Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պարզաբանում ՀՀ Վայոց ձորի մարզպետարանի աշխատակիցների պարգևատրման մասին 22.01.2019
ՀՀ մարզպետների կողմից ՀՀ օրենքի 22-րդ հոդվածի 9-րդ կետով՝ սահմանված կարգով՝ աշխատավարձի ֆոնդի տնտեսված գումարների հաշվին, պարգևատրման թեմային են անդրադարձել տարբեր ԶԼՄ-ներ և համացանցի բազմաթիվ օգտատերեր: Տեղեկացնում ենք, որ ՀՀ Վայոց ձորի մարզպետը գործել է օրենքի սահմաններում: Հիշեցնենք, որ պարգևատրման ցուցակներում չի եղել մարզպետի, չեն եղել մարզպետի տեղակալների և օգնականների անունները: 2018 թվականի աշխատավարձի ֆոնդի տնտեսված գումարների հաշվին խրախուսվել են նաև մարզպետարանի մյուս աշխատակիցները՝ մարզպետարանի գլխավոր քարտուղարի համապատասխան հրամանով: Պարգևատրված բոլոր աշխատակիցներին պարգևատրում տրվել է պաշտոնական դրույքաչափի 30 տոկոսի չափով:
Նշվեց Եղեգնաձորի երկրագիտական թանգարանի հիմնադրման 50 ամյակը 21.01.2019
Օրերս նշվեց Եղեգնաձորի երկրագիտական թանգարանի հիմնադրման 50 ամյակը: Միջոցառմանը մասնակցում էր ՀՀ Վայոց ձորի մարզպետի տեղակալ Նանե Ասատրյանը: Բացման խոսքով հանդես եկավ թանգարանի տնօրեն Կարեն Ազատյանը: Ողջույնի խոսք ասացին մարզպետի տեղակալ Նանե Ասատրյանը, պատմամշակութային արգելոց-թանգարանի տնօրեն Մելանյա Դովլաթյանը և այլոք: Թանգարանն իր այցելուներին դիմավորեց նորովի՝ մշտական ցուցադրությամբ։ .
Իրազեկում 18.01.2019
ընկերությունը տեղեկացնում է իր հաճախորդներին և սպառողներին, որ, պլանային աշխատանքներով պայմանավորված, ս.թ. հունվարի 21-ին ժամը 10։00-20:00 կդադարեցվի Վայոց ձորի մարզի Եղեգնաձոր քաղաքի՝ Լևոնյան, Խանջյան, Բաղդասարյան, Մշեցի, Իսակով, Ավագյան, Թամանցիների, Տերի-Առաքելյան, Մուրացանի, Չարենցի, Կամոյի, Սպանդարյան, Զորավար Վարդանի, Ալավերդյան, Գլաձորյան փողոցների և նրբանցքների, Նորավան թաղամասի և Երևանյան խճուղու ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Սուրեն Պապիկյանը տարեմուտի առաջին խորհրդակցությունն է անցկացրել մարզպետների մասնակցությամբ 16.01.2019
ՀՀ տարածքային կառավարման և զարգացման նախարարի պաշտոնակատար Սուրեն Պապիկյանն այսօր տարեմուտի առաջին աշխատանքային խորհրդակցությունն է անցկացրել ՀՀ մարզպետների մասնակցությամբ։ Ողջունելով գործընկերներին՝ նախարարի պաշտոնակատարը շնորհավորել է նրանց Ամանորի և Սուրբ Ծննդյան տոների կապակցությամբ և մաղթել բեղմնավոր ու արդյունավետ աշխատանքային տարի։ Անցնելով աշխատակարգային հարցերի քննարկմանը՝ Սուրեն Պապիկյանը մարզպետներին կոչ է արել հետևողական և հասցեական մոտեցում ցուցաբերել համայնքների սեփական եկամուտների՝ հողի հարկի և գույքահարկի, հավաքագրման գործընթացի նկատմամբ ու ձեռնարկել անհրաժեշտ բոլոր միջոցառումները՝ ոլորտում առկա ցուցանիշները բարելավելու և նախորդ տարվա համեմատ 2019 թվականին ավելի բարձր արդյունքներ ապահովելու ուղղությամբ։ Նախարարի պաշտոնակատարը նաև կարևորել է այս նպատակով համայնքապետերի և բնակչության հետ մարզպետների կողմից անհատական աշխատանք տանելու անհրաժեշտությունը։ Մի շարք համայնքներում առաջիկայում կայանալիք ընտրություններին ընդառաջ Սուրեն Պապիկյանը մարզպետներին հորդորել է
Հայտարարություն ՀՀ Վայոց ձորի մարզի Ջերմուկ համայնքում կայանալիք ավագանու նիստի վերաբերյալ 15.01.2019
Ս/թ հունվարի 18-ին` ժամը 12:00-ին, համայնքի ղեկավարի աշխատասենյակում տեղի կունենա ՀՀ Վայոց ձորի մարզի Ջերմուկ համայնքի ավագանու հերթական նիստը:
Հունվարի 15-ին Վայոց ձորի մարզում կայացավ 2018 թվականի ձմեռային զորակոչի երկրորդ հավաքը՝ Վայքի տարածաշրջանից մի խումբ նորակոչիկներ մեկնեցին պարտադիր ժամկետային զինվորական ծառայության: Մարզային զինվորական կոմիսարիատում նորակոչիկներին հանդիպեց, նրանց հետ զրուցեց ու անվտանգ ծառայություն մաղթեց ՀՀ Վայոց ձորի մարզպետի տեղակալ Ռազմիկ Տոնոյանը: Այնուհետև նորակոչիկներին ճանապարհելու հանդիսավոր միջոցառում կազմակերպվեց Վայք քաղաքի Սուրբ Տրդատ եկեղեցում: Եկեղեցում նորակոչիկներին բարի ճանապարհ մաղթեց Վայոց ձորի մարզի զինկոմիսար, փոխգնդապետ Արմեն Հովսեփյանը, իսկ օրհնության կարգ կատարեց Վայքի տարածաշրջանի հոգևոր հովիվ Տեր Սեպուհ քահանա Հարությունյանը: Օրհնության կարգից հետո բոլոր նորակոչիկները խաչեր նվեր ստացան, որն իրենք կկրեն ծառայության ողջ ընթացքում: Միջոցառմանը ներկա էին համայնքի ղեկավարներ, նորակոչիկների ծնողներն ու հարազատները: ՀՀ Վայոց ձորի մարզպետարանի զորահավաքային պատրաստության բաժնի պետ Վանիկ Խուդավերդյանը նշեց, որ 2018 թվականի զորակոչի վերջին հավաքը Վայոց ձորի մարզում կլինի ս/թ
