Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բարեկարգվում են Եղեգնաձոր քաղաքի հիմնական փողոցները 17.10.2012
Երեկ ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի պետ Խաչիկ Ասլանյանի և Եղեգնաձորի ՃՇՇ ՓԲԸ-ի տնօրեն Արայիկ Մաթևոսյանի ուղեկցությամբ այցելել է Եղեգնաձոր քաղաքի Սպանդարյան փողոց, որտեղ ավարտվել են նշված փողոցի 500մ հատվածի բարեկարգման աշխատանքները:
Հյուրեր` Ռուսաստանի Դաշնությունից 16.10.2012
Ռուս-հայկական միջտարածաշրջանային երկրորդ համաժողովի շրջանակում Հայաստանի Հանրապետությունում էր Ռուսաստանի Դաշնության Արխանգելսկի նահանգապետ Իգոր Օրլովը, ով Վայոց ձորի մարզպետ Էդգար Ղազարյանի ուղեկցությամբ` ս/թ հոկտեմբերի 11-ին ուղևորվեց Վայոց ձորի մարզ: Նրանք հուրընկալվեցին Ջերմուկի առողջարանում: Հյուրերը հոկտեմբերի 12-ին ծանոթացան առողջարանային քաղաքին, եղան քաղաքի տեսարժան վայրերում: Նույն օրը նահանգապետի աշխատանքային խմբի անդամները եղան Հայաստանի պետական տնտեսագիտական համալսարանի Եղեգնաձորի մասնաճյուղում, որտեղ նրանց ընդունեց փոխմարզպետ Սամվել Թարվերդյանը:
ՀՀ Վայոց ձորի մարզպետը` ռուս-հայկական միջտարածաշրջանային երկրորդ համաժողովում 16.10.2012
2012 թվականի հոկտեմբերի 12-13-ը <Երևան-Էքսպո-ում> (Երևան, Հակոբ Հակոբյան 3) տեղի է ունեցել ռուս-հայկական միջտարածաշրջանային երկրորդ համաժողովը, որին մասնակցել են Ռուսաստանի և Հայաստանի պետական կառավարման հանրապետական և մարզային իշխանությունների, ոչ կառավարական կազմակերպությունների ներկայացուցիչներ և գործարարներ երկու երկրներից: Համաժողովում զեկուցումով հանդես է եկել նաև ՀՀ Վայոց ձորի մարզպետ Էդգար Ղազարյանը:
ՍՏՈՐԱԳՐՎԵՑ ՀԱՄԱՁԱՅՆԱԳԻՐ 16.10.2012
2012 թվականի հոկտեմբերի 13-ին Ռուսաստանի Դաշնության Արխանգելսկի մարզի կառավարության և Հայաստանի Հանրապետության Վայոց ձորի մարզպետարանի միջև ստորագրվեց առևտրատնտեսական, գիտատեխնիկական և հումանիտար համագործակցության մասին համաձայնագիր: ՌԴ Արխանգելսկի մարզի Կառավարության անունից հանդես է եկել Արխանգելսկի մարզի նահանգապետ Իգոր Օրլովը, ՀՀ Վայոց ձորի մարզպետարանի անունից` Վայոց ձորի մարզպետ Էդգար Ղազարյանը: Համաձայնագիրը կնքվել է Երևան քաղաքում 2012թվականի հոկտեմբերի 13-ին, հավասար...
Խորհրդակցություն Վայոց ձորի մարզպետարանում 16.10.2012
Երեկ ՀՀ Վայոց ձորի մարզպետ Էդգար Ղազարյանի մոտ տեղի ունեցավ աշխատանքային խորհրդակցություն , որին մասնակցում էին Վայոց ձորի բժշկասոցիալական փորձաքննական հանձնաժողոովի անդամները հանձնաժողոովի նախագահ Ցիալա Խուդինյանի գլխավորությամբ: Խորհրդակցությանը ներկա էին մարզպետի տեղակալներ Սամվել Թարվորդյանը, Մելս Հարությունյանը և մարզպետարանի աշխատակազմի առողջապահության ու սոցիական հարցերի վարչության պետ Խաչիկ Գևորգյանը:
Կայացավ քաղաքացիների հերթական ընդունելությունը 12.10.2012
ՀՀ Վայոց ձորի փոխմարզպետ Սամվել Թարվերդյանը քաղաքացիների հերթական ընդունելություն կատարեց Վայքի քաղաքապետարանում` հոկտեմբերի 11-ին, Վայոց ձորի մարզպետարանում` հոկտեմբերի 12-ին: Վայքում ցուցակագրվել էին 16 քաղաքացիներ, որոնցից 16-ը դրամական օգնության խնդրանքով, 3-ը աշխատանքի տեղավորման: Եղեգնաձորում ընդունելության էին եկել 41 քաղաքացիներ, որոնցից 36-ը դրամական օգնության խնդրանքով, 4-ը բնակարանի ձեռք բերման և վերանորոգման հարցերով, իսկ Գետափ համայնքի նորակառույց թաղամասի բնակիչների անունից բարձրացվեց թաղամասը խմելու ջրով ապահովելու հարցը:
