Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հունիսի 27-ին ՀՀ Վայոց ձորի մարզպետի աշխատակազմում տեղի ունեցավ ՀՀ ԿԳՄՍ փոխնախարար Արաքսիա Սվաջյանի հանդիպումը մարզի կրթության ոլորտի ներկայացուցիչների և պատասխանատուների հետ։ ՀՀ Վայոց ձորի մարզպետ Արարատ Գրիգորյանը ողջունեց հյուրերին և ներկաներին՝ կարևորելով նմանատիպ հանդիպում-քննարկումները։ Փոխնախարար Արաքսիա Սվաջյանը ներկայացրեց հանրակրթության բնագավառում կատարված և ակնկալվող փոփոխությունները, մասնավորապես դպրոցների կառավարման նոր համակարգի ներդրումը,հաստիքների փոփոխությունը, դասարանների կազմավորման նոր կարգը, կամավոր ատեստավորման ցուցանիշները և այդ գործընթացի բարելավման ուղղությունները, մենթոր դպրոցների գործունեությանը, կարիքի վրա հիմնված վերպատրաստումների անհրաժեշտությունը, դպրոցաշինության ծավալները և ժամկետները և այլն։
ՀՀ Վայոց ձորի մարզպետ Արարատ Գրիգորյանի բարեմաղթանքի խոսքը նորակոչիկներին 28.06.2023
Սիրելի՛ նորակոչիկներ, այսօր՝ այս պահից, ձեր կյանքի կարևորագույն ճամփաբաժանում սկսվում է մի նվիրական ու պատասխանատու շրջան. ձեզ է վստահվում մեր հայրենիքի պաշտպանության սրբազնագույն գործը, ուստի թույլ տվեք բոլոր վայոցձորցիների անունից մաղթել ձեզ անկոտրում կամք, անսասան հավատ և անփորձանք ծառայություն: Հիշենք,որ հայրենիքը չեն ընտրում , ինչպես որ չեն ընտրում ծնողին. հայրենիքը սիրում են անվերապահորեն, աներկբայորեն, ինչպես որ ծնողին, սիրում են անծիր-անպարագիծ, անմնացորդ սիրով: Եվ այդ սերը պիտի մղի ձեզ հրաշքներ ու սխրանքներ գործելուն, և ոսոխը պիտի հասկանա՝ իր դիմաց կանգնած են Հայկ Նահապետի , Վարդան Մամիկոնյանի, Անդրանիկ զորավարի, Մոնթեի արժանի հետնորդները:
ՀՀ Վայոց ձորի մարզում մեկնարկեց ամառային զորակոչը 28.06.2023
2023թ․ հունիսի 28-ին ՀՀ Վայոց ձորի մարզում մեկնարկեց ամառային զորակոչը։ Մեկնարկի արարողությանը ներկա էին ՀՀ Վայոց ձորի մարզպետ Արարատ Գրիգորյանը,զինվորականներ,ուժային կառույցների ղեկավարներ, ծնողներ, հարազատներ, մտերիմներ։ Մարզպետ Ա․ Գրիգորյանը բարեմաղթանքի խոսք ուղղեց նորակոչիկներին՝ ցանկանալով նրանց անկոտրում կամք, անսասան հավատ , անվտանգ և խաղաղ ծառայություն։ Նա նշեց, որ տղաներն ամենայն պատասխանատվությամբ և բարձր գիտակցությամբ կկատարեն իրենց սրբազան առաքելությունը։ Ա․ Գիրգորյանը «պարտավորեցրեց» տղաներին երկու տարի անց վերադառնալ նույն կազմով, նույն բարձր տրամադրությամբ․․․ Նորակոչիկներին բարեմաղթանքի խոսքեր հղեցին բարձրաստիճան այլ այրեր, օրհնեց քահանան։ Խաղաղ երկնքի ներքո անվտանգ ծառայություն հայկական բանակի բոլոր մարտիկներին․․․
2023 թվականի հուլիսի 27-ին՝ ժամը 10:30-ին, Հայաստանի Հանրապետության Վայոց ձորի մարզի Եղեգիսի համայնքապետարանում կկայանա աճուրդ Եղեգիս համայնքի վարչական սահմաններում գտնվող համայնքային սեփականություն հանդիսացող հողերի համար։ Հայտարարության ամբողջական տեքստին կարող եք ծանոթանալ այս հղումով։
Հայտարարություն Գորոդեցկի ամենամյա միջազգային կինոփառատոնին մասնակցելու վերաբերյալ 22.06.2023
Վայոց ձորի մարզի գործընկեր Նիժեգորոդի մարզը հրավիրում է երիտասարդ հայ կինոգործիչներին մասնակցել Գորոդեցկի ամենամյա միջազգային կինոփառատոնին, որը տեղի կունենա 2023 թվականի սեպտեմբերի 15-ից սեպտեմբերի 17-ը
Բուժաշխատողի մասնագիտական օրվան ընդառաջ՝ ՀՀ Վայոց ձորի մարզպետ Արարատ Գրիգորյանը հունիսի 21-ին այցելեց Աղավնաձորի առողջության առաջնային պահպանման կենտրոն՝ շնորհավորելու բուժաշխատողներին, մեկ անգամ ևս տեղում ծանոթանալու աշխատանքներին, խնդիրներին և այլն։ Մարզպետ Ա․ Գրիգորյանն իր խոսքում առանձնահատուկ շեշտեց մեր պետության համար առողջապահական համակարգի արդյունավետ գործունեության կարևորության խնդիրը և բարձր գնահատեց հատկապես դժվարին պայմաններում բուժաշխատողների անձնվեր աշխատանքը։ Մարզի մյուս բուժհաստատություններ այցելեց ՀՀ Վայոց ձորի փոխմարզպետ Դավիթ Սարգսյանը, ով ևս, շնորհավորելով մարզի բուժաշխատողներին, ցանկացավ մասնագիտական ոլորտում հաջողություններ, ձեռքբերումներ, կատարելագործվելու հնարավորություններ։
