Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետի տեղակալ Նանե Ասատրյանը մասնակցել է Ուսուցչի օրվան նվիրված տոնական միջոցառմանը 17.10.2018
Երեկ՝ հոկտեմբերի 16-ին, Եղեգնաձորի մարզային մշակույթի կենտրոնի համերգային դահլիճում տեղի ունեցավ Ուսուցչի օրվան նվիրված տոնական միջոցառումը, որը հետաձգվել էր Մեծն շանսոնյե Շառլ Ազնավուրի մահվան առիթով: ՀՀ Վայոց ձորի նորանշանակ մարզպետ Տրդատ Սարգսյանի անունից ուսուցիչներին և միջոցառման մասնակիցներին ուղղված ողջույնի ջերմ խոսքեր հղեց ՀՀ Վայոց ձորի մարզպետի տեղակալ Նանե Ասատրյանը: Մարզպետի տեղակալ ողջույնի խոսքում, բարձր գնահատելով ուսուցչի աշխատանքը՝ աշակերտների ոչ միայն ուսումնառության, այլև որպես մարդ ձևավորվելու գործընթացում, կարևորելով նրանց գնահատելի դերը հասարակական հարաբերություների ձևավորման մեջ, արտահայտեց նրանց հանդեպ ունեցած սերն ու խորնարհումը, որպես գնահատական մարզի բոլոր դպրոցների մանկավարժների ու նաև իր ուսուցիչների տքնաջան աշխատանքի: Ն. Ասատրյանը կարևորեց առանձնապես հեռավոր և սահմանամերձ գյուղերի դպրոցներում դասավանդող մանկավարժների աշխատանքը, հայրենի եզերքին հավատարիմ մնալու և փոքրակազմ գյուղերը շենացնելու նրանց պատրաստակամությունը: Ն. Ասատրյանը շեշտադրեց նաև
Տրդատ Սարգսյանը նշանակվել է ՀՀ Վայոց ձորի մարզպետ 10.10.2018
ՀՀ կառավարության 2018 թվականի հոկտեմբերի 10-ի նիստում Տրդատ Սարգսյանը նշանակվել է ՀՀ Վայոց ձորի մարզպետ:
ՀՀ Վայոց ձորի նորանշանակ մարզպետ Տրդատ Սարգսյանը հանդիպեց գործակարգավարական խորհրդակցության անդամների հետ: Հանդիպմանը մասնակցում էին մարզպետի տեղակալներ Նանե Ասատրյանը, Ռազմիկ Տոնոյանը, Գևորգ Ավագյանը, մարզպետարանի գլխավոր քարտուղարը և ստորաբաժանումների ղեկավարները: Տ. Սարգսյանը ողջունեց ներկաներին, նշեց, որ ինքը ներկայացնում Է Քաղաքացիական Պայմանագիր կուսակցությունը և իրակացնելու է հեղափոխության տրամաբանությանը համապատասխան բոլոր ծրագրերը: Գլխավոր քարտուղարը և ստորաբաժանումների ներկայացուցիչները շնորհավորեցին Տ. Սարգսյանին, Վայոց ձորի մարզպետի պաշտոնում նշանակվելու կապակցությամբ, խոսեցին իրենց գործառույթների մասին և համառոտ տեղեկություն ներկայացրին աշխատանքների վիճակի վերաբերյալ: Մարզպետ Տ. Սարգսյանը խոսեց առաջիկա անելիքների մասին: Նա իր ամփոփիչ խոսքում ներկայացրեց մարզպետարանի աշխատակիցների և քաղաքացիների հարաբերությունների վերաբերյալ իր մոտեցումները, կարևորելով քաղաքացիների նկատմամբ հոգատար ու բարեկիրթ վերաբերմունքը՝ սկզբունքն ընդունելով
Հայտարարություն ՀՀ Վայոց ձորի մարզպետարանում քաղաքացիների ընդունելության օրը փոխելու մասին 09.10.2018
Հայտնում ենք, որ հարգելի պատճառով (Ֆրանկոֆոնիայի գագաթաժողովի միջոցառումներով պայմանավորված ՀՀ-ում հոկտեմբերի 12-ը ոչ աշխատանքային օր է հայտարարված ), ՀՀ Վայոց ձորի մարզպետարանում քաղաքացիների հոկտեմբեր ամսվա ընդունելությունը ս/թ հոկտեմբեր 12-ի փոխարեն տեղի կունենա հոկտեմբերի 19-ին, ժամը՝ 14:00-ին: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
Գրադարանավարի օրվան նվիրված միջոցառում՝ Վայոց ձորի մարզային գրադարանում 08.10.2018
Վայոց ձորի մարզային գրադարանում կազմակերպվել էր Գրադարանավարի օրվան նվիրված միջոցառում՝ խորագրով: Միջոցառումը կազմակերպել էր գրադարանի մանկական բաժինը (բաժնի պետ՝ Ջեմա Մարզգարյան), Եղեգնաձորի թիվ 1 հիմնական դպրոցի 8-րդ բ դասարանի աշակերտների ուժերով: Միջոցառուման սկզբում մասնակիցները մեկ րոպե լռությամբ հարգեցին մեծանուն շանսոնյե Շառլ Ազնավուրի հիշատակը: Ներկայացվեց մարդկային բարձր արժեքները, որպես Մարդ-էակին բնութագրող հրաշալիքներ: Միջոցառման ավարտին շնորհակալական խոսք ասացին մարզային գրադարանի տնօրեն Ռոզա Լևոնյանը, Եղեգնաձորի թիվ 1 հիմնական դպրոցի 8-րդ բ դասարանի դասղեկ Կարինե Մովսիսյանը և Վայոց ձորի մարզպետարանի ՏՀԿ բաժնի պետ Սոնա Մարգարյանը:
Խորհրդակցություն ՀՀ Վայոց ձորի մարզպետի ժամանակավոր պաշտոնակատար Նանե Ասատրյանի մոտ 08.10.2018
Այսօր՝ հոկտեմբերի 8-ին, ՀՀ Վայոց ձորի մարզպետի ժամանակավոր պաշտոնակատար Նանե Ասատրյանի մոտ կայացավ խորհրդակցություն, որին մասնակցում էին մարզպետարանի ստորաբաժանումների՝ վարչությունների ու բաժինների պետերը: Ն. Ասատրյանը խոսեց Հայաստանի Հանրապետությունում մեկնարկող Ֆրանկաֆոնիայի գագաթաժողովի շրջանակում իր և Վայոց ձորի մարզի մասնակցության հարցերի շուրջ: Մարզպետի ժամանակավոր պաշտոնակատարը ստորաբաժանումների ղեկավարներին հանձնարարեց ուշադրության կենտրոնում պահել աշխատանքային կարգապահության խնդիրները և հետաքրքրվեց խաղողի մթերման գործընթացով, մարզում իրականացվող շին-վերանորոգման աշխատանքների ընթացքով, մարզպետարանի կարիքների համար կատարվող գնումների խնդիրներով և մի շարք այլ ընթացիկ հարցերով: Ն. Ասատրյանը հանձնարարեց կրթության, մշակույթի և սպորտի վարչության գլխավոր մասնագետին՝ Ուսուցչի օրվան նվիրված միջոցառումը հետաձգել անժամկետ, իսկ տեղեկատվության և հասարակայնության հետ կապերի բաժնի պետին՝ հետաձգման մասին իրազեկել մարզպետարանի պաշտոնական կայքում: Վերջում
