Տեղեկատվական կենտրոն
Նորություններ
Ս/թ. ապրիլի 11-ին Վայոց ձորի մարպետ Էդգար Ղազարյանը մասնակցել է Արենի համայնքում կայացած > խորագրով միջոցառմանը: Մարզի Արենի, Աղավնաձոր և Ռինդ համայնքներում տեղական տնտեսական զարգացման գործընթացն սկսվել է 2013թ. մարտ ամսին, Գեղարքունիքի առևտրաարդյունաբերական պալատի ու Հայաստանի ՓՄՁ ԶԱԿ հիմնադրամի նախաձեռնությամբ և Գերմանական միջազգային համագործակցության օժանդակությամբ: Ծրագրի նպատակն է` բացահայտել նշված համայնքների տեղական տնտեսության հիմնական մրցակցային առավելությունները և ախտորոշել տնտեսության առաջատար ճյուղերը, որոնց հիման վրա վեր հանել տնտեսության զարգացման համար արմատական նշանակություն ունեցող նախաձեռնություններ:
Տեղի կունենա վավերագրական ֆիլմերի փառատոն 10.04.2013
Ս/թ ապրիլի 12-14-ը Եղեգնաձորի մարզային երիտասարդական կենտրոնում <Սոցիալ հոգեբանական և վիճակագրական հետազոտությունների կենտրոն> ՀԿ-ի նախաձեռությամբ տեղի կունենա վավերագրական ֆիլմերի փառատոն: Սկիզբը` ժամը 15.00: Հասցեն` ք. Եղեգնաձոր, Մոմիկի 1 (Մշակույթի տուն)
Կայացավ քաղաքացիների ապրիլ ամսվա ընդունելությունը 08.04.2013
ՀՀ Վայոց ձորի մարզպետ Էդգար Ղազարյանի մոտ ապրիլի 5-ին կայացավ քաղաքացիների հերթական ընդունելությունը: Ընդունելության համար ցուցակագրվել էր 80 քաղաքացի, ընդունելության էին 72 քաղաքացի: Նրանցից 63-ը դիմել էին դրամական և բուժօգնության խնդրանքով, 4-ը` հողի և շենք-շինությունների հարցերով, 1 քաղաքացի դիմել էր աշխատանքի տեղավորման, 2 քաղաքացի` առողջարանային բուժման, 2-ը` ոռոգման ջրի հարցերով: Առողջարանային բուժման համար դիմած քաղաքացիներից մեկին տրվեց առողջարանի ուղեգիր, մյուսն ընթացքի մեջ է: Իսկ մնացած հարցերով դիմած քաղաքացիներին պատասխանելու նպատակով, հանձնարարություն տրվեց մարզպետարանի աշխատակազմի վարչությունների պետերին` քննարկելու նշված դիմումները և ընդունված կարգով պատասխանելու դիմումատուներին:
![Հայաստանի պետական երիտասարդական նվագախումբը` Եղեգնաձորում Հայաստանի պետական երիտասարդական նվագախումբը` Եղեգնաձորում](http://vdzor.mtad.am/files/n_pics/2958_s.jpg)
Հայաստանի պետական երիտասարդական նվագախումբը` Եղեգնաձորում 08.04.2013
Ապրիլի 5-ին մարդաշատ էր Եղեգնաձորի մարզային մշակույթի տան համերգային դահլիճը: Հոլիվուդյան լավագույն ֆիլմերի երաժշտության և ամերիկյան հայտնի կոմպոզիտորների ստեղծագործությունների կատարումով Եղեգնաձորում հանդես եկավ Հայաստանի պետական երիտասարդական նվագախումբը, դիրիժոր Սերգեյ Սմբատյանի գլխավորությամբ: Դասական արվեստի սիրահարների հետ համերգին ներկա էր նաև ՀՀ Վայոց ձորի մարզպետ Էդգար Ղազարյանը: Ներկաներին ողջույնի խոսք ասացին մարզպետ Էդգար Ղազարյանը և Հայաստանում ԱՄՆ դեսպանատան մշակութային կցորդ Շոն Օհարան: Նշենք, որ համերգը կազմակերպել էր Հայաստանում Ամերիկայի Միացյալ Նահանգների դեսպանատունը և Հայաստանի պետական երիտասարդական նվագախումբը: Համերգի կայացմանն աջակցել էին ՀՀ Վայոց ձորի մարզպետարանը և ՀՀ ԱԺ պատգամավոր Աշոտ Արսենյանը:
![ՀՀ Վայոց ձորի մարզպետի ուղերձը Մայրության և գեղեցկության տոնի կապակցությամբ ՀՀ Վայոց ձորի մարզպետի ուղերձը Մայրության և գեղեցկության տոնի կապակցությամբ](http://vdzor.mtad.am/files/n_pics/2949_s.jpg)
ՀՀ Վայոց ձորի մարզպետի ուղերձը Մայրության և գեղեցկության տոնի կապակցությամբ 07.04.2013
Սրտանց շնորհավորում եմ բոլոր մայրերին և կանանց` Մայրության և գեղեցկության տոնի կապակցությամբ: Պատահական չէ, որ տոնը խորհրդանշում է մայրությունն ու գեղեցկությունը, քանզի բոլոր մայրերն են գեղեցիկ և նրանց աստվածային կարողությունն է, որ ապահովում է մեր ժողովրդի հավիտենությունը` տարածելով նաև լույս և բարություն: Ցանկացած դժվարություն հաղթահարվում է մայրական քնքշանքով, ջերմ ու բարի խոսքերով: Մաղթում եմ բոլոր մայրիկներին առողջություն և երկարակեցությունը: Թող նրանց ջերմությունը միշտ լինի մեզ հովանի: Բոլոր կանանց մաղթում եմ` վայելել մայրության բերկրանքը` շրջապատված բազում զավակների որդիական սիրով և ուշադրությամբ:
![Հերթական համագործակցությունը <<Օքսֆամ>> բրիտանական կազմակերպության հետ Հերթական համագործակցությունը <<Օքսֆամ>> բրիտանական կազմակերպության հետ](http://vdzor.mtad.am/files/n_pics/2934_s.jpg)
Հերթական համագործակցությունը <<Օքսֆամ>> բրիտանական կազմակերպության հետ 05.04.2013
Շարունակվում է ՀՀ Վայոց ձորի մարզպետարանի և > բրիտանական կազմակերպության հետ համագործակցությունը: Այս անգամ իրականացվող ծրագրի նպատակն էր` հիմնել առողջապահության ոլորտի խնդիրներին բնակչության արձագանքման >: Այն հնարավորություն կտա քաղաքացիներին բարձրաձայնել առողջապահական ոլորտում իրենց մտահոգությունների մասին, որոնք կուղղվեն պատկան մարմիններին (համապատասխան առողջապահական կազմակերպություներին, մարզպետարանի ստորաբաժանումներին, իրավապաշտպան կազմակերպություններին և այլն): Նախատեսվում է այդ > միջոցով քաղաքացիներին տրամադրել նաև անհրաժեշտ խորհրդատվություն: Այդ կապակցությամբ 2013թ. ապրիլի 4-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ խորհրդակցություն: