Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ ՀՀ Վայոց ձորի մարզպետարանի ներքին աուդիտի կոմիտեի թիվ 1 նիստը 07.03.2014
Ս/թ մարտի 7-ին կայացավ ՀՀ Վայոց ձորի մարզպետարանի ներքին աուդիտի կոմիտեի թիվ 1 նիստը, կոմիտեի նախագահ, ՀՀ Վայոց ձորի մարզպետ Էդգար Ղազարյանի գլխավորությամբ: Նիստին մասնակցում էին Ներքին աուդիտի կոմիտեի անդամներ՝ մարզպետի տեղակալներ Սամվել Թարվերդյանը, Մելս Հարությունյանը, Արամ Գրիգորյանը, ինչպես նաև մարզպետարանի աշխատակազմի ղեկավար Կամո Սահակյանը, մարզպետարանի աշխատակազմի ֆինանսական և սոցիալական զարգացման վարչության պետի տեղակալ Անահիտ Սարգսյանը, կրթության, մշակույթի և սպորտի վարչության պետ Արփիար Ղազարյանը, իրավաբանական բաժնի գլխավոր մասնագետ Աիդա Մանասարյանը: Նիստը քարտուղարում էր մարզպետարանի աշխատակազմի ներքին աուդիտի բաժնի պետ Վասակ Կարապետյանը: Նիստին մասնակցում էին նաև ներքոնշյալ ՊՈԱԿ-ների ղեկավարները:
ՀՀ Վայոց ձորի մարզպետ Էդգար Ղազարյանի նախաձեռնությամբ 2014 թվականի փետրվարի 10-ից մարտի 5-ը Վայոց ձորի մարզի դպրոցներում կազմակերպվեց ՀՀ Ազգային Հերոս և Արցախի Հերոս Վազգեն Սարգսյանի ծննդյան 55 ամյակին նվիրված հրաձգության հուշամրցաշար: Հուշամրցաշարը կայացավ 3 փուլով՝ ներդպրոցական, տարածաշրջանային և մարզային (եզրափակիչ), որին մասնակցեց շուրջ 645 դպրոցական: Միջոցառման եզրափակիչ փուլին ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալները, մարզպետարանի աշխատակամի ստորաբաժանումների ղեկավարներ, 4-րդ բանակային կորպուսի հրամանատի անձնակազմի հետ տարվող աշխատանքների գծով տեղակալ, գնդապետ Սարգիս Թորիկյանը, ռազմական ոստիկանության պետ, գնդապետ Վարդան Խաչատրյանը, Եղեգնաձորի և Վայքի զինվորական կոմիսարները, դպրոցների տնօրեններ, զինղեկեր:
ՀՀ Վայոց ձորի մարզպետ Էդգար Ղազարյանը Հայաստանի շախմատի ֆեդերացիայի հրավերով մարտի 2-ին Ալ. Սպենդիարյանի անվան օպերայի և բալետի ազգային ակադեմիական թատրոնում ներկա է գտնվել հայ մեծանուն շախմատիստ Տիգրան Պետրոսյանի ծննդյան 85-ամյակին նվիրված մարտի 2-15-ը Երևանում անցկացվելիք Եվրոպայի շախմատի 15-րդ անհատական առաջնության բացման արարողությանը: Աշխարհի 9-րդ չեմպիոն Տիգրան Պետրոսյանի հիշատակին նվիրված Եվրոպայի շախմատի 15-րդ անհատական առաջնությանը մասնակցում է 27 երկրների 263 շախմատիստ, այդ թվում` 130 գրոսմայստեր:
Կայացել է <<Հրաժեշտ ձմռանը>> վայոցձորյան մարզա-մշակութային տոնակատարությունը 03.03.2014
Վայոց ձորի մարզի Ջերմուկ քաղաքում տեղի է ունեցել > վայոցձորյան մարզա-մշակութային տոնակատարությունը` մարզի համայնքների ներկայացուցչական պատվիրակությունների մասնակցությամբ: Տոնակատարությանը մասնակցել է ՀՀ Վայոց ձորի մարզպետ Էդգար Ղազարյանը, մարզպետարանի պաշտոնատար անձանց, Ջերմուկի համայնքի ղեկավար Վարդան Հովհաննիսյանի և միջոցառման մասնակից համայնքների ղեկավարների ուղեկցությամբ: Միջոցառման պատվավոր հյուրերն են եղել Հայաստանի Հանրապետության դիվանագետի օրվա կապակցությամբ Ջերմուկի դեսպանների ակումբի հանդիպմանը մասնակից Հայաստանում հավատարմագրված դեսպանները և ՀՀ Սյունիքի մարզպետ Վահե Հակոբյանը: Մարզային տոնախմբությունը մեկնարկել է Հայ Առաքելական Եկեղեցու Վայոց ձորի թեմի Ջերմուկի Սբ. Գայանե եկեղեցու հոգևոր հովիվ Տեր Գալուստ քահանա Սահակյանի օրհնության և ՀՀ Վայոց ձորի մարզպետի բացման խոսքերով:
Վախճանվել է ՀՀ Վայոց ձորի նախկին մարզպետ Վաղինակ Գետեոնի Մաթևոսյանը 03.03.2014
72 տարեկան հասակում կյանքից հեռացավ ՀՀ Վայոց ձորի նախկին մարզպետ Վաղինակ Գետեոնի Մաթևոսյանը: Վաղինակ Գետեոնի Մաթևոսյանը որպես Վայոց ձորի մարզպետ պաշտոնավարել է 2001թվականի նոյեմբեր ամսից մինչև 2003 թվականի հունիս ամիս: Հայկական գյուղատնտեսական ինստիտուտն ավարտելուց հետո Վաղինակ Մաթևոսյանը նշանակվում է Աղավնաձորի պետական տնտեսությունում որպես ինժեներ, ապա՝ տնօրեն: Նա մեծ ներդրում է ունեցել Աղավնաձորի սոցիալ-տնտեսական զարգացման գործում: Նրա ղեկավարած տնտեսությունը ՀՍՍՀ առաջավոր տնտեսություններից է եղել: Այդ տարիներին Աղավնաձորում կառուցվել են մշակութային և մարզական հաստատություններ: Նրա նախաձեռնությամբ նախորդ դարի 80-ական թվականներին Աղավնաձորում բացվել են Եղեգնաձորի երաժշտական և նկարչական դպրոցների մասնաճյուղերը, գյուղում գործել է նաև լողավազան և մարզադաշտ: Վաղինակ Գետեոնի Մաթևոսյանն արժանացել է կառավարական պարգևների՝1981 թ. > շքանշանի, 1986թ. >-ի շքանշանի: ՀՀ Վայոց ձորի մարզպետ Էդգար Ղազարյանը ցավակցում է Վաղինակ Մաթևոսյանի ընտանիքին, ընկերներին, բարեկամներին և մարզի հանրությանը` բոլորիս համար ցավալի կորստի կապակցությամբ:
Ջերմուկի դեսպանների ակումբի հանդիպումը 03.03.2014
Ջերմուկում մարտի 2-ին՝ Հայաստանի Հանրապետության դիվանագետի օրը, ԱԳ նախարար Էդվարդ Նալբանդյանի ներկայությամբ տեղի ունեցավ Ջերմուկի դեսպանների ակումբի հանդիպումը։ Դեսպանների ակումբը հիմնադրվել է անցյալ տարի Հայաստանի արտաքին քաղաքական գերատեսչության ղեկավարի նախաձեռնությամբ։ Ակումբի նախագահն է ի պաշտոնե Հայաստանում հավատարմագրված դիվանագիտական կորպուսի դուայեն (ավագ) Ղազախստանի դեսպան Այիմդոս Բոզժիգիտովը։ Ավանդույթի համաձայն` ակումբի ամենամյա հանդիպումները հյուրընկալվում են Վայոց ձորի մարզպետ Էդգար Ղազարյանի և Ջերմուկի քաղաքապետ Վարդան Հովհաննիսյանի կողմից։ Հանդիպմանը մասնակցում էին ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը, ՀՀ արտգործնախարարի տեղակալները, Հայաստանում հավատարմագրված դեսպանները։
