Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2015 թ. ապրիլի 9-ին Եղեգնաձորի երաժշտական դպրոցում տեղի ունեցավ կոմիտասյան երգերի երգչախմբային և վոկալ կատարումների մրցույթ-փառատոնի երկրորդ փուլը > խորագրով: Մրցույթին մասնակցում էին երաժշտական, արվեստի, հանրակրթական դպրոցների և Եղեգնաձորի մշակույթի կենտրոնի երգչախմբերը և վոկալ համույթները: Մրցույթ-փառատոնի մրցանակիրներ են դարձել՝ երաժշտական և արվեստի դպրոցներ անվանակարգում. ա) կրտսեր տարիքային խմբեր՝ Եղեգնաձորի երաժշտական դպրոցի երգչախումբը, բ) ավագ տարիքային խմբեր՝ Վայքի արվեստի դպրոցի երգչախումբը, հանրակրթական դպրոցներ և մշակույթի տներ անվանակարգում գ) Եղեգնաձորի մշակույթի կենտրոնի երգչախումբը, դ) վոկալ համույթներ անվանակարգում՝ Եղեգնաձորի երաժշտական դպրոցի դասական վոկալ համույթը: Պարգևատրվել են մենակատարներ՝ Զոյա Սարգսյանը և Անի Դավթյանը, որոնց երաշխավորվել է մասնակցելու ապրիլի 15-16-ին Գյումրիում կայանալիք երաժիշտ-կատարողների միջազգային մրցույթ-փառատոնին:
Հանդիպում մարզի առողջապահական կազմակերպությունների ղեկավարների և բժիշկների հետ 10.04.2015
2015 թվականի ապրիլի 9-ին, համաձայն նույն օրը ,,Էրեբունի,, բժշկական կենտրոն,, ՓԲԸ-ի և ՀՀ Վայոց ձորի մարզպետարանի միջև ստորագրված փոխըմբռնման հուշագրի, ՓԲԸ-ի գործադիր տնօրեն Արթուր Ռոստոմյանը հանդիպել է Վայոց ձորի մարզի առողջապահական կազմակերպությունների ղեկավարների և բժիշկների հետ: Հանդիպումը կազմակերպվել է ՀՀ Վայոց ձորի մարզպետարանի նիստերի դահլիճում, որին ներկա են եղել մարզպետարանի աշխատակազմի առողջապահության և սոցիալական ապահովության վարչության պետ Խաչիկ Գևորգյանը, վարչության պետի տեղակալ Սամվել Շահբազյանը: Արթուր Ռոստոմյանը ներկայացրել է հուշագրով ամրագրված արդյունավետ ու բազմակողմանի համագործակցության նպատակն ու խնդիրները, նշել ՓԲԸ-ի կողմից նեղ մասնագետների կարճաժամկետ վերապատրաստում իրականացնելու պատրաստակամության և մարզից ,,Էրեբունի,, բժշկական կենտրոն,, գործուղված հիվանդների համար մտուցվող ծառայությունների պատշաճ կազմակերպման մասին: Բանախոսը նշել է, որ կարճաժամկետ վերապատրաստումների ընթացքում նախատեսվում է նեղ մասնագետներին ծանոթացնել բուժման նորագույն մեթոդներին
Խորհրդակցություն Արմավիրում` բոլոր մարզպետների մասնակցությամբ 10.04.2015
Ապրիլի 10-ին ՏԿԱԻ նախարար Արմեն Երիցյանն Արմավիրի մարզում խորհրդակցություն անցկացրեց Հայաստանի 10 մարզերի ղեկավարների հետ, խորհրդակցությանը մասնակցում էր նաև ՀՀ Վերահսկիչ պալատի նախագահ Իշխան Զաքարյանը: Խորհրդակցության ընթացքում քննարկվեցին աշնանացան ցորենի, դիզ. վառելիքի և ազոտական պարարտանյութի բաշխման հարցերը, ինչպես նաև՝ եկամուտների հավաքագրման գործընթացը: Իշխան Զաքարյանը ՏԿԱԻ նախարարին և մարզպետներին ներկայացրեց սույն թվականի օգոստոս ամսին Հայաստանում կայանալիք Համահայկական հերթական 6-րդ ամառային խաղերի կազմակերպմանն առնչվող հիմնախնդիրները: Ներկա դրությամբ՝ Համահայկական հերթական 6-րդ խաղերին մասնակցելու հայտ են ներկայացրել աշխարհի 3200 մարզիկներ: Քննարկելով կազմակերպչական աշխատանքների գործընթացը և տալով համապատասխան հանձնարարականներ՝ նախարար Երիցյանը շեշտեց, որ Համահայկական խաղերի կազմակերպման հարցում համատեղ աշխատանքի փորձ արդեն կա և այս անգամ նույնպես միջոցառումն իրականացվելու է բարձր մակարդակով: Մարզպետները նախարարին զեկուցեցին նաև Հայոց ցեղասպանության 100-րդ տարելիցի կապակցութ
ՀՀ Վայոց ձորի մարզպետն այցելել է Ագարակաձոր համայնք 09.04.2015
Այսօր՝ ապրիլի 9-ին ՀՀ Վայոց ձորի մարզպետ Հարություն Սարգսյանը մարզպետի տեղակալ Սամվել Թարվերդյանի, մարզպետարանի աշխատակազմի ՏԻ և ՀԳՄ վարչության պետ Նորայր Սիմոնյանի, կրթության, մշակույթի և սպորտի վարչության պետ Արփիար Ղազարյանի ուղեկցությամբ այցելել է Ագարակաձոր համայնք: Մարզպետը և աշխատանքային խմբի մյուս անդամները համայնքի ղեկավար Պարգև Միրզոյանի ուղեկցությամբ այցելել են համայքի դպրոց, մանկապարտեզ և բուժկետ: Դպրոցում շրջայց է կատարվել դասարաններում, այնուհետ հանդիպում է կայացել մանկակավարժական կոլեկտիվի անդամների հետ: Մարզպետ Հարություն Սարգսյանը զրուցել է ուսուցիչների հետ, ծանոթացել դպրոցում առկա խնդիրներին, լսել ուսումնական գործընթացն արդյունավետ դարձնելուն ուղղված ուսուցիչների ներկայացրած հարցերը՝ դպրոցական շենքի վերանորոգում, սպորտային և դպրոցական գույքի ձեռք բերում: Մարզպետը նշել է , որ հնարավորության սահմաններում պահանջված հարցերը կընդգրկվեն առաջիկա տարիների մարզային զարգացման ծրագրերում: Այնուհետ այցելություն է եղել համայնքային մանկապարտեզ, որն այդ պահին չէր գործում: Մանկապարտեզի տնօրենի հետ հանդիպման ժամանակ խոսվել է մանկապարտեզի նորոգման մասին: Տնօրենը նշվել է, որ ՀՀ-ում Գերմանիայի Դաշնային Հանրապետության դեսպանատան դրամաշնորհով վերանորոգվելու է մանկապարտեզի խոհանոցը: Բուժկետում մարզպետը ծանոթացել է սանիտարահիգիենիկ իրավիճակին և բնակչության սպասարկման առկա հնարավորություններին: Այցելության վերջին կանգառը գյուղապետարանն էր, որտեղ հանդիպմանը ներկա գտնվող ագարակաձորցիները մարզպետին խնդրեցին, միջնորդել փորձադաշտի ոռոգման ջրագծից գյուղին հատկացվող ջրաքանաքի ավելացման և գրաֆիկի կարգավորման հարցով:
Ստորագրվել է փոխըմբռնման հուշագիր 09.04.2015
2015 թվականի ապրիլի 9-ին ,,ՓՈԽԸՄԲՌՆՄԱՆ ՀՈՒՇԱԳԻՐ,, է ստորագրվել ,,Էրեբունի,, բժշկական կենտրոն,, ՓԲԸ-ի և ՀՀ Վայոց ձորի մարզպետարանի միջև, նպատակ ունենալով՝ բարձրացնել Վայոց ձորի բնակչությանը մատուցվող բժշկական օգնության և սպասարկման ծառայությունների որակը, ապահովել դրանց շարունակականությունը, ինչպես նաև Վայոց ձորի մարզի բժշկական կազմակերպություններում չիրականացվող մասնագիտական բժշկական օգնության և սպասարկման ծառայությունները մարզի բնակչության համար հասանելի դարձնել: Հուշագիրն ստորագրել են՝ ,,Էրեբունի,, բժշկական կենտրոն,, ՓԲԸ-ի կողմից գործադիր տնօրեն Արթուր Ռոստոմյանը, ՀՀ Վայոց ձորի մարզպետարանի կողմից մարզպետ Հարություն Սարգսյանը:
Միջոցառում՝ նվիված Մայրության և գեղեցկության տոնին 08.04.2015
2015 թվականի ապրիլի 7-ին Մայրության և գեղեցկության տոնի կապակցությամբ Եղեգնաձորի մարզային մշակույթի կենտրոնի մեծ դահլիճում կայացավ համերգ, որը նախաձեռնել էր Վայոց ձորի մարզպետարանը: Միջոցառմանը ներկա կանանց շնորհավորեց ՀՀ Վայոց ձորի մարզպետ Հարություն Սարգսյանը և մարզի առողջության, կրթության, մշակույթի բնագավառների վաստակած մասնագետների, հասարակական սեկտորում ակտիվ գործունեությամբ աչքի ընկած 26 կանանց պարգևատրեց պատվոգրերով ու հուշանվերներով: Միջոցառմանը մասնակցում էին ՀՀ ԳՄ մարզային կառույցների ղեկավարները, մարզպետարանի պաշտոնատար անձիք, մարզի համայնքների, առողջապահական, կրթական և մշակութային հաստատությունների ղեկավարներ և աշխատակիցներ, մարզի արվեստասեր հասարակայնության ներկայացուցիչներ: Համերգը կազմակերպվել էր Եղեգնաձորի մշակույթի կենտրոնի գեղարվեստական խմբերի և Եղեգնաձորի երաժշտական դպրոցի սաների ուժերով: Համերգի մասնակից երեխաները միջոցառմանը ներկա բոլոր կանանց մարզպետ Հարություն Սարգսյանի անունից վարդեր նվիրեցին:
