Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հաղթանակի և խաղաղության տոնին նվիրված հանդիսություն Եղեգնաձորում 09.05.2015
Հաղթանակի և խաղաղության օրվա առիթով 2015 թվականի մայիսի 9-ին Եղեգնաձոր քաղաքի Հայրենական Մեծ պատերազմի զոհվածների հիշատակը հավերժացնող հաղթական տանկ-հուշարձանին հարող հրապարակում տեղի ունեցավ տոնական միջոցառում, որին մասնակցում էին ՀՀ Վայոց ձորի մարզպետ Հարություն Սարգսյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը, ՀՀ Ազգային անվտանգության ծառայության Վայոց ձորի մարզային վարչության պետ Գագիկ Առաքելյանը, մարզպետի տեղակալները, Եղեգնաձորի քաղաքապետը, մարզպետարանի պատասխանատու աշխատակիցներ, ոստիկանության և բանակի բարձրաստիճան սպաներ, Հայրենական Մեծ պատերազմի վետերաններ, Արցախյան Հերոսամարտի ազատամարտիկներ, Եղեգնաձոր քաղաքի և հարակից համայնքերի բնակիչներ: Միջոցառմանը շնորհավորական խոսքով հանդես եկան ՀՀ Վայոց ձորի մարզպետ Հարություն Սարգսյանը, ՀՀ պաշտպանության նախարարության 4-րդ բանակային կորպուսի հրամանատար, գեներալ-մայոր Անդրանիկ Մակարյանը, Հայրենական Մեծ պատերազմի վետերան Սարգիս Հարությունյանը, Եղեգնաձորի ավագ դպրոցի պատանի երկրապահ ակումբի անդամ Տիգրան Ղազարյանը: Օրհնության խոսքով հանդես եկավ Վայոց ձորի թեմի փոխառաջնորդ Տ. Զարեհ վրդ. Կաբաղյանը: Միջոցառմանը տոնական շունչ հաղորդեց հնչած երաժշտական կատարումները: Զիվորական շքերթից հետո հանդիսության մասնակիցները մարզպետ Հարություն Սարգսյանի ղեկավարությամբ բարձրացան Հաղթանակի բլուր` ծաղիկներ խոնարհելու և ծաղկեպսակներ դնելու Հայրենական Մեծ պատերազմի զոհվածների հուշարձանին:
Խորհրդակցություն դպրոցների տնօրենների մասնկացությամբ 08.05.2015
ՀՀ Վայոց ձորի մարզպետարանում դպրոցների տնօրենների մասնկացությամբ տեղի ունեցավ խորհրդակցություն, որը վարում էր ՀՀ Վայոց ձորի մարզպետ Հարություն Սարգսյանը: Խորհրդակցությանը մասնակցում էին նաև մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը: Ուսումնական տարվա ամփոփված արդյունքների մասին զեկուցումով հանդես եկավ մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը: Երկրորդ հարցի՝ Էլեկտրոնային կապի և տեխնիկական վերազինման մասին, զեկուցումով հանդես եկավ նույն վարչության գլխավոր մասնագետ Ավագ Գաբրիելյանը: Նոր ուսումնական տարում > ծրագրի մասին հաղորդում ներկայացրեց դարձյալ վարչության պետը: > մրցույթի կազմակերչական հարցերը ներկայացրեց նշված վարչության գլխավոր մասնագետ Աղասի Հովհաննիսյանը, իսկ առաջատար մասնագետ Ժիրայր Գասպարյանը ներկայացրեց մայիսի 8-ին կազմակերպվելիք > մրցույթի ընտրական փուլ անցկացման կարգը: Խոսվեց նաև դպրոցներում վերջին զանգի կազմակերպման մասին և նշվեց, որ այն պետք է կազմակերպել որպես հրաժեշտի դաս, դպրոցական կարգ ու կանոնին համաձայն:
Սիրելի վայոցձորցիներ, Հայրենական Մեծ պատերազմի և Արցախյան ազատամարտի վետերաններ, ջերմորեն շնորհավորում եմ բոլորիս Հաղթանակի և խաղաղության տոնի կապակցությամբ: Մայիսի 9-ը հայ ժողովրդի պատմական տարեգրության մեջ կարևորվում է երկու ճակատագրական հաղթանակներով՝ Հայրենական մեծ պատերազմում ֆաշիզմի դեմ տարած հաղթանակով և Շուշիի փառապանծ ազատագրմամբ: Հայ ժողովրդի համար մայիսն իրավմամբ հաղթանակների ամիս է և մեր ազգի համար ճակատագրական այդ հաղթանակների վկաներն այսօր դուք եք, հարգելի վետերաններ և ազատամարտիկներ: Ուստի ամենայն հարգանքով ձեզ մաղթում եմ առողջ ու երկար կյանք: Ձեր ցանկալի ներկայությունը մեր կողքին դաստիարակության վառ օրինակ է սերունդների համար: Հայրենական Մեծ պատերազմի և Արցախյան ազատամարտի հաղթական ելքերը մոռացության մատնեցին անցյալում թույլ տրված մեր սխալները և բարձրացրին ազգային ոգին: Հայ ազգը համոզվեց, որ ով ցանկություն և համարձակություն ունի իր երկրի լուսավոր ապագան կերտելու, նա նաև կարող է համախմբվել և նպատակին հասնելու կամք դրսևորել: Այսօր նույնպես մեզ անհրաժեշտ է ազգո
Արտակարգ դեպք Վայոց ձորի մարզում 07.05.2015
Մայիսի 7-ին արտակարգ դեպք է տեղի ունեցել Վայոց ձորի մարզում: Ժամը 05:00-ի սահմաններում Ելփին գյուղի վարչական տարածքում (Երևան-Մեղրի ավտոճանապարհի 100-րդ կմ) Գորիս քաղաքի բնակիչ, 26-ամյա Նարեկ Մուսայելյանն իր վարած Ford Transit մակնիշի 32 ԼՍ 794 համարանիշի ավտոմեքենայով մխրճվել է մայրուղով դեպի արտագնա արոտավայր տեղափոխվող ոչխարի հոտի մեջ, որի հետևանքով մոտ 70 գառ ու ոչխար է սատկել:
Երեկ՝ մայիսի 6-ին, ՀՀ Վայոց ձորի մարզպետարանում տեղի ունեցավ հանդիպում Համահայկական խաղերի համաշխարհային կոմիտեի նախագահ Իշխան Զաքարյանի հետ: Վայոց ձորի մարզի կողմից մասնակցում էին ՀՀ Վայոց ձորի մարզպետ Հարություն Սարգսյանը, Ջերմուկ և Վայք քաղաքների ղեկավարները, Եղեգնաձոր քաղաքի ղեկավարի տեղակալը, մարզպետարանի աշխատակազմի կրթության, մշակույթի և սպորտի վարչության մշակույթի և սպորտի գծով պատասխանատու գլխավոր մասնագետը: Հյուրերի կազմում էին ,,Համահայկական խաղերի համաշխարհային կոմիտե,, ՀԿ-ի և աշխատանքային խմբի անդամները: Հանդիպմանը քննարկվել են Համահայկական ամառային 6-րդ խաղերին մարզի մասնակցության հետ կապված հարցեր, ճշտվել է Համահայկական խաղերի ջահը Սյունիքի մարզից ընդունելու և Արարատի մարզին փոխանցելու ճանապարհային քարտեզը: Նշենք, որ 2015թ. Համահայկական ամառային 6-րդ խաղերն ընդգրկվել են Հայոց Մեծ եղեռնի 100-ամյակին նվիրված պետական միջոցառումների ծրագրում:
Քննարկվել են մարզում անասնապահության զարգացման կոոպերատիվների ստեղծման հետ կապված հարցերը 07.05.2015
2015 թվականի մայիսի 6-ին ՀՀ Վայոց ձորի մարզպետ Հարություն Սարգսյանի մոտ տեղի ունեցավ քննարկում, նվիրված՝ Վայոց ձորի մարզում անասնապահության զարգացման կոոպերատիվների ստեղծման հետ կապված հարցերին: Քննարկումը կազմակերպվել էր ՀՀ ԳՆ ԾԻԳ-ի Վայոց ձորի մարզային աջակցության թիմի ղեկավար Վարդան Վարդանյանի նախաձեռնությամբ: Քննարկմանը մասնակցում էին մարզպետի տեղակալ Սամվել Թարվերդյանը, մարզպետարանի աշխատակազմի ՏԻ և ՀԳՄ հարցերով, ինչպես նաև գյուղատնտեսության և բնապահպանության վարչությունների պետերը: Գյուղատնտեսական ռեսուրսների կառավարման նշված ծրագրում ընգրկված Ազատեկ, Աղնջաձոր, Ելփին, Զառիթափ, Խաչիկ, Ռինդ, Վերնաշեն համայնքների ղեկավարներն ու շահագրգիր անձիք ներկայացրին կոոպերատիվների ստեղծման ընթացքն իրենց համայնքներում, հետաքրքրվեցին ծրագրային քայլերի հաջորդականությամբ: Վարդան Վարդանյանը խորհրդատվություն իրականացրեց կոոպերատիվների ստեղծման աշխատանքների կազմակերպչական հարցերի շուրջ: Ամփոփելով խորհրդակցությունը, մարզպետ Հարություն Սարգսյանը հորդորեց համայնքների ղեկավարներին՝ օգտվել ընձեռված բոլոր հնարավորություններից՝ գյուղտեխնիկա ձեռք բերելու, համայնքային հանդամիջյան ճանապարհների բարեկարգման, խոտհարքերի ջրարբիացման խնդիրները նման ծրագրերով լուծելու նպատակով:
