Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկում-հրավեր 28.09.2018
Սիրելի վայոցձորցիներ, 5-րդ միջազգային կինոփառատոնի ծրագրով, Եղեգնաձորի Արագիլ կինոթատրոնի հրապարակում հոկտեմբերի 2-ին, ժամը՝ 18:00-ին տեղի կունենա բացօթյա կինոցուցադրություն: Նշենք. որ միջազգային կինոփառատոնի համահեղինակները Վայոցձորյան ծագում ունեցող մեր հայրենակիցներ են՝ Սիմոն Սահակյանը և և նրա կինը՝ դերասանուհի Ռիտա Խալաթյանը: Սիրով բոլորին հրավիրում ենք վայելելու փառատոնի ֆիլմերի ցուցադրությունը:
Աղավնաձորում քննարկվեց խաղողի մթերման հետ կապված մի շարք հարցեր 27.09.2018
Սեպտեմբերի 26 -ին ՀՀ Վայոց ձորի մարզպետ Արագած Սաղաթելյանը Արենի համայնքի ղեկավար Հուսիկ Սահակյանի ուղեկցությամբ այցելեց Աղավնաձոր բնակավայր: Մարզպետը և համայնքի ղեկավարը հանդիպում ունեցան Աղավնաձորի խաղողագործների և մթերող կազմակերպությունների ներկայացուցիչների հետ, որի ընթացքում քննարկվեց խաղողի մթերման հետ կապված մի շարք հարցեր։ Սակայն քննարկումները ցանկալի արդյունքի չբերեցին, քանզի խաղողագործները 1 կգ Արենի տեսակի խաղողի վաճառքի գինն առաջարկում էին 350 դրամ, որի հետ համաձայն չէին մթերող կազմակերպությունների՝ գինեգործարանների ներկայացուցիչները: Որոշվեց
Այսօր՝ սեպտեմբերի 27-ին, ՀՀ Վայոց ձորի մարզպետ Արագած Սաղաթելյանի մոտ, մասնակցությամբ ՀՀ ոստիկանության Վայոց ձորի մարզային վարչության պետ, ոստիկանության գնդապետ Գրիգոր Գրիգորյանի, տեղի ունեցավ հանդիպում-խորհրդակցություն, նվիրված հասարակություն-ոստիկանություն փոխհամագործակցության ակտիվացման խնդիրներին: Մասնակցում էին մարզպետի տեղակալները, մարզպետարանի համապատասխան ստորաբաժանումների ղեկավարները կամ աշխատակիցները: Մարզպետն իր խոսքում կարևորեց համայնքային ոստիկանության գործունեության վերաբերյալ եռամսյակային հաշվետվությունները: Իսկ ոստիկանության մարզային վարչության պետը շեշտադրեց համայնքային ոստիկանների գործառույթների իրականացման արդյունավետության բարձրացմանը նպաստող պայմանները՝ բոլոր բնակավայրերում ոստիկանների համար աշխատասենյակների առկայություն, ինչպես նաև պետական և տեղական ինքնակառավարման մարմինների հետ ակտիվ համագործակցությունը: Քննարկվող հարցերի վերաբերյալ արտահայտվեցին մարզպետի տեղակալներ Նանե Ասատրյանը, Ռազմիկ Տոնոյանը, Գևորգ Ավագյանը և հարցերին վերաբերող ոլորտը համակարգող ստորաբաժանումների ղեկավարները: Ընդունված կարգի համաձայն
Հակակարկտային կայանքների ոլորտը լուրջ ուսումնասիրության կարիք ունի. Սուրեն Պապիկյան 26.09.2018
ՀՀ տարածքային կառավարման և զարգացման նախարար Սուրեն Պապիկյանն այսօր երկշաբաթյա պարբերականությամբ հերթական աշխատանքային խորհրդակցությունն է հրավիրել ՀՀ մարզպետների մասնակցությամբ։ Խոսելով վերջերս հակակարկտային կայանքների վերաբերյալ վարչապետ Նիկոլ Փաշինյանի արտահայտած մտահոգությունների մասին՝ նախարար Սուրեն Պապիկյանը մարզպետներին հանձնարարել է հնարավորինս կարճ ժամանակահատվածում գույքագրել պետական, համայնքային ենթակայության և մասնավոր սեփականություն հանդիսացող հակակարկտային կայանքները՝ ներկայացնելով դրանց պահպանման արժեքի և ծասխարդյունավետության վերաբերյալ մանրամասն հաշվետվություն։ Այս առնչությամբ նախարարը հայտնել է, որ խնդիր ունենք վերլուծել ոլորտում տիրող իրավիճակը և բացառել անարդյունավետ ու անընդհատ ծախս պահանջող կայանքների աշխատանքը։ Նախարարը տարակուսանք է հայտնել համայնքների կողմից հողի հարկի և գույքահարկի հավաքագրման ներկայիս ընթացքի վերաբերյալ և մարզպետներին կոչ արել բնակիչների շրջանում տանել համապատասխան բացատրական աշխատանքներ՝ հարկերից խուսափելու իրավական հետևանքների մասին։
Իրազեկում 26.09.2018
ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ. սեպտեմբերի 26-ին ժամը 09։30-ից մինչև սեպտեմբերի 27-ը ժամը 09։30-ը կդադարեցվի Վայոց ձորի մարզի Վայք քաղաքի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Երեկ ՓԲԸ-ում տոնական տրամադրություն էր տիրում: Բժշկական կազմակերպության շտապ օգնության ծառայությունը համալրվեց նոր մեքենաներով՝ 1 ռեանիմոբիլ և 2 գծային: Մեքենաների ընդունման արարողությանը ներկա էին մարզպետարանի աշխատակազմի առողջապահության և սոցիալական ապահովության վարչության պետի տեղակալ Լիլիա Կարպետյանը, բժշկական կազմակերպության տնօրենի տեղակալ Կարեն Ասատրյանը և աշխատակիցները: Նշենք, որ ՀՀ Կառավարության համապատասխան որոշմամբ՝ 2018 թվականի մարտի 22-ին Հայաստանի Հանրապետության առողջապահության նախարարության և Չինանստանի Ժողովրդական Հանրապետության առևտրի նախարարության միջև ստորագրված համաձայնագրի շրջանակներում Չինաստանի Ժողովրդական Հանրապետության կառավարության կողմից Հայաստանի Հանրապետության կառավարությանն անհատույց տրամադրվել են 200 շտապ օգնության մեքենաներ: Վայոց ձորի մարզի բուժհաստատություններին՝ համաձայն ՀՀ առողջապահության նախարարության բաշխացուցակի, տրամադրվել է 4 շտապ օգնության գծային մեքենա և 1 շտապ օգնության ռեանիմոբիլ, հետևյալ բաշխվածությամբ.
