Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վերապատրաստման դասընթաց Վայոց ձորում 13.12.2018
Երեկ՝ դեկտեմբերի 12-ին, ՀՀ Վայոց ձորի մարզպետարանի նիստերի դահլիճում տեղի ունեցավ վերապատրաստման դասընթաց, մարզում գործող ՊՈԱԿ-ների աշխատակիցների գանձապետական հաշիվների էլեկտրոնային վճարման գանձապետական ծրագրային համակարգից օգտվելու հմտությունները զարգացնելու նպատակով: Վերապատրաստման դասընթացին մասնակցում էին Վայոց ձորի մարզպետարանի ենթակայությամբ գործող կրթական հաստատությունների, առողջապահական և մշակութային կազմակերպությունների ղեկավարները և հաշվապահները: Դասընթացը կազմակերպվել էր ՀՀ ֆինանսների նախարարության կողմից, համաձայն ՀՀ օրենքի 17-րդ հոդվածի մասի, ինչպես նաև ՀՀ կառավարության 2018թ. հունիսի 15-ի թիվ 706-Ն որոշման պահանջների:
Բարեգործական համերգ՝ Խաչիկ գյուղում մշակույթի սենյակ բացելու նպատակով 13.12.2018
բարեգործական հիմնադրամի կողմից ս/թ դեկտեմբերի 16-ին, ժ. 15 : 00-ին The CLUB -ում (Թումանյան 40) կկազմակերպվի միջոցառում, որի հասույթը կուղղվի ՀՀ Վայոց ձորի մարզի Խաչիկ սահմանապահ գյուղում մշակույթի սենյակ (ՀԱՎԵՍԻՆ ՍԵՆՅԱԿ) բացելու աշխատանքների ֆինանսավորմանը: Մուտքը` 5000 դրամ Համերգ միջոցառմանը մասնակցելու և Խաչիկ գյուղում մշակութային սենյակի բացմանը զորակցելու են հայ հանրահայտ արվեստագետների տրիոն՝ Ռուբեն Հախվերդյան, Հասմիկ Պապյան, Տիգրան Համասյան: Միջոցառման ընթացքում կազմակերպվելու է նաև աճուրդ, որտեղ կարող եք ձեռք բերել շապիկներ, գինիներ, ինչպես նաև Մարիամ Պետրոսյանի և Նարինե Աբգարյանի գրքերը, հեղինակների ստորագրությամբ: Խաչիկը սահմանապահ գյուղ է, որը 37 կմ սահման ունի Նախիջևանի հետ: Մարզկենտրոնից հեռու է 40 կմ, հարևան հայկական գյուղից` 21 կմ, իսկ ադրբեջանական գյուղից` ընդամենը 5 կմ: Գյուղի միջնակարգ դպրոցում սովորում են 104 աշակերտներ, որոնք մշակութային կրթության իրավունք և կարիք ունեն:
ՀՀ Վայոց ձորի մարզպետի տեղակալ Նանե Ասատրյանն այցելել է Եղեգնաձորի բժշկական կենտրոն 11.12.2018
Դեկտեմբերի 11-ին ՀՀ Վայոց ձորի մարզպետի տեղակալ Նանե Ասատրյանն այցելել է Եղեգնաձորի բժշկական կենտրոն: Տնօրենի պաշտոնակատար Կարեն Ասատրյանի հետ քննարկվել են ռենտգեն կաբինետի նորոգման, նոր սարքի գործարկման, կայքի կիրարկման և սոնոգրաֆիայի նոր սարքի տեղափոխման հարցերը: Քննարկված հարցերի լուծման արդյունքում Եղեգնաձորում կունենանք, նորագույն սարքերով ապահովված, անհրաժեշտ մասնագետներով հագեցած բժշկական կենտրոն, որտեղ քաղաքացներ կստանան բարձրորակ առողջապահական աջակցություն, թե՛ բուժանձնակազմի, թե՛ քաղաքացիների իրավունքները կլինեն պաշտպանված,- Նշում է Ն. Ասատրյանը: Մարզպետի տեղակալը տեղեկացնում է , որ Վայոց ձորի մարզպետ Տրդատ Սարգսյանը հետամուտ է այս ոլորտի կայունացմանն ու զարգացմանը: Ն. Ասատրյանը շնորհակալություն է հայտնում նաև ՀՀ առողջապահության նախարարությանը, նախարար Արսեն Թորոսյանին՝ մարզերի նկատմամբ ցուցաբերած հոգատարության և հետևողականության համար:
Տեղի կունենա քաղաքացիների ընդունելություն 10.12.2018
Սահմանված կարգի համաձայն 2018 թվականի դեկտեմբերի 14-ին, ժամը՝ 14:00, ՀՀ Վայոց ձորի մարզպետ Տրդատ Սարգսյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, 3601, ք. Եղեգնաձոր, Շահումյան փողոց, շենք 5:
ՀՀ պետական բյուջեից 2018 թ. Վայոց ձորի մարզին տրված նպատակային հատկացումների (սուբվենցիոն) ծրագրի շրջանակում Զառիթափ համայնքի բնակավայրերում իրականացվել են հետևյալ աշխատանքները՝ Խնձորուտ բնակավայրի 2782մ երկարությամբ ջրագծի և ջրհավաք հորերի, Նոր Ազնաբերդ բնակավայրի 1157մ երկարությամբ ջրագծի և ջրհավաք հորերի, Զառիթափ բնակավայրի 21մ երկարությամբ ջրագծի և ջրհավաք հորի, Արտավան բնակավայրի 846մ երկարությամբ ջրագծի և ջրհավաք հորերի, Մարտիրոս բնակավայրի 527մ երկարությամբ ջրագծի կառուցման աշխատանքները։
Այսօր, Եղեգնաձոր քաղաքի կինոթատրոնի հրապարակում տեղի ունեցավ խորագրով միջոցառումը, նվիրված 1988թ. Սպիտակի երկրաշարժի զոհերի հիշատակի օրվա 30-րդ տարելիցին: Խորագրի շրջանակներում Վայոց ձորի մարզային փրկարարական վարչությունը բնակչության համար կազմակերպել էր ուսուցողական և բացատրական դասընթացներ՝ հրշեջ փրկարարական ջոկատներում առկա հրշեջ և վթարափրկարարական մեքենաների տեխնիկական հնարավորությունների վերաբերյալ: Միջոցառման սկզբում ՀՀ Վայոց ձորի մարզպետի տեղակալ Նանե Ասատրյանը մասնակիցներին ուղղված խոսքում ներկայացրեց Սպիտակի երկրաշարժի ուժգնության և թողած ավերածությունների վերաբերյալ տեղեկություններ: Մեծ ցավով խոսեց նաև երկրաշարժի զոհերի մասին: Ն. Ասատրյանը խոսքի ավարտին բարի հիշատակ մաղթեց զոհվածներին և հավելեց, որ բնական աղետներից հնարավորինս նվազ վնաս կրելու համար անհրաժեշտ է լավագույնս իրազեկված լինել դրանցից պաշտպանվելու միջոցների և ձևերի մասին: Կարողանալ ճիշտ ու ժամանակին օգտվել պաշտպանվելու այդ միջոցներից: Մարզպետի տեղակալը նշեց, որ
