Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Արտաբույնք բնակավայրի բնակիչների հետ 01.04.2025
Օրերս ՀՀ Վայոց ձորի մարզպետ Կոլյա Միքաելյանը, ՀՀ Ազգային ժողովի պատգամավոր Սերգեյ Բագրատյանը, մարզպետի աշխատակազմի ներկայացուցիչները և ոլորտային պատասխանատուները հանդիպեցին Եղեգիս համայնքի Արտաբույնք բնակավայրի բնակիչների հետ։ ՀՀ Վայոց ձորի մարզպետ Կոլյա Միքաելյանը, ողջունելով ներկաներին, նշեց, որ Արտաբույնք բնակավայր այցի նպատակն է տեղում ծանոթանալ բնակիչներին մտահոգող հարցերին, դիտարկել բնակավայրում առկա խնդիրները, ինչպես նաև ներկայացնել, թե ինչ է արվել և ինչ է նախատեսվում իրականացնել ինչպես Արտաբույնք բնակավայրում, այնպես էլ Եղեգիս համայնքում և ՀՀ Վայոց ձորի մարզում ընդհանրապես, միաժամանակ իրազեկել ՀՀ կառավարության կողմից տարբեր ոլորտներում մշակված և գործող աջակցության ծրագրերի մասին։
Աշխատանքային քննարկում մարզպետի աշխատակազմի ՏԿ և ՏԻ հարցերի վարչության աշխատակիցների մասնակցությամբ 28.03.2025
Վայոց ձորի մարզպետ Կոլյա Միքաելյանը մարտի 26-ին անցկացրեց աշխատանքային խորհրդակցություն մարզպետի աշխատակազմի տարածքային կառավարման և տեղական ինքնակառավարման հարցերի վարչության աշխատակիցների մասնակցությամբ: Խորհրդակցությանը մասնակցում էին նաև մարզպետի տեղակալներ Ա. Խաչատրյանը, Բ․Սողոմոնյանը, գլխավոր քարտուղար Ա. Հարությունյանը:
Իրազեկման հանդիպումներ հայտարարագրերի ներկայացման վերաբերյալ 28.03.2025
Հայտնում ենք , որ ֆիզիկական անձանց տարեկան եկամուտների հայտարարագրման վերաբերյալ իրազեկում իրականացնելու նպատակով ՀՀ ՊԵԿ հարկ վճարողների սպասարկման վարչության սպասարկման թիվ 12 բաժնի կողմից ապրիլի 3-ին՝ ժամը 12։00-ին, «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶԻ ՋԵՐՄՈՒԿԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄ» ՊԿՀ-ում (հասցեն՝ ք․. Ջերմուկ, Մյասնիկյան 8), ապրիլի 7-ին՝ ժամը 12։00-ին, «ՎԱՅՔԻ ՄՇԱԿՈՒՅԹԻ ԿԵՆՏՐՈՆ» ՊՈԱԿ-ում (հասցեն՝ ք. Վայք, Ա. Թովմասյան 1), ապրիլի 9-ին՝ ժամը 12։00-ին, հարկ վճարողների սպասարկման վարչության սպասարկման թիվ 12 բաժնում (հասցեն՝ ք․ Եղեգնաձոր, Նարեկացի 8/3) կազմակերպվելու են հանդիպումներ։
Հանրային քննարկում 2026-2028 թվականների միջնաժամկետ ծախսային ծրագրերի վերաբերյալ 27.03.2025
Տեղեկացնում ենք, որ սույն թվականի ապրիլի 2-ին՝ ժամը 11:00-ին, Վայոց ձորի մարզպետի աշխատակազմի խորհրդակցությունների դահլիճում քաղաքացիական հասարակական կազմակերպությունների մասնակցությամբ տեղի է ունենալու հանրային քննարկում 2026-2028 թվականների միջնաժամկետ ծախսային ծրագրերի և ՀՀ 2026 թվականի պետական բյուջեի նախագծերի մշակման աշխատանքների շրջանակներում բյուջետային հայտերի կազմման վերաբերյալ:
Վայոց ձորի մարզպետ Կոլյա Միքաելյանը մարտի 25-ին անցկացրեց աշխատանքային խորհրդակցություն մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության աշխատակիցների մասնակցությամբ: Խորհրդակցությանը մասնակցում էին նաև մարզպետի տեղակալ Ա. Խաչատրյանը,գլխավոր քարտուղար Ա. Հարությունյանը, խորհրդական Ս.Հովսեփյանը:
Եղեգիս համայնքի փոքր և միջին բիզնեսի ձեռներեցներիի և տնտեսվարողների համար դասընթացներ 24.03.2025
Վայրի բնության և մշակութային արժեքների պահպանման հիմնադրամը (FPWC) Եղեգիսի համայնքապետարանի հետ մեկտեղ «Մեղմելով կլիմայի փոփոխությամբ պայմանավորված մարդ -վայրի կենդանի ահագնացող կոնֆլիկտը Հայաստանում» ծրագրի շրջանակներում հրավիրում է Եղեգիս խոշորացված համայնքի փոքր և միջին բիզնեսի ձեռներեցներին և տնտեսվարողներին մասնակցել դասընթացների և բարելավել բիզնես կարողությունները: Ծրագրի նպատակն է բարելավել համայնքում ձեռներեցների բիզնես փորձառությունը՝ տրամադրելով մասնագիտացված ուսուցում՝ հագեցած բնապահպանական լուծումներով, կայուն գյուղատնտեսության արտադրությամբ, ինչպես նաև շրջանաձև տնտեսության վարման ուղղությամբ:
