Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետն ընտրվել է ՀՎՖ Վայոց ձորի մարզային մասնաճյուղի նախագահ 09.05.2014
2014 թվականի մայիսի 8-ին Եղեգնաձորում տեղի է ունեցել Հայաստանի վոլեյբոլի ֆեդերացիայի (ՀՎՖ) Վայոց ձորի մարզային մասնաճյուղի հիմնադիր նիստ, որին մասնակցում էին ՀՀ Վայոց ձորի մարզպետ Էդգար Ղազարյանը, Հայաստանի վոլեյբոլի ֆեդերացիայի ներկայացուցիչներ` ֆեդերացիայի գլխավոր քարտուղար Կարեն Ասմարյանի գլխավորությամբ, վոլեյբոլի մարզիչներ, մարզիկներ և մարզասերներ: Հիմնադիր նիստում ներկայացվեցին Վայոց ձորի մարզում վոլեյբոլի մասսայականացման, զարգացման հեռանկարներն ու ծրագրերը: Նիստի մասնակիցների կողմից ՀՀ Վայոց ձորի մարզպետ Էդգար Ղազարյանը միաձայն ընտրվեց Հայաստանի վոլեյբոլի ֆեդերացիայի Վայոց ձորի մարզային մասնաճյուղի նախագահ:
Աշխատանքային շրջայց Եղեգնաձոր քաղաքում 08.05.2014
ՀՀ Վայոց ձորի մարզպետ Էդգար Ղազարյանը Եղեգնաձորի քաղաքապետ Դավիթ Հարությունյանի, մարզպետարանի աշխատակազմի ճանապարհաշինության բաժնի պետ Խաչիկ Ասլանյանի, Եղեգնաձորի քաղաքապետի տեղակալ Վարդան Ավագյանի և Եղեգնաձոր քաղաքի գլխավոր ճարտարապետ Արմեն Աղաջանյանի ուղեկցությամբ աշխատանքային շրջայց կատարեց Եղեգնաձոր քաղաքում: Շրջայցի ընթացքում քննարկվեցին Եղեգնաձորի քաղաքապետի նախաձեռնությունները` կապված քաղաքի կենտրոնական հատվածներում բարեկարգման, տրանսպորտային միջոցների նոր, առավել հարմարավետ կայանատեղերի ստեղծման վերաբերյալ: Տեղում դիտարկումների արդյունքում միաժամանակ քննարկվեցին Եղեգնաձորի Շահումյան փողոցը և դրան հարակից տարածքները հանգստյան գոտու վերածելու ՀՀ Վայոց ձորի մարզպետարանի ծրագրերը և այլ հարցեր:
Ընթանում է վոլեյբոլի մարզային առաջնությունը 08.05.2014
Եղեգնաձորի մարզադպրոցի դահլիճում տեղի ունեցավ Խորհրդային Միության Հերոս Վահիկ Լևոնյանի անվան վոլեյբոլի մարզային առաջնության կիսաեզրափակիչ հանդիպումները: ՀՀ Վայոց ձորի մարզպետ Էդգար Ղազարյանը առաջնությանը մասնակցում է Հայաստանի պետական տնտեսագիտական համալսարանի թիմի կազմում, որը 0:3 հաշվով պարտվեց Եղեգնաձոր քաղաքի թիմին և 3-րդ տեղի համար պայքարում 2014 թվականի մայիսի 8-ին կմրցի Արփի համայնքի թիմի հետ: Նույն օրը եզրափակիչում իրենց ուժերը կչափեն Եղեգնաձոր քաղաքի և ՀՀ պաշտպանության նախարարության 4-րդ բանակային կորպուսի թիմերը:
ՀՀ Վայոց ձորի մարզի դատախազ Նաիրի Ավագյանի ՀՀ Վայոց ձորի մարզպետ Էդգար Ղազարյանին նախորդ շաբաթվա վերջին ուղղված հաղորդման հիման վրա 2014 թվականի մայիսի 6-ին ՀՀ Վայոց ձորի մարզպետարանում տեղի ունեցավ խորհրդակցություն` նվիրված որսագողության դեմ պայքարի խնդիրներին: ՀՀ Վայոց ձորի մարզպետ Էդգար Ղազարյանի նախագահությամբ խորհրդակցությանը մասնակցում էին ՀՀ Վայոց ձորի մարզի դատախազ Նաիրի Ավագյանը, մարզպետի տեղակալներ Սամվել Թարվերդյանն ու Արամ Գրիգորյանը, ՀՀ ոստիկանության, Ազգային անվտանգության ծառայության, բնապահպանական պետական տեսչության, > ՊՈԱԿ-ի ղեկավարները, մարզպետարանի ներկայացուցիչներ: Խորհրդակցության ընթացքում քննարկվել են որսագողերի համար մեծ հետաքրքրություն ներկայացնող Վայոց ձորում համապատասխան մարմինների կողմից բավարար կանխարգելիչ միջոցառումների իրականացման, իրավապահ մարմինների կողմից որսագողության դեպքերի արձանագրման և բացահայտմանն առնչվող հարցեր:
<<Կանաչ կիրակի>> Նորավանքի եկեղեցում 06.05.2014
Մայիսի 4-ին,Սուրբ Զատկին հաջորդող երկրորդ կիրակի օրը, Նորավանքում տեղի է ունեցել ավանդական >, որին մասնակցել է նաև ՀՀ Վայոց ձորի մարզպետ Էդգար Ղազարյանը: Նորավանքի եկեղեցում Վայոց ձորի թեմի Առաջնորդ Գերաշնորհ Տ. Աբրահամ արքեպիսկոպոս Մկրտչյանի հանդիսապետությամբ Վայոց ձորի թեմի փոխառաջնորդ Տ. Զարեհ վրդ. Կաբաղյանի կողմից մատուցվել է Սբ. Պատարագ: Օրհնության խոսքով հանդես է եկել Թեմակալ Առաջնորդ Տ. Աբրահամ արքեպիսկոպոս Մկրտչյանը, ողջույնի խոսքով՝ ՀՀ Վայոց ձորի մարզպետ Էդգար Ղազարյանը: Այնուհետև ՀՀ Վայոց ձորի մարզպետարանի և Հայ Առաքելական Սուրբ եկեղեցու Վայոց ձորի թեմի կողմից կազմակերպվել է ժողովրդական տոնախմբություն, որին մասնակցել են մարզում գործող երգի ու պարի գեղարվեստական խմբերի սաները: Միջոցառման շրջանակում կազմակերպվել է նաև > խորագրով նկարների ցուցահանդես՝ Եղեգնաձորի գեղարվեստի դպրոցի սաների ուժերով: Տոնախմբության ակտիվ մասնակիցներն արժանացել են Թեմակալ Առաջնորդի պատվոգրերին: Հայաստանյայց Առաքելական Սուրբ Եկեղեցին Քրիստոսի Հարության երրորդ կիրակին անվանում է Աշխարհամատրան՝ ի հիշատակ Երուսաղեմի առաջին եկեղեցու հիմնադրման: Այն անվանում են նաև Կանաչ կիրակի: Այդ օրը նաև Նորավանքի ուխտի օրն է:
ՀՀ Վայոց ձորի մարզպետի հանդիպումը լրագրողների հետ 06.05.2014
ՀՀ Վայոց ձորի մարզպետ Էդգար Ղազարյանը ս/թ մայիսի 6-ին ՀՀ Վայոց ձորի մարզպետարանի նիստերի դահլիճում հանդիպում է ունեցել մի շարք լրատվամիջոցների ներկայացուցիչների հետ: Հանդիպումը կազմակերպել էր People in need կազմակերպության Հայաստանյան ներկայացուցչության մամլո պատասխանատու Լիանա Գյոզալյանը՝ > միջոցառման շրջանակում: Հանդիպման սկզբում մարզպետը ողջունեց լրագրողներին Վայոց ձոր այցելության համար և շնորհակալություն հայտնեց կազմակերպիչներին: Հայաստանյան լրատվամիջոցների մեկ տասնյակից ավելի լրագրողներ իրենց հարցերն ուղղեցին մարզպետ Էդգար Ղազարյանին, որոնք վերաբերում էին մարզի տնտեսության ամենատարբեր ոլորտներին՝ գյուղատնտեսություն, անասնապահություն, գինու արտադրություն, սոցիալական վիճակ, առողջարանային բուժում, տուրիզմ և այլ ոլորտներ: Լրագրողներին հետաքրքրում էր նաև Ամուլսարի ոսկու հանքի շահագործման ընթացքում շրջակա միջավայրի վրա ազդեցության խնդիրները և դրանց ուղղությամբ մարզում տարվող աշխատանքները: Առանձնապես հետաքրքրում էր հանքի ծահագործման ազդեցությունը Ջերմուկ առողջարանային քաղաքի և մերձակա միջավայրի վրա: Մարզպետը նշեց, որ հաշվարկվել և մշակվել է գործողությունների ծրագիր, որպեսզի հանքի շահագործումից հետո ապահովվի առավել նվազ բացասական ազդեցություն շրջակա միջավայրի վրա: Լրագրողների հետաքրքրության շրջանակում էր նա մարզում աղքատության և արտագաղթի հետ կապված խնդիրները, որոնց ի պատասխան Էդգար Ղազարյանը նշեց , որ աղքատության ցուցանիշը Վայոց ձորի մարզում ՀՀ մյուս մարզերի համեմատ բավականին ցածր է, իսկ արտագաղթը, որպես այդպիսին մասամբ կրում է ժամանակավոր բնույթ՝ արտագնա աշխատանք և վերադարձ:
