Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը ճանաչողական այցով եղել է Զառիթափ բնակավայրում 15.11.2019
ՀՀ Վայոց ձորի մարզպետ Արարատ Գրիգորյանի Զառիթափ համայնք կատարած ճանաչողական այցի վերջին կանգառը Զառիթափ բնակավայրն էր։ Զառիթափում Արարատ Գրիգորյանին նույնպես Աղուհացով ընդունեցին և ողջունեցին բնակավայր առաջին այցի կապակցությամբ: Մարզպետն աշխատանային խմբի հետ այցելեց դպրոց և մանկապարտեզ: Արարատ Գրիգորյանին ուղեկցում էր համայնքի ղեկավար Սիմոն Բաբայանը: Բնակիչները, ուսուցիչները, դպրոցի և մանկապարտեզի տնօրենները բարձրաձայնեցին իրենց հուզող խնդիրների մասին: Արարատ Գրիգորյանը խոստացավ բարձրաձայնած հարցերը քննարկել մարզպետարանում և պատկան մարմինների հետ, համապատասխան լուծում գտնելու նպատակով:
Շարունակվում են ՀՀ Վայոց ձորի մարզպետ Արարատ Գրիգորյանի ճանաչողական այցերը մարզի համայքներ 15.11.2019
Ներկայացնում ենք ՀՀ Վայոց ձորի մարզպետ Արարատ Գրիգորյանի Արենի համայնքի բնակավայրեր այցի ժամանակացույցը:
Երեկ՝ նոյեմբերի 13-ին, ՀՀ Վայոց ձորի մարզպետ Արարատ Գրիգորյանի համայնքներ աշխատանքային այցի վերջին կանգառը Մալիշկա համայնքն էր: Մալիշկայում մարզպետը հանդիպել է համայնքի բնակիչներին, զրուցել նրանց հետ, ծանոթացել համայնքում առկա և մալիշկեցիներին հուզող խնդիրներին: Հանդիպման ընթացքում բարձրաձայնված խնդիրները վերլուծելու և մարզպետարանում քննարկելու նպատակով, մարզպետ Արարատ Գրիգորյանը հանձնարարականներ է տվել իր աշխատանքային խմբի անդամներին:
Բուժամանկաբարձական կետերի բուժքույրերի վերապատրաստում Վայոց ձորում 14.11.2019
2019 թվականի նոյեմբերի 11-ին և 12-ին Եղեգնաձորի ԲԿ ՓԲԸ-ում կազմակերպվել է վերապատրաստման սեմինար, Վայոց ձորի մարզի բժշկական կազմակերպությունների Բուժամանկաբարձական կետերի բուժքույրերի համար: Վերապատրաստումը կազմակերպել էր Հայկական ակնաբուժության նախագիծ ԲՀ-ն և ՀՀ Վայոց ձորի մարզպետարանը, աշխատանքները վարել է էնդոկրինոլոգ Իրինա Մկրտչյանը: Մասնակից ԲՄԿ (բուժամանկաբարձական կետերի) 24 բուժքույրեր կստատան ՇՄԶ (շարունակական մասնագիտական զարգացման) կրեդիտներ: Սեմինարի թեման էր՝ շաքարային դիաբետի կառավարումը, նպատակը՝ վաղ շրջանում շաքարային դիաբետ հիվանդության հայտնաբերումը, հիվանդության վերաբերյալ ճիշտ, գրագետ տեղեկատվության մատուցումը, ինչպես նաև հիվանդության բարդությունների կանխարգելումը:
ՀՀ Վայոց ձորի մարզպետ Արարատ Գրիգորյանը ճանաչողական այցով եղել է Զառիթափ համայնքի Գոմք բնակավայրում 14.11.2019
Նոյեմբերի 14-ին, ՀՀ Վայոց ձորի մարզպետ Արարատ Գրիգորյանի ճանաչողական այցի առաջին կանգառը Զառիթափ համայնքի Գոմք բնակավայրն էր, ուր Արարատ Գրիգորյանին դիմավորեցին Աղուհացով: Մարզպետ Արարատ Գրիգորյանին ուղեկցում էր համայնքի ղեկավար Սիմոն Բաբայանը: Մարզպետը Գոմք էր այցելել աշխատանքային խմբով, որում ընդգրկված էին մարզպետի խորհրդականները և մարզպետարանի ոլորտային ստորաբաժանումների ղեկավարները: Գոմքի բնակիչները հանդիպման ընթացքում ներկայացրել են գյուղում առկա խնդիրները և իրենց հուզող հարցերը, որոնց մի մասին մարզպետարանի աշխատակիցները տեղում պատասխանել են, իսկ քննարկման ենթակա հարցերը աշխատանքային խմբի համապատասխան աշխատակիցները գրանցել են՝ հարցերի լուծման հնարավոր ուղիներ գտնելու համար մարզպետարանում քննարկումներ կազմակերպելու նպատակով:
ՀՀ Վայոց ձորի մարզպետ Արարատ Գրիգորյանն այցելել է Զառիթափ համայնքի Սարավան բնակավայր 13.11.2019
Այսօր՝ նոյեմբերի 13-ին, ՀՀ Վայոց ձորի մարզպետ Արարատ Գրիգորյանը Զառիթափ համայնք աշխատանքային այցի շրջանակում համայնքի ղեկավար Սիմոն Բաբայանի ուղեկցությամբ եղել է Սարավան բնակավայրում: Մարզպետ Արարատ Գրիգորյանը հանդիպել է Սարավանի բնակիչներին, զրուցել նրանց հետ, ծանոթացել սարավանցիներին հուզող խնդիրներին: Բնակիչների կողմից բարձրաձայնված խնդիրների վերլուծման և դրանցում առաջ քաշված հարցերը մարզպետարանում քննարկելու նպատակով, մարզպետը հանձնարարականներ է տվել իր աշխատակազմի անդամներին և մարզպետարանի համապատասխան ստորանաժանումների ղեկավարներին: Մարզպետ Արարատ Գրիգորյանը Սարավանից ուղևորվել է դեպի Արտավան բնակավայր:
