Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<<Ճանաչենք Քեսաբը>> խորագրով միջոցառում 07.04.2014
Ապրիլի 5-ին Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանի և Վայոց ձորի թեմի Քրիստոնեական դաստիարակության կենտրոնի ու թեմի Երիտասարդաց միության նախաձեռնությամբ Եղեգնաձորի > համալսարանի դահլիճում տեղի ունեցավ > խորագրով միջոցառում՝ նվիրված քեսաբահայությանը: Միջոցառմանը ներկա էին ՀՀ Վայոց ձորի մարզպետ Էդգար Ղազարյանը, Վայոց ձորի թեմի փոխառաջնորդ Տ. Զարեհ վրդ. Կաբաղյանը, Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանը, մարզպետարանից աշխատակիցներ, ուսուցիչներ, աշակերտներ, ուսանողներ: Քեսաբահայության պատմությունը ներկայացրեց թեմի Երիտասարդաց միության անդամ Աննա Ավագյանը, ապա հրավիրեց > ֆիլմի համահեղինակ, ռեժիսոր Նանե Բագրատունուն, ով ներկայացրեց ֆիլմի նկարահանման պատմությունը: Այնուհետև ցուցադրվեց ֆիլմը, որը սպառիչ տեղեկություններ էր պարունակում այժմ փորձությունների մեջ գտնվող հայաբնակ Քեսաբի վերաբերյալ: Ֆիլմի դիտումից հետո եղան քննարկումներ, ապա ելույթ ունեցավ ՀՀ Վայոց ձորի մարզպետ Է. Ղազարյանը, ով անդրադարձավ Քեսաբի պատմությանը և ողջունեց միջոցառման կազմակերպիչներին և ֆիլմի համեղինակ, ռեժիսոր Նանե Բագրատունուն:
Տիգրան Սարգսյանի հրաժարականը ներքին քաղաքական զարգացումներով պայմանավորված որոշում չէր 07.04.2014
>,-Yerkir.am-ին այսօր ասաց Վայոց ձորի մարզպետ Էդգար Ղազարյանը' անդրադառնելով վարչապետի հրաժարականին: Ըստ նրա` քանի որ մարզպետը կառավարության անդամ չէ, հետեւաբար` կառավարության պաշտոնանկությունը մարզպետի վրա ուղղակիորեն չի անդրադառնում: >,- նշեց Էդգար Ղազարյանը: Անդրադառնալով հարցին' վարչապետի հրաժարականը եւ նոր կառավարության կազմավորումը ինչ-որ կերպ կանդրադառնա՞ կոնկրետ իր աշխատանքի վրա, նա ասաց, որ ինքը` որպես մարզպետ, իրականացնում է կառավարության' տարածքային քաղաքականությունը, իսկ վարչապետի հրաժարականը դա կառավարության հրաժարականն է' պայմանավորված ներքին գործոններով, քաղաքական իրադարձություններով կամ անձնական դրդապատճառներով: >,- նշեց Էդգար Ղազարյանը:
Սիրասուն մայրեր, սիրելի կանայք, քույրեր ու դուստրեր Սրտանց շնորհավորում եմ Ձեզ Մայրության ու գեղեցկության տոնի կապակցությամբ: Դուք արժանի եք ամենայն սիրո և խոնարհումի: Դարեր շարունակ հայ կնոջ ջանքերի ու նվիրումի շնորհիվ է անմար եղել հայկական օջախներիի կրակը: Դուք եք եղել մեր ազգային ու ընտանեկան ավանդույթների նվիրյալ կրողն ու պահպանող, ինչպես նաև սերունդներին իրար հետ կապող շղթայի ոսկե օղակը: Ձեր շնորհիվ ենք մենք հաղթահարել կյանքի բոլոր դժվարությունները: Դուք եք եղել մեր հուսի ու հավատի ներշնչման աղբյուրը: Ձեզանով է պայմանավորված մեր հավատն առ Հայրենիք և առ Աստված: Գարնանաբույր այս օրվա, գեղեցիկ այս տոնի առթիվ մաղթում եմ Ձեզ ամուր առողջություն, մայրության բերկրանք, անսպառ սեր ու անթառամ գեղեցկություն: Ձեզ Աստծու օրհնություն, երջանիկ ու խաղաղ օրեր, ընտանեկան ջերմություն ու հոգատարություն, սեր ու մեծարանք: ՀՀ Վայոց ձորի մարզպետ Էդգար Ղազարյան
Վայոց ձորի մարզում 2014թ. առաջին եռամսյակում գրանցվել է 125 ծնունդ 04.04.2014
ՀՀ Վայոց ձորի մարզպետարանի աշխատակազմի առողջապահության ու սոցիալական ապահովության վարչությունից տեղեկացնում են, որ 2014 թվականի առաջին եռամսյակում Վայոց ձորի մարզի բժշկական կենտրոնների ծննդաբերական բաժանմունքներում գրանցվել է 125 ծնունդ, որից 16-ը ծննդալուծվել է կեսարյան հատումով:
Բնապահպանական թեմայով միջոցառում Եղեգնաձորի թիվ 1 հիմնական դպրոցում 03.04.2014
Ապրիլի 2-ին Եղեգնաձոր քաղաքի թիվ 1 հիմնական դպրոցում կենսաբանության ուսուցչուհի Արմինե Մխիթարյանի նախաձեռնությամբ կայացավ էկոլոգիական ցուցահանդես-միջոցառում ՝ > խորագրով, որին մասնակցում էին ՀՀ Վայոց ձորի մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, դպրոցի կառավարման խորհրդի անդամ Վոլոդյա Սմբատյանը, Եղեգնաձորի փոխքաղաքապետ Վարդան Ավագյանը և հարակից համայնքների դպրոցների ղեկավարներ: Միջոցառումը կազմակերպվել էր 1-4-րդ դասարանների աշակերտների ուժերով, որոնք զանազան թափոններից պատրաստել էին շատ գեղեցիկ իրեր և հետաքրքիր պատկերներ: Բացման խոսքով հանդես եկավ դպրոցի տնօրեն Անուշ Գրիգորյանը: Միջոցառումն սկսվեց 3-րդ և 8-րդ դասարանի աշակերտների ողջույնով, որն ավելի շուտ բնպահպանական ահազանգող կոչ էր՝ ուղղված հանրության անդամներին և պատկան մարմիններին՝ պահելու-պահպանելու և խնայելու Հայաստանի չքնաղ և ինքնատիպ բնաշխարհը:
Վայոց ձորում ցրտահարության վնասներն այնքան էլ մեծ չեն, որքան Արարատյան հարթավայրում 01.04.2014
Վայոց ձորի մարզում ցրտահարության վնասն այնքան էլ մեծ չէ, որքան Արարատյան հարթավայրում. Yerkir.am-ին ասաց Վայոց ձորի մարզպետ Էդգար Ղազարյանը: Ըստ նրա` դեռեւս ուսումնասիրվում է վնասների չափը, բայց քանի որ մարզում տարբեր գոտիներ կան, բնականաբար, ծիրանենիների ծաղկման ժամանակները տարբեր են, ուստի վնաս են կրել մարզի ցածրադիր համայնքներում ու գոտիներում գտնվող այգիները: Իսկ միջին ու բարձր լեռնային գոտիներում գտնվող համայնքներում, մասնագետների կարծիքով, ցրտահարությունն այնքան շատ վնաս չի պատճառել:
