Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը Շրջակա միջավայրի նախարարությունում մասնակցել է խորհրդակցության, որի ժամանակ քննարկվել են Երևան քաղաքում և մարզերում համապետական ծառատունկը պատշաճ կազմակերպելու վերաբերյալ մի շարք օրակարգային հարցեր, գույքագրվել են բոլոր այն տարածքները, որտեղ կիրականացվի ծառատունկ, քննարկվել են մարդկային և տեխնիկական ռեսուրսի հավասարաչափ բաշխմանը վերաբերող հարցեր։ Շրջակա միջավայրի նախարարը ներկայացրել է «10 մլն ծառ» նախաձեռնության ընթացիկ իրավիճակը, ապա անդրադարձել այդ նախաձեռնության շրջանակում ապրիլի 25-ին նախատեսված համապետական ծառատունկին, հորդորել գործընկերներին անել հնարավորը՝ ծառատունկի աշխատանքներն առավելագույնս արդյունավետ իրականացնելու համար։
Աղասի Հովհաննիսյանը պարգևատրվել է ՀՀ ԿԳՄՍ նախարարության մեդալով 19.04.2021
ՀՀ Կրթության, գիտության, մշակույթի և սպորտի նախարար Վահրամ Դումանյանի հրամանով ֆիզիկական կուլտուրայի և սպորտի զարգացման գործում ունեցած ներդրման համար մարզաշխարհի 3 ներկայացուցիչներ արժանացել են պարգևների: Պարգևատրվածների թվում է եղել նաև ՀՀ Վայոց ձորի մարզպետարանի կրթության, մշակույթի և սպորտի վարչության աշխատակից Աղասի Հովհաննիսյանը: Նա պարգևատրվել է ՀՀ ԿԳՄՍ նախարարության մեդալով:
Ապրիլի 19-ին Վայոց ձորի մարզի Վայք քաղաքի ավագ դպրոցում տեղի ունեցավ միջոցառում՝ նվիրված 44-օրյա պատերազմում նահատակված հայորդիների հիշատակին, ովքեր իրենց ձեռքով կերտեցին և սերունդներին փոխանցեցին սխրագործության մի նոր պատմություն: Միջոցառումն իր մեջ պարունակում էր կարևորագույն պատգամ՝ ուղղված մեր ժողովրդին և ամբողջ աշխարհին. : Դպրոցի սաները մաղթեցին, որպեսզի 2021 թվականը Հայաստանի Հանրապետության բանակի համար նշանավորվի որպես մարտական կարողությունների ամրապնդման նոր էջ, որի ամուր հենարանը և պաշտպանը հանդիսանալու են իրենք՝ քաջ գիտակցելով, որ ոչ ոք դա չի անելու մեր փոխարեն:
<Հավերժի ճամփորդը> խորագրով միջոցառում Քարագլխի միջնակարգ դպրոցում 19.04.2021
Այսօր Եղեգիս համայնքի Քարագլուխ բնակավայրի միջնակարգ դպրոցում կազմակերպվել էր խորագիրը կրող միջոցառում՝ նվիրված 44-օրյա պատերազմում նահատակված վայոցձորցի հերոսներին: Միջոցառմանը ներկա էին ՀՀ Վայոց ձորի մարզպետ Արարատ Գրիգորյանը, ՀՀ ՊՆ Զ ԵՎ ԶՀԾ Վայոց ձորի մարզային տարածքային ստորաբաժանման ղեկավար Ա. Նահապետյանը, Եղեգիս համայնքի ղեկավար Արթուր Ստեփանյանը, մարզպետարանի կրթության, մշակույթի և սպորտի վարչության պետ Արփիար Ղազարյանը, մարզպետի խորհրդականները, 44-օրյա պատերազմում զոհված հերոսների ծնողներ, հարազատներ, մանկավարժներ և այլ հյուրեր։ Ներկաները մեկ րոպե լռությամբ հարգեցին մեր քաջարի հերոսների հիշատակը:
Հանդիպում Հայ-ֆրանսիական մշակութային միության նախագահ Ալեքսան Կարապետյանի հետ 19.04.2021
Ապրիլի 19-ին ՀՀ Վայոց ձորի մարզպետ Արարատ Գրիգորյանն ընդունեց Հայ-ֆրանսիական մշակութային միության նախագահ Ալեքսան Կարապետյանին և ազգային արժեքների պահպանման հիմնադրամի հիմնադիր Ինեսսա Սարգսյանին: Մարզպետ Արարատ Գրիգորյանը ողջունեց հյուրերին և պատրաստակամություն հայտնեց համատեղ ջանքերը լավագույնս ուղղել բոլոր հնարավոր նպատակների և նախագծերի իրականացմանը՝ շարունակապես զարգացնելով և ամրապնդելով կողմերի միջև փոխգործակցությունը:
ՀՀ վարչապետն այցելել է Վայոց ձորի մարզ 18.04.2021
Ապրիլի 17-ին Վայոց ձորի մարզ է այցելել ՀՀ վարչապետ Նիկոլ Փաշինյանը։ Վարչապետին ուղեկցում էին ՀՀ տարածքային կառավարման և ենթակառուցվածքների նախարար Սուրեն Պապիկյանը, ՀՀ Վայոց ձորի մարզպետ Արարատ Գրիգորյանը, ՀՀ ԱԺ պատգամավորներ Կարեն Համբարձումյանը, Արմեն Խաչատրյանը, Արման Եղոյանը, Արփինե Դավոյանը և այլ պաշտոնատար անձինք։ Նիկոլ Փաշինյանն այցելել է Վայոց ձորի մարզի Ռինդ, Զառիթափ, Խնձորուտ և Գետափ բնակավայրեր: Կառավարության ղեկավարը հանդիպել է տեղի բնակիչներին, անդրադարձել արցախյան պատերազմի հանգամանքներին և երկրում ստեղծված իրավիճակին, ծանոթացել տեղում կատարված աշխատանքներին և ներկայացրել է տնտեսության զարգացման հեռանկարները: Հանդիպումները սկսվել են 44-օրյա պատերազմի ընթացքում զոհված հայորդիների շիրիմներին ծաղիկներ խոնարհելով և հարգանքի տուրք մատուցելով։ Յուրաքանչյուր համայնքում վարչապետ Փաշինյանը հնչեցրել է տվյալ համայնքներից զոհված զինվորների անունները և մեկ րոպե լռությամբ հարգել նրանց հիշատակը:
