Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ապրիլը՝ ապրելու, հաղթանակի և պահանջատիրության ամիս 25.04.2016
1915 թվականի ապրիլի 24-ին Օսմանյան կայսրության կողմից հայերի նկատմամբ իրագործվեց մարդկության պատմության մեծագույն և սարսափելի ոճրագործությունը: Այս տարի ապրիլի 24-ին համայն հայությունը նշում է Հայոց ցեղասապանության 101-րդ տարելիցը: Վայոց ձորի մարզում Հայոց ցեղասպանության տարելիցին նվիրված միջոցառումների շարքը մեկնարկեց ապրիլի 23-ին: Այդ օրը մարզի ողջ տարածքում ցեղասպանության անմեղ զոհերի հիշատակին նվիրված ջահեր վառվեցի: Եղեգնաձորում պահանջատիրությանը և Հայոց ցեղասպանության ճանաչմանը նվիրված ջահերթի մասնակիցները, Հայաստանի Հանրապետության դրոշներով, պաստառներով, ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության գլխավոր մասնագետ Աղասի Հովհաննիսյանի, Վայոց ձորի թեմի փոխառաջնորդ Տ. Զարեհ վարդապետ Կաբաղյանի և Եղեգնաձորի տարածաշրջանի հոգևոր հովիվ Տ. Վազգեն քահանա Հովհաննիսյանի գլխավորությամբ Հայոց ցեղասպանության զոհերի հիշատակը հավերժացնող խաչքարի մոտ իրենց հարգանքի տուրքը մատուցեցին անմեղ նահատակներին: Տերունական աղոթքից հետո հնչեց Հայաստանի Հանրապետության հիմնը, իսկ շարականների ներքո ջահերթի մասնակիցները աղոթեցին անմեղ զոհերի հոգու հանգստության և վառ հիշատակի համար: Ապրիլի 24-ին, վաղ առավոտից չէր դադարում եղեգնաձորցիների հոսքը դեպի հայոց Մեծ եղեռնի զոհերի և Արցախյան պատերազմում զոհված ազատամարտիկների անմար հիշատակին նվիրված հուշահամալիր: ՀՀ Վայոց ձորի մարզային իշխանությունների, ուժային կառույցների ղեկավարների և հոգևոր հայրերի առաջնորդությամբ հուշահամալիրում տեղի ունեցավ ծաղկադրում: Եղեգնաձորի Սբ. Աստվածածին եկեղեցում, Սուրբ Պատարագի ավարտին, հանդիսապետությամբ Վայոց ձորի թեմի առաջնորդ Տ. Աբրահամ արքեպս. Մկրտչյանի, կատարվեց Սրբոց նահատակաց Բարեխոսական կարգը: Միջոցառումների շարքը եզրափակեց > խորագրով ոգեկոչման համերգը, որը նվիրված էր Ցեղասպանության զոհերի հիշատակին, Արցախյան ազատամարտում հաղթանակ նվաճած բոլոր հայորդիներին, զոհվածներին և ողջերին:
Կայացավ գործակարգավարական հերթական խորհրդակցությունը 25.04.2016
Ապրիլի 25-ին ՀՀ Վայոց ձորի մարզպետ Հարություն Սարգսյանի մոտ անցկացվեց գործակարգավարական հերթական խորհրդակցությունը: Խորհրդակցությանը մասնակցում էին մարզպետի տեղակալները, մարզպետի խորհրդականը, մարզպետարանի աշխատակազմի ղեկավարը և ստորաբաժանումների պետերը: Մարզպետի խորհրդական Վ. Ասլանյանը հաղորդեց ապրիլի 18-21-ը Ռուսաստանի Դաշնության Դոնի Ռոստով քաղաքում կայացած > 4-րդ համաժողովի աշխատանքային խմբի աշխատանքների մասին, որի ընթացքում քննարկվել են ՌԴ և ՀՀ մարզերի միջև տնտեսական, մշակութային, հումանիտար, կրթական և մի շարք այլ ոլորտներում համագործակցության ընդլայնման հեռանկարները: Մարզպետ Հ. Սարգսյանը Վ. Ասլանյանին հանձնարարեց հետևել համաժողովի ընթացքում ձեռք բերված պայմանավորվածությունների կատարման ընթացքին: Այնուհետև մարզպետարանի աշխատակազմի ստորաբաժանումների ղեկավարների կողմից ներկայացվեցին ստորաբաժանումների կողմից անցած շաբաթվա ընթացքում իրականացրած և ընթացիկ շաբաթվա ընթացքում կատարվելիք աշխատանքները: Խորհրդակցության ընթացքում մարզպետարանի աշխատակազմի կրթության, մշակույթի և սպորտի վարչության պետի կողմից ներկայացվեցին ,,Լավագույն տնօրեն,, , ,,Լավագույն ուսուցիչ,, և ,,Լավագույն դաստիարակ,, մրցույթների նախապատրաստական աշխատանքները և դպրոցական առարկայական օլիմպիադաների անցկացման ընթացքը: Քաղաքաշինության վարչության պետ Ա. Հովսեփյանը ներկայացրեց դպրոցական շենքների սեյսմիկ անվտանգության միջոցառումների կտարման ընթացքը: Ա. Հովսեփյանին հանձնարարվեց զբաղվել Ջերմուկ քաղաքի ճեմուղու կառուցման աշխատանքներով և շաբաթվա ընթացքում վերսկսկել շինարարական աշխատանքները: Մարզպետ Հ. Սարգսյանը մարզպետարանի աշխատակազմի քարտուղարության պետ Հ. Կարապետյանին հանձնարարեց զբաղվել ՀՀ Նախագահի կողմից՝ 2015 թվականի դեկտեմբերի 4-ին կայացած հանդիպման ընթացքում տրված հանձնարարականների կատարման մասին տեղեկատվության ներկայացման գործով: Խորհրդակցության ավարտին մարզպետ Հ. Սարգսյանը հանձնարարություններ տվեց մարզպետարանի աշխատակազմի ստորաբաժանումների ղեկավարներին, իրենց ղեկավարած ոլորտներում աշխատանքների իրականացման և խնդիրների լուծման ուղղությամբ:
Գետափ համայնքի ղեկավար Գագիկ Ալոյանը վերընտրվել է 23.04.2016
2016 թվականի ապրիլի 17-ին տեղի ունեցավ Գետափ համայնքի ղեկավարի ընտրությունը: Վայոց ձորի ԸԸՀ-ի տվյալների համաձայն` համայնքի ղեկավար է վերընտրվել ՀՀԿ կուսակցության անդամ Գագիկ Ալոյանը: 1651 ընտրողներից ընտրությանը մասնակցել է 1137-ը։ Մասնակիցներից գործող գյուղապետի օգտին քվեարկել են 735-ը, դեմ՝ 402-ը: Անվավեր է ճանաչվել 18 քվեաթերթիկ:
Տեղի ունեցավ գործակարգավարական հերթական խորհրդակցությունը 18.04.2016
Ապրիլի 18-ին ՀՀ Վայոց ձորի մարզպետ Հարություն Սարգսյանի մոտ կայացավ գործակարգավարական հերթական խորհրդակցությունը: Խորհրդակցությանը մասնակցում էին մարզպետի տեղակալները, մարզպետարանի աշխատակազմի ղեկավարը և ստորաբաժանումների պետերը: Մինչ խորհրդակցությունը մարզպետը ՏԻ և ՀԳՄ վարչության պետ Ն. Սիմոնյանին շնորհակալություն հայտնեց Վայոց ձորի մարզի Գետափ համայնքի ղեկավարի ապրիլի 17-ին կայացած ընտրություններն առանց խախտումների և կազմակերպված ձևով իրականացնելու համար: Խորհրդակցության ընթացքում աշխատակազմի ստորաբաժանումների ղեկավարները հանդես եկան նախորդ խորհրդակցության ժամանակ արձանագրված հանձնարարականների կատարման վերաբերյալ հաշվետվությամբ, ներկայացվեցին ստորաբաժանումների կողմից անցած շաբաթվա ընթացքում կատարած և ընթացիկ շաբաթվա ընթացքում կատարվելիք աշխատանքները: Մարզպետն աշխատակազմի գյուղատնտեսության և բնապահպանության վարչության պետին հանձնարարեց հետևել սերմացուի, պարարտանյութերի և դիզվառելիքի վճարունակ պահանջարկի հավաքագրման և բաշխման աշխատանքներին, ինչպես նաև զբաղվել ,,Եղեգնաձոր ՋՕ,, ընկերությունում իրականացվող աշխատանքներով, շահառուներին հնարավորինս սեղմ ժամկետներում ապահովել ոռոգման ջրով: Մարզպետ Հ. Սարգսյանը կրթության, մշակույթի և սպորտի վարչության պետին հանձնարարեց հետևողական աշխատանք տանել դպրոցների առարկայական օլիմպիադաների անցկացման գործում, զբաղվել ,,Լավագույն տնօրեն,, , ,,Լավագույն ուսուցիչ,, և ,,Լավագույն դաստիարակ,, մրցույթների պատշաճ անցկացմանը: Քաղաքաշինության վարչության պետին հանձնարարվեց հետևել դպրոցական շենքերի սեյսմիկ անվտանգության միջոցառումների ընթացքին: Խորհրդակցության ավարտին մարզպետ Հ. Սարգսյանը հանձնարարություններ տվեց մարզպետարանի աշխատակազմի ստորաբաժանումների ղեկավարներն, իրենց ղեկավարած ոլորտներում աշխատանքների իրականացման և խնդիրների լուծման ուղղությամբ:
Գրական գեղարվեստական ցերեկույթ նվիրված Մեսրոպ Մաշտոցին 15.04.2016
Այսօր Վայոց ձորի մարզային գրադարանում ,,Ազգային գրադարանային շաբաթ,, հանրապետական ծրագրի շրջանակում տեղի ունեցավ > խորագրով գրական գեղարվեստական ցերեկույթ, նվիրված հայոց գրերի ստեղծող Մեսրոպ Մաշտոցին: Միջոցառման սկզբում ներկաները մեկ րոպե լռությամբ հարգեցին Արցախի Հանրապետության դեմ Ադրբեջանի կողմից սանձազերծած ապրիլյան քառօրյա կռիվների ընթացքում զոհված հայ զինվորների և կամավորների պայծառ հիշատակը: Միջոցառման բացման խոսք ասաց Վայոց ձորի մարզային գրադարանի տնօրեն Ռոզա Լևոնյանը: Հայրական օրհնությամբ և Տերունական աղոթքով հանդես եկավ Վայոց ձորի թեմի Եղեգնաձորի տարածաշրջանի հոգևոր հովիվ Տեր Վազգեն քահանա Հովհաննիսյանը: Միջոցառումը, որի կարգախոսն էր.
ՀՀ Վայոց ձորի մարզային գրադարանում մեկնարկել է Ազգային գրադարանային շաբաթ ծրագիրը 13.04.2016
ՀՀ Վայոց ձորի մարզային գրադարանում մեկնարկել է Ազգային գրադարանային շաբաթ ծրագիրը: Ներկայացնում ենք ծրագրի օրակարգը:
