Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գյումրիի Տեղեկատվական Տեխնոլոգիաների Կենտրոնը արդեն 8 ամիս է Վայոց ձորում կազմակերպում է ծրագրավորման դասընթացներ հետևյալ ուղղություններով՝ -Մոբայլ ծրագրավորում -Վեբ ծրագրավորում Ավարտական միջոցառումը տեղի կունենա հունվարի 25-ին, ժամը 12։00, ՀՀ Վայոց ձորի մարզպետարանի հանդիպումների մեծ դահլիճում։
Հունվարի 14-ին ՀՀ Վայոց ձորի մարզպետ Արարատ Գրիգորյանի մասնակցությամբ տեղի ունեցավ Վայոց ձորում տեղական արտադրության մսամթերքի վաճառքը կազմակերպելու նպատակով կիրառվելք սպանդանոցային մորթի կազմակերպման գործընթացին վերաբերող հարցերի քննարկումը: Մարզպետարանի նիստերի դահլիճում կայացած հանդիպմանը մասնակցում էին ՀՀ սննդի տեսչական մարմնի Վայոց ձորի մարզային կենտրոնի պետ Հովիկ Ավագյանը, մարզպետարանի գյուղատնտեսության և բնապահպանության վարչության պետի պաշտոնակար Գեղամ Մարգարյանը մարզի համայնքների ղեկավարները և անասնաբուժները: Հովիկ Ավագյանը տեղեկացրեց, որ 2020 թվականի հունվարի 15-ից պարտադիր պայման է՝ ՀՀ-ում իրացնել միմիայն սպանդանոցային ծագման մսամթերք: Նա նշեց, որ այն բխում է 2018 թվականի փետրվարի 15-ին ՀՀ կառավարության կողմից ընդունած N142-Ն որոշման պահանջից: Քննարկվեցին գործընթացի կազմակերպմանն առնչվող մի շարք հարցեր:
ՀՀ Վայոց ձորի մարզպետի մոտ կայացավ 2020 թվականի առաջին աշխատանքային խորհրդակցությունը 14.01.2020
Հունվարի 13-ին ՀՀ Վայոց ձորի մարզպետ Արարատ Գրիգորյանի մոտ կայացավ հերթական աշխատանքային խորհրդակցությունը, որին մասնակցում էին մարզպետի խորհրդականները, մարզպետի օգնականը, մարզպետարանի գլխավոր քարտուղարը և ստորաբաժանումների ղեկավարները: Խորհրդակցությունը նվիրված էր մարզպետարանի ստորաբաժանումների և ողջ անձնակազմի 2019 թվականի գործունեության և անցած տարվա ընթացքում կատարած աշխատանքների վերաբերյալ հաշվետվությունների ամփոփմանը, ինչպես նաև 2020 թվականի ծրագրերին: Մարզպետարանի բոլոր ստորաբաժանումների ղեկավարները ներկայացրին ստորաբաժանմանը վերապահված գործառույթների շրջանակում 2019 թվականի ընթացքում կատարած աշխատանքները և 2020-ի ծրագրերը: Մարզպետ Արարատ Գրիգորյանն առանձին-առանձին անդրադարձավ յուրաքանչյուր ստորաբաժանման հաշվետվությանը, արտահայտեց իր նկատառումները և պահանջեց հաշվետվությունները ներկայացնել անհրաժեշտ խմբագրումներով: Մարզպետը հանձնարարեց 2019 թ. նոր հաշվետվություններում ներառել իր կողմից հնչեցրած հարցերին վերաբերող փաստական և մանրամասն տվյալներ, իսկ 2020 թվականի
ՀՀ Վայոց ձորի մարզպետ Արարատ Գրիգորյանի մոտ կայացել է աշխատանքային քննարկում 14.01.2020
Նախորդ շաբաթ ՀՀ Վայոց ձորի մարզպետ Արարատ Գրիգորյանի մոտ կայացել է աշխատանքային քննարկում, որին մասնակցել են մարզպետարանի գյուղատնտեսության և բնապահպանության վարչության պետի պաշտոնակատար Գեղամ Մարգարյանը, մարզի համայնքների և բնակավայրերի անասնաբուժները: Քննարկվել են մարզում անասնապահության զարգացման հնարավորությունները և զարգացմանը նպաստող պայմանները: Մարզպետ Արարատ Գրիգորյանն ամփոփիչ խոսքում կարևորել է Վայոց ձորի մարզի անասնապահության բնագավառի զարգացման գործում անասնաբուժների կատարած աշխատանքը և նրանց հավաստիացրել, որ բարձրացված հարցերը կքննարկեն համայնքների ղեկավարների հետ առաջիկայում կազմակերպվելիք համատեղ հանդիպման ընթացքում, և կլսեն նաև համայնքների ղեկավարների կարծիքները քննարկվող հարցերի վերաբերյալ:
Հունվարի 14-ին ՀՀ Վայոց ձորի մարզպետ Արարատ Գրիգորյանը հյուրընկալել է Եղեգնաձորի վետերանների խորհրդի նախագահ Սարգիս Հարությունյանին: Արարատ Գրիգորյանը ողջունել է Հայրենական մեծ պատերազմի մասնակից, վետերան Սարգիս Հարությունյանին, հետաքրքրվել վետերանի առօրյայով և խորհրդի գործունեությամբ: Սարգիս Հարությունյանը վետերանների խորհրդի գործունեության և անդամների մասին հակիրճ տեղեկություն է ներկայացրել, հուշեր պատմել Մեծ հայրենականի տարիներին իր ծառայության հիշարժան դրվագներից: Զրույցի ժամանակ մարզպետը նշել է, որ իր համար կարևոր է վետերանների հանդեպ սերունդների հոգատար ու հարգալից վերաբերմումքը, որպես նրանց վաստակած պատվի ու հարգանքի արժանի պատասխան և հավաստել, որ հաճելի է վետերան Սարգիս Հարությունյանի և Վայոց ձորում բնակվող ցանկացած վետերանի հետ հանդիպելը, զրուցելը, նրանց կյանքի պատմությանը ծանոթանալը:
Հունվարի 12- ին ՀՀ Վայոց ձորի մարզպետ Արարատ Գրիգորյանը մարզպետարանի աշխատակից Նարեկ Մարտիրոսյանի և Արենի համայնքի ղեկավար Հուսիկ Սահակյանի ուղեկցությամբ այցելել է Արենի համայնքի սահմանապահ Խաչիկ բնակավայր: Մարզպետ Արարատ Գրիգորյանը մասնակցել է Խաչիկի Սուրբ Աստվածածին եկեղեցում տեղի ունեցած Սբ. Պատարագի և գյուղի զորամասում տեղի ունեցած Ջրօրհնեքի արարողություններին: Միջոցառումներին մասնակցել են Արենիի համայնքապետարանի աշխատակիցներ, Խաչիկի բնակիչներ և զինվորականներ: Ջրօրհնեքի Խաչքավորը եղել է աղավնաձորցի գործարար Նորիկ Հակոբջանյանը։ Եկեղեցում և զորամասում կատարված եկեղեցական կարգերից հետո գյուղի կենտրոնում մատաղ է մատուցվել՝ համայնքի ղեկավարի հովանավորությամբ:
