Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Հայաստանի գրողների միության նախագահի հետ 22.04.2014
Այսօր Վայոց ձորի մարզպետարանի նիստերի դահլիճում հանդիպում կայացավ Հայաստանի գրողների միության նախագահ Էդվարդ Միլիտոնյանի հետ: Հանդիպումը վարում էր ՀՀ Վայոց ձորի մարզպետի տեղակալ Մելս Հարությունյանը: Հանդիպմանը ներկա էին մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը, նույն վարչության մշակույթի և սպորտի հարցերի պատասխանատու Աղասի Հովհաննիսյանը: Հանդիպմանը մասնակցում էին Հայաստանի գրողների միության Վայոց ձորի բաժանմունքի ղեկավար Ֆոլիկ Հակոբյանը, բաժանմունքի անդամներ, մարզի ստեղծագործողներ: Էդվարդ Միլիտոնյանը ներկայացրեց գրողների միության մարզային ծրագրերը և առաջիկա անելիքները: Տեղի ունեցավ մտքերի փոխանակություն: Մարզային ստեղծագործողներն իրենց հետաքրքրող հարցերն ուղղեցին գրողների միության նախագահին:
Մարզային միջոցառումներ նվիրված Հայոց ցեղասպանության զոհերի հիշատակին 22.04.2014
Հայոց ցեղասպանության 99-րդ տարելիցի կապակցությամբ ապրիլի 23-ին և 24-ին ՀՀ Վայոց ձորի մարզում կազմակերպվելու են մի շարք միջոցառումներ: 23-ին ջահերով ավանդական երթ տեղի կունենա Եղեգնաձորի ամֆիթատրոնից դեպի Հայոց ցեղասպանության զոհերի հիշատակը հավերժացնող հուշակոթող: Իսկ մինչ երթը Մարզային երիտասարդական կենտրոնում կկազմակերպվի > փաստավավերագրական ֆիլմի դիտումը այնուհետ՝ համայն հայության պահաջատիրական պայքարի շարունակականության, արդարության վերականգման, Հայոց Ցեղասպանության միջազգային ճանչման ու դատապարտման թեմաներով քննարկում՝ Վայոց Ձորի թեմի Եղեգնաձորի Սբ. Աստվածածին եկեղեցու հոգևոր հովիվ, Տեր Վազգեն քահանա Հովհաննիսյանի մասնակցությամբ: Ապրիլի 23-ին միջոցառումներ են կազմակերպվելու նաև մարզի Վայք և Ջերմուկ քաղաքային համայնքներում, կրթական հաստատություններում: Իսկ ապրիլի 24-ին մարզի քաղաքային և խոշոր գյուղական համայնքներում կկազմակերպվեն երթ-պսակադրություններ՝ ծաղիկներ խոնարհելու Հայոց եղեռնի անմեղ զոհերի անմար հիշատակը հավերժող հուշակոթողներին: Մարզի գործող եկեղեցիներում կմատուցվի պատարագ՝ ի խնկարկումն ու ի հիշատակ նահատակների անթաղ կամ վերջին հանգրվանը գտած շիրիմների և նրանց հոգու հանգստության համար:
Աշխատանքային քննարկում նվիրված համայնքների խոշորացման սկզբունքներին և հիմնախնդիրներին 18.04.2014
ՀՀ Վայոց ձորի մարզպետարանում մարզպետ Էդգար Ղազարյանի և ՀՀ ՏԿ նախարարի առաջին տեղակալ Վաչե Տերտերյանի մասնակցությամբ ս/թ ապրիլի 18-ին կայացած աշխատանքային հանդիպմանը քննարկվեցին համայնքների խոշորացման մոտեցումներն ու սկզբունքները և ներկայացվեցին գործընթացի հետ կապված հիմնախնդիրները: Աշխատանքային հանդիպմանը մասնակցում էին ՀՀ ՏԿՆ աշխատակազմի տեղական ինքնակառավարման վարչության պետ Աշոտ Գիլոյանը, Հայաստանի համայնքների ֆինանսիստների միության նախագահ, ծրագրի փորձագետ Վահան Մովսիսյանը, ՀՀ Վայոց ձորի մարզպետի տեղակալներ Սամվել Թարվերդյանը, Արամ Գրիգորյանը, մարզպետարանի աշխատակազմի ՏԻ և ՀԳՄ վարչության պետ Նորայր Սիմոնյանը: Քննարկման աշխատանքներին մասնակցում էին Զառիթափի տարածաշրջանի Ջերմուկ, Գնդեվազ, Գոմք, Սարավան, Արտավան, Զառիթափ, Մարտիրոս, Սերս, Բարձրունի, Նոր Ազնաբերդ և Խնձորուտ համայնքների ղեկավարները և նշված համայնքների ավագանու անդամներ:
Հովիկ Աբրահամյանը խորհրդակցություն է անցկացրել մարզպետների հետ 17.04.2014
Ապրիլի 16-ին վարչապետ Հովիկ Աբրահամյանի մոտ տեղի է ունեցել մարզերի խնդիրներին նվիրված խորհրդակցություն: Կառավարության ղեկավարը նշել է, որ մեծ ակնկալիք ունի մարզպետներից՝ կառավարության տարբեր ծրագրեր հաջողությամբ իրականացնելու գործում: >,- դիմելով մարզպետներին՝ ասել է Հովիկ Աբրահամյանը: ՀՀ փոխվարչապետ, տարածքային կառավարման նախարարի պաշտոնակատար Արմեն Գևորգյանը վարչապետին է զեկուցել ՀՀ կառավարության կողմից մարզերում իրականացվող ծրագրերի մասին: Մասնավորապես, մանրամասն ներկայացվել են 2014 թվականի մարտին ցրտահարությունից տուժած գյուղացիական տնտեսություններին ցուցաբերվող աջակցության ծրագրերը: Շեշտվել է, որ կառավարության օժանդակության ծրագրերից օգտվող տնտեսությունների ցուցակներն առաջիկայում պետք է հրապարակվեն մարզպետարանների կայքէջերում: Հովիկ Աբրահամյանը հանձնարարել է մարզպետներին մանրամասն ուսումնասիրել տնտեսությունների կրած վնասը՝ անհատական կարգով օժանդակություն ցուցաբերելու համար: Վարչապետին տեղեկացվել է նաև, որ ընթացիկ տարում բոլոր մարզերում տեղադրվել են 80 հակակարկտային կայաններ, որոնք գործելու են Արտակարգ իրավիճակների նախարարության միասնական կառավարման համակարգի ներքո:
Մեկնարկել է տեղական ինքնակառավարման մարմինների վերապատրաստման գործընթացը 17.04.2014
ՀՀ Վայոց ձորի մարզում մեկնարկել է տեղական ինքնակառավարման մարմինների վերապատրաստման գործընթացը: Դասընթացի բացման խոսքով հանդես է եկել ՀՀ Վայոց ձորի մարզպետ Էդգար Ղազարյանը: Մարզպետը ողջունել է մասնակիցներին և կարևորել դասընթացը, նշելով որ տեղական ինքնակառավարման մարմիններում կարող են ընտրվել տարբեր կրթական ցենզ և մասնագիտություն ունեցող անձիք, ովքեր ՏԻՄ կառավարման և գործունեություն ծավալելուն վերաբերվող օրենքների դրույթներին կարող են ծանոթանալ նման վերապատրաստումների ընթացքում: Վերապատրաստումն անց են կացնում ՀՀ Վայոց ձորի մարզպետարանի աշխատակազմի ՏԻ և ՀԳՄ հարցերի վարչության պետի տեղակալ Աղվան Հարությունյանը ու ֆինանսական և սոցիալ-տնտեսական զարգացման վարչության պետ Ռազմիկ Հայրապետյանը: Վերապատրաստմանը մասնակցում են Արտավան, Գնդեվազ, Զեդեա, Թառաթումբ, Խաչիկ, Հերհեր, Հերմոն, Հորս, Սերս և Փոռ համայնքների ղեկավարները և ավագանու անդամներ:
ՀՀ Վայոց ձորի մարզպետի ուղերձը <<Ոստիկանության օր>> տոնի կապակցությամբ 16.04.2014
Ոստիկանության պարոնայք գեներալներ, սպաներ, ոստիկանության հարգելի ծառայողներ, Սրտանց շնորհավորում եմ բոլորիդ մասնագիտական տոնի առիթով: Մաղթում եմ խաղաղ ու անվտանգ ծառայություն: Այս տարի ՀՀ ոստիկանությունը նշում է համակարգի կազմավորման 96-րդ տարեդարձը: Ոստիկանությունը պետական կառավարման համակարգի կարևորագույն ինստիտուտներից մեկն է: Ոստիկանության շնորհիվ է, որ ՀՀ կառավարությունը կարողանում է ապահովել Սահմանադրությամբ իրեն վերապահված մի շարք կարևորագույն գործառույթներ՝ հասարակական կարգի պահպանությունը, ներքին անվտանգության ապահովումը, քաղաքացիների և տնտեսվարող սուբյեկտների իրավունքների, շահերի, գույքի, ունեցվածքի պահպանումը: Հասարակական կյանքը դժվար է պատկերացնել առանց ոստիկանության ծառայության, քանզի հանրային մեծ թե փոքր յուրաքանչյուր միջոցառման ժամանակ մենք տեսնում ենք լուռ, հանգիստ, սակայն զգոն ու պատասխանատու իրենց ծառայությունն իրականացնող ոստիկաններին: Հարգելիներս, մասնագիտական տոնի կապակցությամբ կրկին շնորհավորում եմ Ձեզ: Մաղթում եմ Ձեր ընտանիքներին անձնական և ընտանեկան երջանկություն, իսկ ծառայության մեջ պետական պարգևի արժանի հաջողություններ՝ ի շահ Հայաստանի Հանրապետության և ի բարօրություն Հայաստանի Հանրապետության ժողովրդի:
