Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուլիսի 19-ին ՀՀ Վայոց ձորի մարզպետի աշխատակազմում «Հայաստանի 8 մարզերի կոշտ թոփոնների կառավարման շրջանակային ուսումնասիրություն» ծրագրի շրջանակներում տեղի ունեցավ հանդիպում-քննարկում Վայոց ձորի փոխմարզպետ Դավիթ Սարգսյանի, գյուղատնտեսության և շրջակա միջավայրի վարչության պետ Գեղամ Մարգարյանի, «Ջինջ» ՍՊԸ-ի ծրագրերի համակարգող Հայկ Գրիգորյանի, ծրագրի հիդրոլոգ Արտաշես Աղինյանի, համայնքներում աղբահանությունը համակարգող անձանց և ՀՈԱԿ-ների տնօրենների մասնակցությամբ։
|Շարունակվում է ամառային զորակոչը 20.07.2023
Այսօր Վայոց ձորի մարզում նորակոչիկների հերթական խումբն էր մեկնում ժամկետային զինծառայության։ Նրանց ճանապարհելու արարողությանը ներկա էին ՀՀ Վայոց ձորի փոխմարզպետ Դավիթ Սարգսյանը, զինվորականներ, ուժային կառույցների ղեկավարներ, ծնողներ, հարազատներ, ընկերներ։ Բարձրաստիճան այրերը բարեմաղթանքի խոսքեր հղեցին նորակոչիկներին՝ ցանկանալով, որ տղաներն ամենայն պատասխանատվությամբ և բարձր գիտակցությամբ կատարեն հայրենիքի առջև իրենց պարտքը։ Օրհնության կարգ կատարեց քահանան։ Խաղաղ երկնքի ներքո բարի ծառայություն հայկական բանակի բոլոր զինվորներին․․․
Հուլիսի 14-ին ՀՀ Վայոց ձորի մարզպետի տեղակալ Դավիթ Սարգսյանն ընդունել է Հայաստանում ՄԱԿ-ի մշտական համակարգողի պաշտոնակատար Նիլս Սքոթին և նրա գլխավորած պատվիրակության անդամներին։ Ողջունելով հյուրերին՝ մարզպետի տեղակալը շնորհակալություն հայտնեց Վայոց ձորի մարզի նկատմամբ ցուցաբերած ուշադրության համար՝ ընդգծելով մարզի տարածքում ՄԱԿ-ի մասնագիտացված գործակալությունների աջակցությամբ տարբեր ուղղություններով իրականացվող բազմաթիվ ծրագրերի արդյունավետությունը՝ ուղղված մարզի բնակիչների կյանքի որակի և հնարավորությունների շարունակական բարելավմանը։
Վերապատրաստման դասընթացներ բուժաշխատողների, անվճար հետազոտություններ երեխաների համար 16.07.2023
Հուլիսի 14-ին «Ուիգմոր հիվանդանոց երեխաների համար» բժշկական կենտրոնի և ՀՀ Առողջապահության ազգային ինստիտուտի համատեղ ծրագրի շրջանակներում Եղեգնաձորի բժշկական կենտրոնում «Ուիգմոր հիվանդանոց երեխաների համար» բժշկական կենտրոնի մանկական նեղ մասնագետները /օրթոպեդ, նյարդաբան, վիրաբույժ, էնդոկրինոլոգ/ զննեցին նախապես գրանցված երեխաներին, խնդիրները քննարկեցին տեղի բժիշկների հետ, տրամադրեցին համապատասխան խորհրդատվություն, այնուհետև անցկացրեցին դասընթաց:
Իրազեկում 14.07.2023
Հարգելի՛ քաղաքացիներ, տեղեկացնում ենք, որ օգոստոս-սեպտեմբեր ամիսներին անտառամերձ համայնքների բնակչությանը տրամադրվելու է թափուկ վառելափայտ։ > ՀՀ շրջակա միջավայրի նախարարի 2022 թվականի դեկտեմբերի 1-ի №419-Ն և ՀՀ տարածքային կառավարման և ենթակառուցվածքների նախարարի 2022 թվականի դեկտեմբերի 5-ի №23-Ն համատեղ հրամանով հաստատված ցանկում ներառված Վայոց ձորի համայնքների/բնակավայրերի ցանկին կարող եք ծանոթանալ այս հղումով։ Գործընթացի հետ կապված մանրամասներին տեղեկանալու համար հարկ է դիմել համայնքապետարաններին։
Աշխատանքային այցով Վայոց ձորի մարզում էր գտնվում ՀՀ շրջակա միջավայրի նախարար Հակոբ Սիմիդյանը 13.07.2023
Հուլիսի 12-ին ՀՀ շրջակա միջավայրի նախարար Հակոբ Սիմիդյանն աշխատանքային այցով գտնվում էր Վայոց ձորի մարզում։ ՀՀ Վայոց ձորի մարզպետի տեղակալ Դավիթ Սարգսյանի ուղեկցությամբ նախարարը և մարդ-վայրի բնություն կոնֆլիկտի հիմնահարցերով զբաղվող աշխատանքային խմբի անդամներն այցելել են Եղեգիս համայնքի Շատին բնակավայր՝ արջերի կողմից տնային տնտեսություններին հասցված վնասներին տեղում ծանոթանալու և բնակիչների հետ ստեղծված իրավիճակը քննարկելու նպատակով։
