Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ Վայոց ձորի մարզպետ Էդգար Ղազարյանի ուղերձը շինարարի օրվա կապակցությամբ

ՀՀ Վայոց ձորի մարզպետ Էդգար Ղազարյանի ուղերձը շինարարի օրվա կապակցությամբ 12.08.2012

Հարգելի շինարարներ Սրտանց շնորհավորում եմ Ձեզ մասնագիտական տոնի` Շինարարի օրվա կապակցությամբ: Մասնագիտությունը, որն ընտրել եք Դուք, ամբողջությամբ համապատասխանում է մեր ժողովրդի նկարագրին: Դուք եք կոչված կերտելու մնայուն արժեքներ, որոնք ծառայում մեր ժողովրդին դարեր շարունակ: Ձեր կոչման տեր մարդիկ են կառուցել այն անգնահատելի հուշարձանները, որով մենք այսօր հպարտությամբ ներկայանում ենք աշխարհին: Մինչ մենք օտարներին կներկայանանք մեր արվեստի և գրականության գլուխգործոցներով` առաջին տեսանելի արժեքը, որով հնարավոր է պատկերացում կազմել մեր ժողովրդի կյանքի, կենցաղի, ճաշակի և մշակույթի մասին մեր քաղաքներն ու գյուղերն են, շենքերն ու շինությունները, որոնք ստեղծվում են ճարտարապետների մտքով և շինարարների բազուկներով:

Վայոց ձորում նշվեց Սուրբ Աստվածածնի Վերափոխման տոնը

Վայոց ձորում նշվեց Սուրբ Աստվածածնի Վերափոխման տոնը 12.08.2012

Վայոց ձորի մարզի Արենի գյուղի Սուրբ Աստվածածին եկեղեցում տեղի ունեցավ կարգ, ձեռամբ` Վայոց ձորի թեմի առաջնորդ Աբրահամ եպիսկոպոս Մկրտչյանի: Տոնին ներկա էր ՀՀ Վայոց ձորի մարզպետ Էդգար Ղազարյանը: Աբրահամ Սրբազանը խաղողի օրհնությունից հետո ողջունեց բոլորին, ներկայացրեց Սուրբ Աստվածածնի Վերափոխման տոնի սկզբնաղբյուրն ըստ Նոր Կտակարանի և բերքի օրհնության խորհուրդը: Մարզպետ Էդգար Ղազարյանը շնորհավորեց բոլոր ներկաներին Տաղավար տոնի կապակցությամբ, մարզի բնակիչներին մաղթեց առատ բերք ու բարիք և օրհնված խաղողի բարի վայելում:

Վայոց ձորում քննարկվել է առողջապահական համակարգի արդիականացման հարցը

Վայոց ձորում քննարկվել է առողջապահական համակարգի արդիականացման հարցը 11.08.2012

ՀՀ Վայոց ձոր կատարած այցի ընթացքում ՀՀ առողջապահության նախարար Դերենիկ Դումանյանը մարզպետ Էդգար Ղազարյանի և մարզի մյուս ղեկավարների հետ քննարկել է մարզի առողջապահության համակարգի կառուցվածքը, մասնագիտական ծառայությունների բաշխվածության, կադրերով և սարքավորումներով հագեցվածության վիճակը և աշխատանքի արդյունավետության բարձրացման հնարավորությունները: «Մարզի բուժհաստատությունների ներկա վիճակը` թե շենքային հարմարություններով ու հագեցվածությամբ, թե կառավարման տեսակետից, այսօր չեն կարող բավարարել: Մեր առջև խնդիր է ծառացել ստեղծել այնպիսի կառույց, որ ողջ մարզի համար համաչափ աշխատի»,-ասել է առողջապահության նախարարը: Մարզպետն էլ իր հերթին պարտավորվել է, որ իրենք լուրջ աշխատանքներ կտանեն կառավարման բարելավման ուղղությամբ, իսկ ծրագրային և տեխնիկական հագեցվածության առումով ակնկալում են առողջապահության նախարարության աջակցությունը:

Վայոց ձորում լույս աշխարհ է եկել Հովհաննիսյանների 8-րդ զավակը

Վայոց ձորում լույս աշխարհ է եկել Հովհաննիսյանների 8-րդ զավակը 10.08.2012

Այսօր ՀՀ Վայոց ձորի մարզպետ Էդգար Ղազարյանի ուղեկցությամբ Եղեգնաձորի ծննդատուն այցելած ՀՀ առողջապահության նախարար Դերենիկ Դումանյանը հանդիպեց բազմազավակ մայրիկին:

Ի գիտություն` Վայոց ձորի մարզի գյուղացիական տնտեսությունների

Ի գիտություն` Վայոց ձորի մարզի գյուղացիական տնտեսությունների 09.08.2012

2012 թվականի օգոստոսի 12-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի <Կենտրոն> վարչական շրջանում (Մովսես Խորենացու փողոցում` պարփակված Տիգրան Մեծի և Ագաթանգեղոսի փողոցներով) նախատեսվում է կազմակերպել գյուղատնտեսական մթերքների տոնավաճառ: Հայաստանի Հանրապետության մարզերի գյուղացիական տնտեսություններին հնարավորություն կընձեռվի անվճար մասնակցելու տոնավաճառին:  

Ի գիտություն

Ի գիտություն 09.08.2012

Օգոստոսի 12-ին, ժամը` 14.00-ին, Արենի գյուղի Սուրբ Աստվածածին եկեղեցում տեղի կունենա կարգ, ձեռամբ` Վայոց ձորի թեմի առաջնորդ Աբրահամ եպիսկոպոս Մկրտչյանի: Տոնին ներկա է լինելու Վայոց ձորի մարզպետ Էդգար Ղազարյանը: Կմասնակցեն մարզի համայնքների ղեկավարներ, հարակից գյուղերի բնակիչներ:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2025-08-29 17:35:44