Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզում տրված է ձմեռային զորակոչի մեկնարկը 13.01.2025
ՀՀ Վայոց ձորի մարզում մեկնարկեց ձմեռային զորակոչը։ Նորակոչիկներին զինվորական պարտադիր ծառայության ճանապարհելու արարողությանը ներկա էին ՀՀ Վայոց ձորի մարզպետ Կոլյա Միքաելյանը, ուժային կառույցների տարածքային մարմինների ղեկավարները,ծնողներ,հարազատներ,մտերիմներ։
Տեղի է ունեցել Համահայկական ձմեռային 2-րդ խաղերի կազմկոմիտեի նիստը 13.01.2025
ՀՀ Վայոց ձորի մարզի Ջերմուկի համայնքապետարանում հունվարի 10–ին տեղի է ունեցել Համահայկական ձմեռային 2-րդ խաղերի կազմկոմիտեի նիստը։ Նիստին մասնակցում էին ՀԽՀԿ գործկոմի նախագահ Իշխան Զաքարյանը, Վայոց ձորի մարզպետ Կոլյա Միքաելյանը, Ջերմուկի համայնքապետ Վահագն Արսենյանը, ինչպես նաև Վայոց ձորի մարզպետի աշխատակազմի, Ջերմուկի համայնքապետարանի, խաղերի կազմկոմիտեի և ՀՀ ՆԳՆ ներկայացուցիչները։
ԻՐԱԶԵԿՈՒՄ 09.01.2025
Տեղեկացնում ենք, որ 2024 թվականի դեկտեմբերի 24-ից ՀՀ Վայոց ձորի մարզի Արենի համայնքի Ագարակաձոր բնակավայրում գործում է սպանդանոց (սեփականատեր՝ Երեմ Կարապետյան, անհատ ձեռարկատեր)։ Սպանդանոցում իրականացվում է խոշոր և մանր եղջերավոր կենդանիների, ինչպես նաև խոզերի մորթ։ Սպանդանոցը աշխատում է հետևյալ պայմաններով․ - Մեկ գլուխ խոշոր եղջերավոր կենդանու սպանդ – 15 000 ՀՀ դրամ - Մեկ գլուխ մանր եղջերավոր կենդանու սպանդ – 2000 ՀՀ դրամ - Մեկ գլուխ խոզի սպանդ – 7 000 ՀՀ դրամ
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, դեկտեմբեր ամսին գրանցվել է 15 ծնունդ, որից՝ 6 տղա, 9 աղջիկ։ Կատարվել է 2 կեսարյան հատում։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Ամանորի և Սուրբծննդյան տոների առթիվ 31.12.2024
Հարգելի՛ վայոցձորցիներ, Հարգելի՛ հայրենակիցներ, Յուրաքանչյուր տարվա ավարտը և նոր տարվա սկիզբն այն սահմանագիծն է , երբ մեկ անգամ ևս ի մի ենք բերում արվածն ու չարվածը, արձանագրում հաջողությունները, արժևորում ձեռքբերումները, նախանշում բացթողումները լրացնելու ուղիները, սահմանում նոր նպատակներ, ուղենշում գործունեության նոր հեռանկարներ: Ամփոփելով անցնող տարին՝ հարկ է արձանագրել, որ ՀՀ Վայոց ձորի մարզպետի աշխատակազմը, համահունչ քայլելով ՀՀ Կառավարության՝ բոլոր ոլորտներում որդեգրած քաղաքականությանը, արել է իրավասությունների և գործառույթների շրջանակներում հնարավորինս մարզի զարգացման և առաջընթացի ապահովման, խնդիրների լուծման ուղղությամբ կառուցողական մոտեցումներ ցուցաբերել հարցում:
Դեկտեմբերի 30-ին ՀՀ Վայոց ձորի մարզպետ Կոլյա Միքաելյանը հյուրընկալեց Հեղինակային երգի հանրապետական մրցույթ-փառատոնի վայոցձորցի հաղթողներին, մասնակիցներին և նրանց ուսուցիչ, երգիչ-երգահան Արման Վարդանյանին։ Մարզպետը կարևորել է երիտասարդ սերնդի գեղագիտական դաստիարակությանն ուղղված նախաձեռնությունները, ապա բարձր է գնահատել Արման Վարդանյանի ներդրած ջանքերը Վայոց ձորի մարզի մշակութային ոլորտի զարգացման, հեղինակային երգի ուսուցման և տարածման գործում,իսկ երեխաներին շնորհակալություն հայտնել փառատոնին լավագույն մասնակցություն ցուցաբերելու համար։Նրանք մարզպետի կողմից արժանացան շնորհակալագրերի։
