Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ջերմուկի թիվ 3 հիմանական դպրոցի աշակերտը` <Կենգուրու 12-ում>

Ջերմուկի թիվ 3 հիմանական դպրոցի աշակերտը` <Կենգուրու 12-ում> 31.08.2012

Արդեն չորրորդ տարին է, ինչ Հայաստանի Հանրապետությունում անցկացվում է ԿԵՆԳՈՒՐՈՒ միջազգային մաթեմատիկական մրցույթը: Այս տարի մրցույթին մասնակցել է Ջերմուկի թիվ 3(Կեչուտի) հիմանական դպրոցի չորրորդ դասարանի աշակերտ Տիգրան Ռոմիկի Գրիգորյանը և Վայոց ձորի մարզի ներկայացուցիչների մեջ ունեցել է լավագույն արդյունք: Մրցույթը տեղի է ունեցել մարտի 15-ին, արդյունքներն ամփոփվել են մայիսին; Օգոստոսի 29-ին ՀՀ Նախագահի մոտ կայացած հանդիպման ժամանակ մրցանակակիր աշակերտները, այդ թվում նաև Տիգրան Գրիգորյանը ստացել են Հավաստագիր և արժեքավոր նվերներ: ՀՀ Նախագահը շնորհավորել է աշակերտներին, զրուցել նրանց հետ և պատասխանել երեխաներին հուզող հարցերին: Այնուհետև մրցանակային տեղեր գրաված երեխաները այցելել են Մայր Աթոռ Սուրբ Էջմիածին և ստացել Վեհափառ Հայրապետի օրհնությունը:

Սեպտեմբերի մեկին Վայոց ձորի մարզի բոլոր ուսումնական հաստատություններում կմեկնարկի նոր ուսումնական տարին:

Սեպտեմբերի մեկին Վայոց ձորի մարզի բոլոր ուսումնական հաստատություններում կմեկնարկի նոր ուսումնական տարին: 31.08.2012

Սեպտեմբերի մեկին Վայոց ձորի մարզի բոլոր ուսումնական հաստատություններում կմեկնարկի 2012-2013 ուսումնական տարին: Այդ կապակցությամբ մարզպետարանի աշխատակազմի կրթության, մշակույթի և սպորտի վարչությունից հայտնում են, որ մինչ ուսումնական տարվա մեկնարկը մարզային կրթության վարչության և դպրոցների տնօրինությունների կողմից կատարվել են բոլոր նախապատրաստական աշխատանքները ուսումնական տարին բարեհաջող սկսելու համար:

ՀՀ Վայոց ձորի մարզպետ Էդգար Ղազարյանի ուղերձը Գիտելիքի օրվա կապակցությամբ

ՀՀ Վայոց ձորի մարզպետ Էդգար Ղազարյանի ուղերձը Գիտելիքի օրվա կապակցությամբ 31.08.2012

Սիրելի դպրոցականներ, ուսանողներ, մանկավարժներ, դասախոսներ, կրթության բնագավառի ներկայացուցիչներ: Ամենաբարի ցանկություններով շնորհավորում եմ Ձեզ Գիտելիքի օրվա և նոր ուսումնական տարվա մեկնարկի կապակցությամբ: Յուրաքանչյուր նոր ուսումնական տարին մի նոր հնարավորություն է` յուրացնելու մեր ոսկեղենիկ այբուբենը, ճարտար դարձնելու մեր խոսքն ու բառը, ձեռք բերելու խորն ու կայուն գիտելիքներ, բացելով գիտության շտեմարանները` հարստացնելու կարողություններն ու իմացությունը, կրթվելու ազգային և համամարդկային արժեքներով, որոնց շնորհիվ հնարավոր կլինի նպաստել մեր երկրի տնտեսական զարգացմանն ու շենացմանը:

ՀՀ ՎԱՅՈՑ ՁՈՐԻ ՄԱՐԶՊԵՏ էԴԳԱՐ ՂԱԶԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՐՑԱԽԻ ՆԱԽԱԳԱՀ ԲԱԿՈ ՍԱՀԱԿՅԱՆԻ ԾՆՆԴՅԱՆ ՏԱՐԵԴԱՐՁԻ ԿԱՊԱԿՑՈՒԹՅԱՄԲ 30.08.2012

  Մեծարգո պարոն Նախագահ Սրտանց շնորհավրում եմ Ձեզ, ծննդյան տարեդարձի կապակցությամբ: Մաղթում եմ Ձեզ ամուր առողջություն և աննկուն կամք այդ դժվարին, բայց և պատասխանատու առաքելությունն իրագործելու ճանապարհին: Մի քանի օրից Դուք վերստին ստանձնելու եք Արցախի հերոսական ժողովրդին դեպի փայլուն ապագա առաջնորդելու Ձեր նվիրական առաքելությունը: Մեր մաղթանք է~ Ձեզ տեսնել միշտ ուրախ, լի ավյունով եւ վճռականությամբ: Հարգանքներով ՝ Էդգար Ղազարյան  

Քննարկվեցին անասնաբուժության բնագավառի խնդիրները

Քննարկվեցին անասնաբուժության բնագավառի խնդիրները 30.08.2012

Այսօր ՀՀ Վայոց ձորի մարզպետարանի նիստերի դահլիճում կայացավ խորհրդակցություն, նվիրված մարզի տարածքում անասնաբուժության բնագավառի իրավիճակային խնդիրներին, որը վարում էր մարզպետ Էդգար Ղազարյանը: Խորհրդակցությանը մասնակցում էին փոխմարզպետ Սամվել Թարվերդյանը, մարզպետարանի աշխատակազմի գյուղատնտեսության և բնապահպանության վարչության և ՀՀ գյուղատնտեսության նախարարության սննդի անվտանգության պետական ծառայության Վայոց ձորի մարզային կենտրոնի պետերը, մարզի համայնքների անասնաբույժները:

ՀՀ Վայոց ձորի մարզպետ Էդգար Ղազարյանի շնորհավորական ուղերձը`Ժիրայր Վարդանյանի ծննդյան 60 ամյակի կապակցությամբ 29.08.2012

Օգոստոսի 28-ին հանդիսավորությամբ նշվեց ՀՊԱՀ անտառագիտության ամբիոնի վարիչ, ՀՀ ԳԱԱ թղթակից անդամ, կենսաբանական գիտությունների դոկտոր, պրոֆեսոր, արմատներով վայոցձորցի Ժիրայր Վարդանյանի ծննդյան 60 ամյակը, որին մասնակցում էին ՀՀ ԳԱԱ Նախագահ Ռադիկ Մարտիրոսյանը, ՀՀ բանապահպանության նախարար Արամ Հարությունյանը, ՀՊԱՀ ռեկտոր Արշալույս Թարվերդյանը և կրթության ու դիտության բնագավառի այլ երևելիներ: Սիրով ներկայացնում ենք ՀՀ Վայոց ձորի մարզպետ Էդգար Ղազարյանի շնորհավորական ուղերձը, որը միջոցառման ժամանակ ներկայացրեց մարպետի տեղակալ Մելս Հարությունյանը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-10-23 17:34:03