հանրապետության 2000-ից ավելի զբոսաշրջային գործակալություններ, նշեց, որ չին զբոսաշրջիկների հոսքը դեպի Վայոց ձոր ակտիվացնելու համար նպատակահարմար է կազմակերպել Չինաստանի զբոսաշրջային տարբեր գործակալությունների ներկայացուցիչների այցը Վայոց ձորի մարզ, որոնք կուսումնասիրեն մարզի ներուժը և հնարավորությունները, ինչը հնարավորություն կտա Վայոց ձորի մարզի տեսարժան և պատմամշակությաին վայրերն ընդգրկել զբոսաշրջային տարբեր փաթեթներում:
Տեղի կունենա քաղաքացիների ընդունելություն 07.04.2018
Սահմանված կարգի համաձայն 2018 թվականի ապրիլի 13-ին` ժամը 14:00-ին, ՀՀ Վայոց ձորի մարզպետ Հարություն Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
ՀՀ Վայոց ձորի մարզպետ Հարություն Սարգսյանի ուղերձը Մայրության և գեղեցկության տոնի կապակցությամբ 06.04.2018
Սիրասուն մայրեր, հարգարժան տիկնայք, սիրելի քույրեր և նազելի դուստրեր: Ջերմորեն շնորհավորում եմ Ձեզ Մայրության և գեղեցկության տոնի կապակցությամբ: Մաղթում եմ, որ Մարիամ Աստվածածնի ավետման այս տոնին քրիստոնեական սիրով պարուրվեն Ձեր ընտանիքները։ Մեր ազգի պատմությունը վկայում է, որ ազգապահպանության, ազգային արժեհամակարգի ձևավորման հենասյուներից մեկը հայ մայրն է եղել: Հայոց մայրերն են պահպանել ազգային հոգեկերտվածքը, որը որպես հայկական ուրույն դիմագիծ փոխանցել են իրենց զավակներին, դառնալով սերունդներին կապող շղթայի ոսկե օղակը: Սիրելի՛ մայրեր, Դուք եք Ձեր քնքնուշ ուսերին կրում սերունդներին հայեցի դաստիարակելու դժվարագույն գործը: Դուք եք նրանց հոգիներում ձևավորում ազգային և համամարդկային արժեքներ: ԵՎ հենց այս արժեհամակարգի շնորհիվ է, որ հայ ընտանիքում մայրը մշտապես գնահատված է եղել և արժանացել է պաշտամունքի հասնող մեծագույն սիրո, գորովանքի ու հոգածության: Ձեր դաստիարակության շնորհիվ է նաև, որ մեր զավակները պատրաստ են կյանքի գնով անգամ պաշտպանել իրենց սուրբ մայրերին, քույրերին ու դուստրերին:
Զատկի տոնին նվիրված միջոցառում Վայոց ձորի մարզային գրադարանում 05.04.2018
Ապրիլի 4-ին Վայոց ձորի մարզային գրադարանում կայացավ հերթական միջոցառումը, որը նվիրված էր Հիսուս Քրիստոսի հրաշափառ Հարության տոնին կամ ինչպես ընդունված է ասել՝ Սուրբ Զատկի տոնին: Միջոցառումը կազմակերպել էր գրադարանի մանկական բաժինը (բաժնի ղեկավար Ջեմա Մարգարյան): Գրական-գեղարվեստական ցերեկույթը կազմակերպվել էր թիվ 1 հիմնական դպրոցի 6-րդ ա դասարանի աշակերտների ուժերով, որոնք գրադարանի ակտիվ ընթերցողներից են: Միջոցառման ընթացքում հնչեցին Զատկին նվիրված բանաստեղծություններ, երգեր: Խոսվեց նաև
Կայացավ ՀՀ Վայոց ձորի մարզպետարանի ներքին աուդիտի կոմիտեի հերթական նիստը 05.04.2018
Այսօր՝ ապրիլի 5-ին, կայացավ ՀՀ Վայոց ձորի մարզպետարանի ներքին աուդիտի կոմիտեի 2018 թվականի հերթական նիստը` կոմիտեի նախագահ, ՀՀ Վայոց ձորի մարզպետ Հարություն Սարգսյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ՝ Սամվել Թարվերդյանը, Մելս Հարությունյանը և իրավաբանական բաժնի պետ Նարինե Մաղաքյանը: Նիստը քարտուղարում էր ՀՀ Վայոց ձորի մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև մարզպետարանի աշխատակազմի ղեկավար Կամո Սահակյանը, աշխատակազմի համապատասխան ստորաբաժանումների, Վայքի և Եղեգնաձորի սոցիալական աջակցության տարածքային գործակալությունների ղեկավարները: Օրակարգում ներառված էր՝
Աշխատանքային հանդիպում ՀՀ Վայոց ձորի մարզպետի մոտ 05.04.2018
Այսօր՝ ապրիլի 5-ին, ՀՀ Վայոց ձորի մարզպետ Հարություն Սարգսյանի մոտ տեղի ունեցավ աշխատանքային հանդիպում, որի ընթացքում քննարկվեց Համաշխարհային Բանկի կողմից ֆինանսավորվող > վարկային ծրագրի շրջանակում Եղեգնաձոր քաղաքում բժշկական կենտրոն կառուցելու գործընթացին վերաբերող հարցեր: Հանդիպմանը մասնակցում էին Համաշխարհային Բանկի առողջապահական թիմի ղեկավար Ադաննա Ճուկվուման, ծրագրի օգնական Գաբրիել Ֆրանցիսը և շրջակա միջավայրի պահպանության մասնագետ Ռայմոն Կոլինը: Հանդիպման մասնակցում էին նաև ՀՀ ԱՆ > պետական հիմնարկի տնօրեն Արայիկ Բաղրյանը և ՀՀ Վայոց ձորի մարզպետի տեղակալ Սամվել Թարվերդյանը: Հանդիպման ընթացքում քննարկվեցին կառուցվելիք բուժ-կենտրոնի համար հողհատկացման կարգին և փաստաթղթերի ձևակերպման ժամկետներին, ինչպես նաև շրջակա միջավայրի կառավարման խնդիրներին վերաբերող հարցեր: ՀԲ ներկայացուցիչներին հետաքրքրեց Եղեգնաձոր քաղաքի ընտրության հարցը, որին ի պատասխան մարզպետ Հ. Սարգսյանը նշեց, որ կարևորվել է
