Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեպտեմբերի 29-ին տեղի ունեցավ ՀՀ Վայոց ձորի մարզպետ Արարատ Գրիգորյանի մամուլի ասուլիսը, նվիրված 2021 թվականի առաջին կիսամյակի ընթացքում մարզպետի և մարզպետարանի գործունեության արդյունքների ամփոփմանը: Մարզպետ Արարատ Գրիգորյանը 2021 թվականի առաջին կիսամյակի ընթացքում մարզի կենսագործունեության տարբեր ոլորտներում արձանագրված արդյունքների վերաբերյալ ներկայացրեց ամփոփ հաշվետվություն և պատասխանեց քաղաքացիներից ստացված հարցերին: Ներկայացված հաշվետվությանը ծանոթանալ
Տեղի կունենա ՀՀ Վայոց ձորի մարզի Ջերմուկ համայնքի ավագանու արտահերթ նիստը 29.09.2021
Ս/թ հոկտեմբերի 4-ին՝ ժամը 12:00-ին, Ջերմուկ համայնքի ղեկավարի աշխատասենյակում տեղի կունենա ՀՀ Վայոց ձորի մարզի Ջերմուկ համայնքի ավագանու արտահերթ նիստը: Օրակարգին ծանոթանալ
Վայոց ձորի մարզպետ Արարատ Գրիգորյանն այցելեց Արատեսի դպրական կենտրոն 29.09.2021
Սեպտեմբերի 29-ին Վայոց ձորի մարզպետ Արարատ Գրիգորյանն այցելեց Արատեսի դպրական կենտրոն: Երևանի կրթահամալիրի հիմնադիր տնօրեն Աշոտ Բլեյանի ուղեկցությամբ մարզպետը շրջեց կենտրոնի տարածքում, ծանոթացավ կատարված աշխատանքներին և դպրոցի կողմից առաջարկվող ծրագրերին և հնարավորություններին: Մարզպետը ծանոթացավ նաև աշակերտների գործունեությանը: Արատեսը շուրջ տարին գործում է որպես յուրահատուկ դպրոց բնության գրկում՝ ուսումնական նախագծերի, ճամբարների, ստեղծագործական հավաքների հարթակ, որտեղ իրականացվող բազմաթիվ նախագծերի շնորհիվ երեխաները հնարավորություն ունեն համատեղել կրթությունը և ուրախ ժամանցը Արատեսի գեղատեսիլ բնության հետ: Դպրական կենտրոնը
Աղավնաձորում բացվեց Արցախյան պատերազմների ընթացքում զոհված զինծառայողների հիշատակին նվիրված հուշաքար 27.09.2021
Սեպտեմբերի 26-ին, Արենի համայնքի Աղավնաձոր բնակավայրում տեղի ունեցավ` Արցախյան պատերազմների ժամանակ զոհված զինծառայողների հիշատակին նվիրված հուշաքարի բացման միջոցառում։ Միջոցառմանը մասնակցում էին Վայոց ձորի մարզպետ Արարատ Գրիգորյանը, Արենի համայնքի ղեկավար Հուսիկ Սահակյանը, Աղավնաձորի բնակիչներ, զինվորականներ և բազմաթիվ հյուրեր։ Հուշաքարը տեղադրվել է գործարար և բարերար Շահեն Արմենի Հակոբջանյանի ու նրա ընտանիքի նախաձեռնությամբ և ֆինանսավորմամբ։
Փա՛ռք մեր հերոսներին 27.09.2021
Արդեն մեկ տարի է անցել, ինչ հայ զինվորը ամբողջ աշխարհի և մեր սերունդների համար նորովին սահմանեց հայրենիքի հանդեպ սիրո, հերոսության և վճռականության արժեքները: Նա չբարձրաձայնեց իր խիզախության և քաջագործությունների մասին, այլ թույլ տվեց, որ իր գործերը խոսեն ամեն ինչից առավել: Մեր զինվորների հերոսությունների և հայրենասիրության մասին բարձրաձայնում ենք մենք՝ մեր սերունդների դաստիարակությամբ, մեր ամենօրյա աշխատանքով և մեր գործերով: Հայ զինվորն ապացուցեց, որ անհնար է հաղթել մի ազգի, ով ուզում է ապրել, ով գիտի գնահատել խաղաղությունը, քանի որ երբեք չի մոռանում այն գինը, որը վճարել է այդ խաղաղության համար: Այսօր մեր հերթն է ապացուցել, որ շարունակում ենք այն գործը, որին նրանք հավատացել են՝ ապահովելով գալիք սերունդների արժանապատիվ ու խաղաղ ապագան: Մենք դա անում ենք ոչ թե պարզապես մեկ րոպե լռությամբ, այլ հզորացնելով մեր հայրենիքը և ամրապնդելով մեզ փոխանցած խաղաղությունը:
ՀՀ Վայոց ձորի մարզպետարանի անձնակազմը՝ մարզպետ Արարատ Գրիգորյանի գլխավորությամբ, սեպտեմբերի 27-ին ծաղիկներ է խոնարհել Արցախյան 44-օրյա արյունալի հակամարտության նահատակների հիշատակին։ Ներկաներին ուղղված իր խոսքում մարզպետ Արարատ Գրիգորյանը նշել է․ ։ Այնուհետև Եղեգնաձորի Սուրբ Աստվածածին եկեղեցում մատուցվել է 44-օրյա պատերազմի մասնակից զինվորների հիշատակին նվիրված պատարագ։
