Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հունվարի 29-ին ՀՀ Վայոց ձորի մարզպետ Արարատ Գրիգորյանը երկրորդ անգամ հյուրընկալել է Հայրենական մեծ պատերազմի մասնակից, Եղեգնաձորի վետերանների խորհրդի նախագահ Սարգիս Հարությունյանին և նրան շնորհավորել ծննդյան 94-րդ տարեդարձի առթիվ: Հանդիպմանը մասնակցել է նաև մարզպետարանի առողջապահության և սոցիալական ապահովության վարչության պետի պաշտոնակատար Վասիլ Ասլանյանը: Հանդիպման ընթացքում Արարատ Գրիգորյանն առիթն օգտագործելով, Սարգիս Հարությունյանին պարգևատրել է շնորհակալագրով՝ հայրենիքին մատուցած ծառայությունների և ազգանվեր գործունեության համար: Զրույցի ընթացքում մարզպետն անդրադարձել է
Վայոց ձորում շարունակվում են Հայոց բանակի կազմավորման 28 ամյակին նվիրված տոնական միջոցառումները 31.01.2020
Հունվարի 30-ին Եղեգնաձորի երաժշտական դպրոցի ֆիլիպ Բալոյանի անվան համերգային դահլիճում դպրոցի սաների ուժերով կայացավ տոնական համերգ` նվիրված Հայոց բանակի կազմավորման 28 ամյակին: Միջոցառմանը ներկա էին ՀՀ Վայոց ձորի մարզպետարանի ներկայացուցիչներ, զինվորականներ, ծնողներ և դպրոցականներ: Հնչեցին գործիքային և վոկալ կատարումներ: Համերգն ավարտվեց երաժշտական դպրոցի մանկական երգչախմբի կողմից Հայոց բանակին նվիրված երգերի կատարումներով: Միջոցառման ավարտին ներկաներին ուղղված շնորհավորանքի և համերգային ծրագրին մասնակից աշակերտներին շնորհակալության խոսքեր ասացին դպրոցի տնօրեն Մարո Սիմոնյանը և Վայոց ձորի մարզպետարանի աշխատակից Սոնա Մարգարյանը:
Վայոց ձորում մեկնարկել է դպրոցականների առարկայական օլիմպիադայի մարզային փուլը 29.01.2020
ՀՀ Վայոց ձորի մարզպետարանի կրթության, մշակույթի և սպորտի վարչությունից տեղեկացնում են, որ Վայոց ձորում մեկնարկել է դպրոցականների առարկայական օլիմպիադայի մարզային փուլը: ՀՀ Վայոց ձորի մարզպետ Արարատ Գրիգորյանի որոշմամբ հաստատվել է օլիմպիադայի կազմկոմիտեի և առարկայական հանձնաժողովների կազմը: Օլիմպիադայի արդյունքների մասին առարկայական հանձնաժողովների տրամադրած տեղեկանքները կտեղադրվեն մարզպետարանի պաշտոնական կայք էջում: Ներկայացնում ենք օլիմպիադայի անցկացման ժամանակացույցը:
ՀՀ Վայոց ձորի մարզպետ Արարատ Գրիգորյանի ուղերձը Բանակի օրվա առթիվ 28.01.2020
Սիրելի վայոցձորցիներ, Ջերմորեն շնորհավորում եմ բոլորիս հունվարի 28-ի՝ Բանակի օրվա կապակցությամբ: Բանակի օրվան սիրով ու հպարտության բարձր զգացումով ենք սպասում, որովհետև մեր հաղթանակած ազգային բանակը բոլորիս է հարազատ: Հայոց բանակի շարքերում զինվորական պարտադիր ծառայություն են անցնում յուրաքանչյուրիս ընտանիքի զորակոչային տարիքի զավակները: Հայկական ամեն մի ընտանիք հոգեպես և մի անտեսանելի կապով է կապված Հայոց բանակին, որի հաջողությունները ամենքինս է, իսկ դժվարությունները կիսում ենք ազգովի: Բանակն է մեր երկրի խաղաղության երաշխավորը: Բացառիկ է Հայոց բանակի դերը Հայաստանի Հանրապետության և Արցախի Հանրապետության սահմանների պաշտպանության, խաղաղաղության ապահովման և ապագայի կերտման գործում: Հարգելինե՛րս, հիրավի, այսօր բոլորս վայելում ենք խաղաղության արդյունքը՝ ապրում և արարում ենք ի շահ մեր երկրի և ի բարօրություն մեր ընտանիքների: Փառք ու պատիվ Արցախյան ազատամարտի բոլոր մասնակիցներին: Բարի հիշատակ ազատամարտում զոհված մեր քույր-եղբայրներին: Սիրելի՛ հայրենակիցներ,
Հունվարի 25-ին Վայոց ձորի մարզպետարանում կայացավ GITC Vayots Dzor Տեղեկատվական Տեխնոլոգիաների կենտրոնի ուսանողների ավարտական աշխատանքների ամփոփումը և շրջանավարտների ավարտական վկայականների հանձնումը: GITC Կենտրոնը Ձեռնարկությունների ինկուբատոր հիմնադրամի լավագույնս հաջողված ծրագրերից մեկն է: Միջոցառման մասնակիցներին բացման խոսքով ողջունեց GITC գործադիր տնօրեն Ամալյա Եղոյանը, հատուկ առանձնացնելով մարզերում ՏՏ ոլորտի կայացման գործում նման ծրագրերի տարածումը: Նա հատուկ կարևորեց մարզերում ՏՏ ոլորտի զարգացման գործընթացում բարի կամքի դեսպան կարգված Մարիամ Փաշինյանի մասնակցությունը և բոլոր աշխատանքներում ակտիվ ներգրավվածությունը: Միջոցառման առաջին հատվածում ողջույնի խոսքով ելույթ ունեցավ նաև ՀՀ Վայոց ձորի մարզպետ Արարատ Գրիգորյանը՝ շնորհավորելով շրջանավարտներին և կարևորելով նրանց դերը մարզում ՏՏ ոլորտի զարգացման գործընթացում: Մարզպետը սիրով ողջունեց բոլոր ներկաներին ու հյուրերին և հույս հայտնեց՝ նրանց կրկին մարզում հյուընկալելու: Միջոցառման մասնակիցներին ողջունեց նաև Ձեռնարկությունների ինկուբատոր հիմնադրամի տնօրեն Բագրատ Ենգիբարյանը՝ նշելով, որ հատուկ մարզերի համար հիմնադրամը շուտով իրականացնելու է դրամաշնորհային նոր ծրագիր և հրավիրեց բոլոր ուսանողներին մասնակցելու այդ ծրագրերին: Ներկաներին սիրով ողջունեց նաև Դիջիթեյն ընկերության Բաց ինովացիաների և Մարքեթինգ հաբի մենեջեր Մարիամ Փաշինյանը, ով ևս
Հունվարի 22-ին և 23-ին ՀՀ Վայոց ձորի մարզի 51 անապահով ընտանիքներ բարեգործական հասարակական կազմակերպության կողմից ստացան սնունդ և առաջին անհրաժեշտության տնտեսական ապրանքներ: Օգնության փաթեթի ընդհանուր արժեքը կազմում է 40.000 դրամ։
