Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2013թ. հուլիսի 16-ին ՀՀ Վայոց ձորի մարզպետ Էդգար Ղազարյանը մարզպետարանի աշխատակազմի քաղաքաշինության վարչության տրանսպորտի և ճանապարհաշինության պաժնի պետ Խաչիկ Ասլանյանի ուղեկցությամբ այցելեց Եղեգնաձորի և Վայքի ավտոկայաններ՝ ծանոթանալու աշխատանքային գործունեությանը, սակագներին և գործող երթուղիների չվացուցակներին՝ մարզի բնակչության ուղևորափոխադրումների սպասարկման որակը բարելավելու նպատակով:
ՀՀ Աշխատանքի և սոցիալական հարցերով նախարար Արտեմ Ասատրյանի աշխատանքային այցը Վայոց ձորի մարզ 19.07.2013
Ինտեգրված սոցիալական ծառայությունների տրամադրման համակարգի ներդրման ծրագիրը մարզում իրականացնելու համար հուլիսի 19-ին աշխատանքային այցով Վայոց ձորի մարզում էր ՀՀ Աշխատանքի և սոցիալական հարցերով նախարար Արտեմ Ասատրյանը: ՀՀ Վայոց ձորի մարզպետ Էդգար Ղազարյանի ուղեկցությամբ նախարարը եղավ Եղեգնաձոր և Վայք քաղաքներում, ուսումնասիրեց մարզում ինտեգրված սոցիալական ծառակություններ կազմակերպելու նպատակով հատկացվող շենքերի պայմանները: Հատկացված տարածքների պայմաններն արժանացան նախարարի հավանությանը: Հանդիպմանը մասնակցում էին Վայոց ձորի մարզպետարանի աշխատակազմի առողջապահության և սոցիալական ապահովության վարչության պետ Խաչիկ Գևորգյանը և պատասխանատու այլ անձիք:
Վայոց ձորի մարզպետը հանդիպիպում է ունեցել ԱՄՆ ՄԶԳ հայաստանյան առաքելության ղեկավար Կարեն Հիլարդի հետ 19.07.2013
Հուլիսի 18-ին աշխատանքային այցով Վայոց ձորի մարզում էր գտնվում ԱՄՆ ՄԶԳ հայաստանյան առաքելության ղեկավար տիկին Կարեն Հիլարդը` ԱՄՆ ՄԶԳ մի շարք աշխատակիցների ուղեկցությամբ: Տիկին Հիլարդը Արենիում այցելել է ՔԱՐԴ ամերիկյան կազմակերպության աջակցությամբ վերանորոգված գինու համտեսի սրահ: Այնուհետև նրա գլխավորած պատվիրակությունը ներկա է գտնվել Վայքի քաղաքապետի կիսամյակային հանրային հաշվետվությանը: Հաշվետվությունից հետո ՀՀ Վայոց ձորի մարզպետ Էդգար Ղազարյանը հանդիպել է ԱՄՆ ՄԶԳ հայաստանյան առաքելության ղեկավար Կարեն Հիլարդի հետ: Հանդիպմանը մասնակցել են ԱՄՆ ՄԶԳ մի շարք աշխատակիցներ և մարզպետի տեղակալ Արամ Գրիգորյանը: Քննարկվեցին Վայոց ձորի մարզում ԱՄՆ ՄԶԳ-ի հետ հետագա համագործակցության հարցեր:
ՀՀ-ում Հնդկաստանի արտակարգ և լիազոր դեսպան Սուրեշ Բաբուն՝ Վայոց ձորի մարզում 19.07.2013
Ս/թ հուլիսի 19-ին ՀՀ Վայոց ձորի մարզպետ Էդգար Ղազարյանը հյուրընկալել էր Հայաստանի Հանրապետությունում Հնդկաստանի արտակարգ և լիազոր դեսպան Սուրեշ Բաբուին: Մարզպետի մոտ տեղի ունեցած հանդիպման ընթացքում քննարկվեցին փոխադարձ հետաքրքրություն ներկայացնող մի շարք հարցեր: Այնուհետև դեսպանը մարզպետի տեղակալ Մելս Հարությունյանի ուղեկցությամբ այցելեց Եղեգնաձորի թիվ 1 հիմնական, Ջերմուկի թիվ 2 ավագ, թիվ 3 հիմնական, Վայքի թիվ 2 հիմնական և Գնդեվազի միջնակարգ դպրոցներ: Նշենք, որ 2014 թվականին դեսպանատունը ,,Հայաստան,, համահայկական հիմնադրամի հետ համատեղ Վայոց ձորի մարզի բոլոր դպրոցներում կիրականացնի համակարգիչներով հագեցած ինտերնետային դասարաներ ստեղծելու ծրագիր:
Այցելություն՝ Վայքի վերակառուցվող հյուրանոց 19.07.2013
ՀՀ Վայոց ձորի մարզպետ էդգար Ղազարյանն այցելեց Վայք քաղաքում վերակառուցվող նոր հյուրանոցի շինարարական հրապարակ, ծանոթացավ շինարարական և վերանորոգման աշխատանքների ընթացքին: Հյուրանոցի սեփականատերերը մտադիր են այն շահագործման հանձնել 2013 թվականի սեպտեմբերին: Հյուրանոցի շահագործումը լուրջ խթան կհանդիսանա մարզում զբոսաշրջության զարգացման համար:
Եղեգնաձորի մշակույթի կենտրոնի մանկա-պատանեկան թատերական ստուդիայի առաջին ներկայացումը 19.07.2013
2013թ. հուլիսի 18-ին իր անդրանիկ ներկայացումն ունեցավ Եղեգնաձորի մշակույթի կենտրոնի նորաստեղծ մանկապատանեկան թատրոն-ստուդիան: Դերասանները Եղեգնաձոր քաղաքի և հարակից համայնքների շնորհալի երեխաներ էին, իսկ ստուդիայի ղեկավարը, սցենարի հեղինակն ու բեմադրող ռեժիսորը՝ դերասան Մարիետա Սարգսյանը: Ներկայացվեց Հ.Թումանյանի հեքիաթների հիման վրա ստեղծված ,,Նազարը և Շաշաստանի բնակիչները,, պիեսը: Ներկայացման դերակատարներն էին՝ Քրիստինե Դավթյանը (Գյուլմար), Դավիթ Սարգսյանը (Նազար), Մհեր Մհերյանը (Կիկոս), Լիլիթ Մաթևոսյան (Հուռի): Թատերական խմբին մաղթենք հետագա ստեծագործական աշխատանք և հաջողություններ:
