Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ քաղաքացիների նոյեմբեր ամսվա ընդունելությունը 09.11.2012
ՀՀ Վայոց ձորի մարզպետ Էդգար Ղազարյանը քաղաքացիների հերթական ընդունելություն կատարեց Վայքի քաղաքապետարանում` նոյեմբերի 8-ին, Վայոց ձորի մարզպետարանում` նոյեմբերի 9-ին: Վայքում ընդունելության էին եկել 35 քաղաքացիներ, որոնցից 21-ը` դրամական օգնության խնդրանքով, 3-ը` աշխատանքի տեղավորման, 11-ը` վառելիքի ձեռք բերման հարցերով: Եղեգնաձորում` 64 քաղաքացիներ, որոնցից 35-ը` դրամական օգնության խնդրանքով, 4-ը` շենք-շինության և հողի , 22-ը` վառելիքի ձեռք բերման, 3-ը` աշխատանքի տեղավորման հարցերով:
ՀՀ Վայոց ձորի մարզպետը Հայաստանում ԱՄՆ դեսպանատնից հետևել է ԱՄՆ նախագահի ընտրությունների ընթացքին 08.11.2012
ՀՀ Վայոց ձորի մարզպետ Էդգար Ղազարյանը, որպես Հայաստանում ԱՄՆ շրջանավարտների ասոցացիայի անդամ, նոյեմբերի 7-ին մասնակցել է ԱՄՆ դեսպան Հեֆերնի ու դեսպանատան աշխատակիցների հետ ԱՄՆ ընտրությունների առիթով դեսպանատանը կազմակերպված նախաճաշին, որին մասնակցել են ուսանողներ, քաղաքացիական հասարակության ներկայացուցիչներ, դասախոսներ, պետական պաշտոնյաներ և ԶԼՄ-ների ներկայացուցիչներ:
Շարունակվում են <Գրից մինչև գիրք> խորագրով միջոցառումները մարզի դպրոցներում 08.11.2012
Երեկ ՀՀ Վայոց ձորի մարզպետի տեղակալ Սամվել Թարվերդյանի և Եղեգնաձորի Սուրբ Աստվածածին եկեղեկու քահանա տեր Վազգեն Հովհաննիսյանի մասնակցությամբ Եղեգնաձորի թիվ 2 հիմնական դպրոցում կայացավ գրական-երաժշտական միջոցառումը: Միջոցառումը նիրված էր Մեսրոպ Մաշտոցի ծննդյան 1650 և գրատպության 500 ամյա հոբելյաններին:
Նույնականացման քարտեր հատկացնելու վերաբերյալ ուսուցման սեմինարներ` Վայոց ձորի մարզում 07.11.2012
Համաձայն ՀՀ կառավարության 2012թ.-ի սեպտեմբերի 13-ի թիվ 1202-Ա որոշման 7-րդ կետի 3-րդ ենթակետի հանձնարարականի պահանջների` Վայոց ձորի մարզում նույնպես նախապատրաստական աշխատանքներ են տարվում մարզի տարածքում նույնականացման քարտեր /էլեկտրոնային ստորագրություններ/ հատկացնելու գործընթացի արդյունավետությունն ապահովելու ուղղությամբ: Այդ նպատակով նույն որոշման 2-րդ հավելվածով ձևավորվել է աշխատանքային խումբ: Մարզպետարանի աշխատակազմի ֆինանսական և սոցիալ տնտեսական զարգացման վարչության գլխավոր մասնագետներ Անահիտ Սարգսյանը և Ռուզաննա Հախվերդյանը, ովքեր վերապատրաստվել են ուսումնական կենտրոնում, մշակել են ուսուցման սեմինարների մարզային ժամանակացույց:
ՀՀ Վայոց ձորի մարզպետը դասախոսությամբ հանդես է եկել Քաղաքական դասընթացների երևանյան դպրոցում 06.11.2012
Նոյեմբերի 2-4-ը Ծաղկաձորում տեղի է ունեցել Եվրոպայի Խորհրդի հովանու ներքո գործող Քաղաքական դասընթացների երևանյան դպրոցի 2012-2013 ուս.տարվա առաջին սեմինարը, որի թեման էր Եվրոպական ինտեգրացիան: Զեկույցներով հանդես են եկել Հայաստանում Լեհաստանի Հանրապետության արտակարգ և լիազոր դեսպան Ն.Գ. Զդիսլավ Ռաչինսկին, ՀՀ պաշտպանության նախարար Սեյրան Օհանյանը, ՀՀ արտաքին գործերի նախարարի տեղակալ Շավարշ Քոչարյանը, «Եվրոպական ինտեգրացիա» հասարակական կազմակերպության նախագահ, փորձագետ Կարեն Բեքարյանը, «Ամերիա» ընկերությունների խմբի զարգացման տնօրեն Տիգրան Ջրբաշյանը: Զեկույցների ավարտին մասնակիցները հնարավորություն ունեցել հարցադրումներ ներկայացնել բանախոսներին և ծավալվել է արդյունավետ քննարկում: Սեմինարին դասախոսությամբ հանդես է եկել ՀՀ Վայոց ձորի մարզպետ Էդգար Ղազարյանը:
Եղեգնաձորի ԲԿ ՓԲԸ-ի բժիշկները` Բերձորում 06.11.2012
Նախորդ շաբաթ ՀՀ մարզերի և ԱՀ վարչական շրջանների միջև համագործակցության շրջանակում Արցախի Հանրապետության Բերձորի շրջան են այցելել մասնագետներ` ակնաբույժ, Քիթ-կոկորդ-ականջաբան, Էնդոկրինոլոգ և նյարդաբան` ՓԲԸ-ի տնօրեն Անահիտ Կարապետյանի գլխավորությամբ: Բժիշկերն ընդունել են ընդհանուր թվով 74 հիվանդ անձանց, այդ թվում ակնաբույժին այցելել են 23, քիթ-կոկորդ-ականջաբանին` 15, Էնդոկրինոլոգին` 17, նյարդաբանին` 19 հիվանդ անձիք:
