Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետի աշխատակազմում հոկտեմբերի 3-ին ՀՀ էկոնոմիկայի նախարարի տեղակալ Տաթևիկ Սարգսյանը , > ՊՈԱԿ-ի տնօրեն Գառնիկ Հովհաննիսյանը, մարզպետի աշխատակազմի գյուղատնտեսության և շրջակա միջավայրի պահպանության վարչության պետ Գեղամ Մարգարյանը հանդիպեցին ՍԱՏՄ Վայոց ձորի մարզային կենտրոնի ներկայացուցիչների, համաճարակաբանների, համայնքների ղեկավարների առաջին տեղակալների, վարչական ղեկավարների,համայնքների գյուղատնտեսների,անասնաբույժների հետ։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Ուսուցչի տոնի առթիվ 05.10.2025
Սիրելի՛ ուսուցիչներ, կրթության ոլորտի նվիրյալնե՛ր, մեծագույն հարգանքով ու երախտագիտությամբ շնորհավորում եմ ձեզ մասնագիտական տոնի՝ Ուսուցչի օրվա առթիվ: Հայ ժողովուրդը դարեր ի վեր առանձնակի ակնածանքով է վերաբերել կրթությանը, գնահատել և արժևորել ուսուցչի դերը հայապահպանման, սերունդների՝ ազգային և համամարդկային արժեքներով դաստիարակման, անհատի ձևավորման բարդ ու դժվարին աշխատանքում՝ այն միշտ համարելով առաքելություն և պատասխանատվություն ներկայի և ապագայի հանդեպ:
Նվիրաբերվել են էլեկտրական հովիվներ 03.10.2025
ՀՀ Վայոց ձորի մարզպետի աշխատակազմի և Վայրի բնության և մշակութային արժեքների պահպանման հիմնադրամի միջև կնքված նվիրաբերության պայմանագրով Եղեգիս համայնքի առավել խոցելի բնակավայրերի մի խումբ բնակիչների տրամադրվել են 15 էլեկտրական հովիվներ՝ յուրաքանչյուրը 1 006 000 դրամ արժողությամբ։ Այն իրականացվել է Գյուղատնտեսության և շրջակա միջավայրի պահպանության վարչության համակարգմամբ > ծրագրի շրջանակում։
Այցելություն Վայոց ձորի մարզի տարեցներին 02.10.2025
Տարեցների միջազգային օրվա շրջանակներում ՀՀ Վայոց ձորի մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը և նույն վարչության գլխավոր մասնագետ Ցողիկ Բաբայանն այցելել են Վայոց ձորի մարզում բնակվող, հարյուրամյակը բոլորած հինգ տարեցներին։ Մարզպետի աշխատակազմի ներկայացուցիչները զրուցել են ավագ սերնդի ներկայացուցիչների ընտանիքի անդամների հետ, հետաքրքրվել նրանց առողջությամբ և խնդիրներով, կարևորել այն հոգատարությունը և ուշադրությունը, որով շրջապատված են նրանք։Նրանք տարեցներին մաղթել են առողջություն և անհոգ ծերություն։
Եղեգնաձորի մշակույթի կենտրոնի բեմում Հայաստանի ազգային ակադեմիական երգչախմումբն էր 02.10.2025
Հոկտեմբերի 1-ին Եղեգնաձորի մշակույթի կենտրոնում կայացավ Հայաստանի ազգային ակադեմիական երգչախմբի համերգը նշանավոր մաեստրո Հովհաննես Չեքիջյանի ղեկավարությամբ։ Այն կազմակերպվել էր ԿԳՄՍ նախարարության նախաձեռնությամբ և Վայոց ձորի մարզպետի աշխատակազմի աջակցությամբ։ Երգչախմբի ներկայացմամբ երգարվեստի գոհարներ վայլեց վայոցձորցի հանդիսատեսը՝ բացառիկ ջերմությամբ, հիացմունքով և երախտագիտությամբ ընդունելով յուրատեսակ հոգևոր մթնոլորտ ապահովող յուրաքանչյուր կատարում։
ՀՀ Վայոց ձորի մարզպետ Կոլյա Միքաելյանի ուղերձը Տարեցների միջազգային օրվա առթիվ 01.10.2025
Այսօր՝ հոկտեմբերի 1-ին, ամբողջ աշխարհում նշվում է տարեցների օրը։ Այն յուրատեսակ հիշեցում է, որ ամեն օր, ամեն պահի տարեցները, ավագ սերնդի ներկայացուցիչները կարիք ունեն մեր խորին հարգանքի և մեծ ուշադրության, մեր հոգածության և աջակցության։ Նրանք տասնամյակներ շարունակ մեծ պատասխանատվությամբ, սիրով և խնամքով ձևավորել են մեր մշակութային, սոցիալական ու ընտանեկան արժեքների հիմքը:
