Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի մի շարք դպրոցներում կազմակերպվել են կրթամշակութային միջոցառումներ 22.11.2024
2024-2025 ուսումնական տարին որպես կրթամշակութային տարի դիտարկելու և դրա շրջանակներում մշակույթի և կրթության կապը ապահովող, բացահայտող, ամրապնդող տարաբնույթ միջոցառումների իրականացմանը միտված՝ ՀՀ Վայոց ձորի մարզի Վերնաշենի, Զեդեայի, Գնդեվազի, Գլաձորի, դպրոցներում կազմակերպվել են կրթադաստիարակչական, ճանաչողական, ոչ նյութական մշակութային արժեքների պահպանմանն ու տարածմանն ուղղված միջոցառումներ։ Միջոցառումներին ներկա են եղել ՀՀ Վայոց ձորի մարզպետ Կոլյա Միքաելյանը, մարզպետի աշխատակազմի պաշտոնատար անձինք։
Աշխատանքային հանդիպում Գոմք բնակավայրում 22.11.2024
Նոյեմբերի 19-ին ՀՀ Վայոց ձորի մարզպետ Կոլյա Միքաելյանը մարզպետի աշխատակազմի ստորաբաժանումների ղեկավարների և Վայք համայնքի ղեկավար Մխիթար Մաթևոսյանի հետ այցելեց Գոմք բնակավայր՝ մի շարք խնդիրներ տեղում դիտարկելու, բնակիչների հետ հանդիպելու և նրանց հետ մտահոգող հարցերը քննարկելու նպատակով։ Բնակիչների հետ հանդիպման ժամանակ մարզպետի աշխատակազմի ստորաբաժանումների ղեկավարները խոսել են առողջապահական և սոցիալական ոլորտի փոփոխությունների, գյուղոլորտի պետական աջակցության ծրագրերի, սուբվենցիոն և այլ ծրագրերի շրջանակներում բնակավայրում կատարված և կատարվելիք աշխատանքների մասին։ Ներկայացվել են նաև ՀՀ վարչապետի՝ բնակավայր այցելությունից հետո տրված հանձնարարականների կատարման ընթացքի վերաբերյալ տեղեկություններ։
Նվաճումներ <<Սպարտակիադա>> մարզական միջոցառման բազկամարտ մարզաձևի եզրափակիչ մրցույթում 19.11.2024
Նոյեմբերի 18-ին Երևանում անցկացվեց > մարզական միջոցառման բազկամարտ մարզաձևի եզրափակիչ մրցույթը։ Յուրաքանչյուր մարզից եզրափակիչ փուլին մասնակցում էին 10 մարզիկ /6 տղա և 4 աղջիկ/ 10 քաշային կարգերում։ Աղջիկների մենապայքարում՝ 65 կգ քաշային կարգում, Եղեգնաձորի թիվ 2 հիմնական դպրոցի սան Գոհար Մելքոնյանը գրավեց 2-րդ տեղը՝ արժանանալով արծաթե մեդալի, գավաթի և ԿԳՄՍ նախարարության պատվոգրի։ 65+ քաշային կարգում Արինի միջնակարգ դպրոցի սան Մելինե Առաքելյանը ևս գրավեց 2-րդ տեղը՝ արժանանալով արծաթե մեդալի, գավաթի և ԿԳՄՍ նախարարության պատվոգրի։ Թող հաջողությունները և հաղթանակները լինեն շարունակական․․․
Տեղի կունենա Վայք համայնքի ավագանու արտահերթ նիստը 19.11.2024
Տեղեկացնում ենք, որ սույն թվականի նոյեմբերի 19-ին՝ ժամը 16։00-ին, Վայքի համայնքապետարանի շենքում տեղի կունենա Վայք համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
Տեղի կունենա Եղեգնաձոր համայնքի ավագանու հերթական նիստը 19.11.2024
Տեղեկացնում ենք, որ սույն թվականի նոյեմբերի 22-ին՝ ժամը 18։30-ին, Եղեգնաձորի համայնքապետարանում տեղի կունենա Եղեգնաձոր համայնքի ավագանու հերթական նիստը։ Նիստի օրակարգին կարող եք ծանոթանալ այս հղումով։
Իրազեկման հանդիպում Գետափ բնակավայրում 18.11.2024
Վայոց ձորի մարզպետի տեղակալ Արսեն Խաչատրյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը, նույն վարչության գլխավոր մասնագետ Ցողիկ Բաբայանը և Գետափ բնակավայրի վարչական ղեկավար Արմեն Մարգարյանը Եղեգնաձոր համայնքի Գետափ բնակավայրում հանդիպել են ԼՂ բռնի տեղահանված անձանց հետ։ Նրանք մեր հայրենակիցներին մեկ անգամ ևս իրազեկել են բնակարանային ապահովման, այլ սոցիալական աջակցության ծրագրերի մասին, քննարկել նրանց հետ քաղաքացիության ձեռքբերմանը, զբաղվածության ծրագրերին, փաստաթղթային խնդիրներին, համայնքների ենթակառուցվածքներին և զբաղվածության հնարավորություններին առնչվող մի շարք հարցեր։
