Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզը մասնակցեց «Արվեստների և արհեստների» փառատոնին 09.09.2024
Սեպտեմբերի 7-ին Տավուշի մարզի Դիլիջան քաղաքում անց է կացվել արդեն ավանդական դարձած «Արվեստների և արհեստների» 12-րդ միջազգային փառատոնը, որն այս անգամ կրում էր «Տուրիզմը միավորում է մշակույթներ» խորագիրը։ Փառատոնը կազմակերպվել էր ՀՀ էկոնոմիկայի նախարարության Զբոսաշրջության կոմիտեի, ՀՀ Տարածքային կառավարման և ենթակառուցվածքների նախարարության, մարզպետի աշխատակազմերի, «MEDIA ONIX» մշակույթի և տուրիզմի պրոպագանդման ընկերության աջակցությամբ։
Ագարակաձոր բնակավայրում նշվեց գյուղի տոնը 09.09.2024
Վայոց ձորի մարզի Արենի համայնքի Ագարակաձոր բնակավայրում սեպտեմբերի 8-ին նշվեց Ագարակաձորի տոնը։ Միջոցառման մեկնարկից առաջ ՀՀ Վայոց ձորի մարզպետ Կոլյա Միքաելյանի և Արենի համայնքի ղեկավար Հուսիկ Սահակյանի գլխավորությամբ միջոցառման մասնակիցները այցելեցին Անապատ կոչվող մատուռ և կատարեցին մոմավառություն։ Բացման խոսքով հանդես եկավ Արենի համայնքի ղեկավար Հուսիկ Սահակյանը, ով նշեց, որ նմանատիպ միջոցառումները միտված են բնակիչներին ավելի միասնական դարձնելուն և շնորհավորեց ագարակաձորցիներին իրենց տոնի առթիվ։ Համայնքի ղեկավարը նաև շնորհակալագրեր հանձնեց Ագարակաձորի՝ միջոցառումներին և նախաձեռնություններին մշտապես ակտիվորեն մասնակցած բնակիչներին։
Տեղի կունենա Եղեգնաձոր համայնքի ավագանու արտահերթ նիստը 06.09.2024
Հարգելի՛ քաղաքացիներ․ տեղեկացնում ենք, որ 2024 թվականի սեպտեմբերի 9-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու արտահերթ նիստը։ Նիստի օրակարգին կարող եք ծանոթանալ հետևյալ հղմամբ․ https://www.yeghegnadzor.am/Pages/DocFlow/Default.aspx?a=v&nt=1&g=5522e2c3-fece-4071-9150-53f21423efa1
Վարչապետ Նիկոլ Փաշինյանն այցելել է Վայոց ձորի մարզ և ծանոթացել 2023 թվականին իրականացված և ներկայումս ընթացքի մեջ գտնվող ծրագրերին: Նիկոլ Փաշինյանի առաջին կանգառը եղել է Ջերմուկ քաղաքը, որտեղ ծանոթացել է Եղնիկի արձան մոտեցնող ճանապարհի և դիտահրապարակի կառուցման աշխատանքներին: Ծրագրի իրականացման համար Կառավարությունը հատկացրել է ավելի քան 232 մլն դրամ: Արդյունքում՝ կլինի 1,6 կմ բարեկարգ ճանապարհ, դիտահրապարակ, որը կնպաստի համայնքի զբոսաշրջության զարգացմանը: Կատարված է շինարարական աշխատանքների 92 %-ը, ավարտը նախատեսվում է 2025թ.-ին: Ներկայացվել է նաև Ջերմուկ քաղաքի Արփա գետի կիրճի և Ջերմուկի խորհրդանիշ եղնիկի արձան տանող ճանապարհի շրջակա ժայռերի լուսավորության ապահովման սուբվենցիոն ծրագիրը: Ծրագրի ընդհանուր արժեքը կազմել է ավելի քան 34 մլն դրամ, որից 20,6 մլն դրամը հատկացրել է Կառավարությունը։
Հանդիպումներ Ռինդ և Ելփին բնակավայրերում 04.09.2024
Օրերս Վայոց ձորի մարզպետ Կոլյա Միքաելյանը մարզպետի աշխատակազմի ներկայացուցիչների հետ այցելեց Արենի համայնքի Ռինդ և Ելփին բնակավայրեր՝ հանդիպելու բնակիչների հետ, տեղում քննարկելու նրանց հուզող հարցերն ու խնդիրները, ներկայացնելու մի շարք բնագավառներում կառավարության ծրագրերը և որդեգրած քաղաքականության սկզբունքները։ Հանդիպումների ընթացքում մարզպետ Կոլյա Միքաելյանը կարևորեց այս ձևաչափով հանդիպումները և դրանց շարունակական լինելը՝ ակնկալելով ակտիվ և կառուցողական քննարկումներ բնակիչների հետ։
Հանդիպումներ Ազատեկ և Մարտիրոս բնակավայրերում 04.09.2024
Վայոց ձորի մարզպետ Կոլյա Միքաելյանի և մարզպետի աշխատակազմի ներկայացուցիչների՝ մարզի գյուղական բնակավայրեր այցի հաջորդ աշխատանքային կանգառը Վայք համայնքի Ազատեկ և Մարտիրոս բնակավայրերն էին։ Հանդիպումների նպատակն էր բնակիչների հետ տեղում քննարկելու նրանց հուզող հարցերն ու խնդիրները, ներկայացնելու մի շարք բնագավառներում կառավարության ծրագրերը և որդեգրած քաղաքականության սկզբունքները։ Հանդիպումների ընթացքում մարզպետ Կոլյա Միքաելյանը կարևորեց այս ձևաչափով հանդիպումները՝ ակնկալելով ակտիվ և անկաշկանդ քննարկումներ բնակիչների հետ։
