Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջոցոռումներ նվիրված Բանակի օրվան 29.01.2015
Բանակի օրվա կապակցությամբ հանդիսավոր միջոցառում էր կազմակերպվել մարզկենտրոն Եղեգնաձորի ավագ դպրոցում: Ներկա էին Վայոց ձորի մարզպետարանի, Երկրապահ կամավորների միության, մարզի տարածքային զինկոմիսարիատի, ոստիկանության մարզային վարչության, հասարակական կազմակերպությունների, ԶԼՄ-ների ներկայացուցիչներ, ուսուցիչներ, զինվորներ: Ողջունելով ներկաներին, ՀՀ Վայոց ձորի մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը շնորհավորեց բոլորին` Բանակի օրվա կապակցությամբ և նշեց, որ Հայոց հաղթանակած բանակն այսօր առավել մարտունակ է, որի պահպանումն ու հզորացումը բոլորիս պարտքն է, ինչի ապացույցն այս ոգու արիության դասն է: Դպրոցի աշակերտների ուժերով ներկայացված ցերեկույթին հնչեցին հայրենիքին, բանակին, հայ զինվորին ձոնված հայրենասիրական տողեր ու երգեր: Նշենք, որ աշակերտները հադիսավոր երդումով համալրեցին պատանի երկրապահների շարքերը: Նրանց, Հայոց ազգային բանակի կազմավորման 23-րդ տարեդարձի և Պատանի երկրապահներ կազմակերպությանն անդամագրվելու կապակցությամբ, ՀՀ ՊՆ 4-րդ բանակային կորպուսի հրամանատար Անդրանիկ Մակարյանի անունից պատվոգրեր հանձնեց ԲԿ հրամանատարի ԱՀՏԱ գծով տեղակալի ժամանակավոր պաշտոնակատար, փոխգնդապետ Վահագն Շահբազյանը: Հայոց ազգային բանակի կազմավորման 23-րդ տարեդարձի և բանակաշինության գործում ներդրած մեծ ավանդի համար ՀՀ Վայոց ձորի մարզպետ Հարություն Սարգսյանի անունից պատվոգրով պարգևատրվեցին Երկրապահ կամավորական միության մի խումբ անդամներ: Միջոցառման մասնակիցներին ողջունեց և 4-րդ բանակային կորպուսի հրամանատար Անդրանիկ Մակարյանին, ՀՀ ԶՈՒ վետերանների, Եղեգնաձորի երկրապահ կամավորների միության բաժանմունքին, Եղեգնաձորի ավագ դպրոցին տոնի առթիվ պատվոգրեր հանձնեց Եղեգնաձորի տարածքային վետերանների խորհրդի նախագահ, պահեստազորի գնդապետ Պետրոս Առաքելյանը: Հայոց բանակի զորության ու պահպանության համար աղոթքով առ Աստված և օրհնության խոսքով հանդես եկավ Եղեգնաձորի Սուրբ Աստվածածին եկեղեցու հովիվ, տեր Վազգեն քահանա Հովհաննիսյանը: Միջոցառման ամփոփիչ խոսքով հանդես եկավ ավագ դպրոցի տնօրեն Կարինե Հարությունյանը, ով որպես միջոցառման կազմակերպիչ արժանացավ 4-րդ ԲԿ հրամանատարի շնորհակալագրին: Հավելենք, որ մարզի հանրակրթական և արվեստի բոլոր դպրոցներում կազմակերպվել են նույն կարգի հանդիսություններ:
ՀՀ Վայոց ձորի մարզպետ Հարություն Սարգսյանի շնորհավորական ուղերձը Բանակի օրվա առթիվ 27.01.2015
Հունվարի 28-ը Հայաստանի Հանրապետության պետական տոնացույցում նշվում է որպես Բանակի օր: 2015 թվականին բոլորում է Հայոց բանակի կազմավորման 23-րդ տարեդարձը: Բանակի օր արտահայտությունը նվիրական զգացումներ ու հպարտություն է առաջացնում բոլորիս հոգիներում, միևնույն ժամանակ կոչում մեծ պատասխանատվության՝ հայրենիքի պաշտպանության սրբազան առաքելությունն իրականացնող ազգի քաջարի զավակների հանդեպ, զինվորից մինչև հրամանատար: Բոլորս գիտենք, որ Հայկական բանակի կազմավորման տարեգրությունն անմիջականորեն կապվում է Արցախյան շարժման, Հայաստանի Հանրապետության անկախության, Արցախի ազատության համար մղված պայքարի հետ և, այսօր արժանիորեն մեր բանակը կրում է Արցախյան ազատամարտի հաղթանակի դափնին, որն ուժ ու կորով, հայրենիքի սահմաններն անառիկ պահելու հաստատակամություն է հաղորդում հայոց բանակի զինվորներին և բանակի շարքերը համալրող նորակոչիկներին: Սիրելի հայրենակիցներ, որպես սահմանամերձ մարզի բնակիչներ, մենք լավ ենք գիտակցում խաղաղության գինը և անսահման հոգատարությամբ ենք վերաբերում զինվորական հագուստ կրող յուրաքանչյուր ծառայողի, որպես երախտագիտություն մեր խաղաղ կեցության ու կյանքի բնականոն գործունեության: Հայ զինվոր, քեզ ամուր առողջություն, ամրակուռ բազուկ, անսասան կամք, հոգու արիություն: Հայոց բանակի սպաներ և գեներալներ, ձեզ մտքի սլացք, սրատեսություն և ռազմական իմաստնություն: Փառք ու պատիվ Ձեզ, հայոց բանակի Արծիվներ: Թող խաղաղությամբ բացվեն ձեր բոլոր արշալույսները, իսկ մայրամուտներն անդորր բերեն ձեզ: Աստված պահապան Հայոց բանակին:
Ամփոփվեցին արտակարգ իրավիճակների բնագավառի 2014 թվականի գործունեության արդյունքները 27.01.2015
ՀՀ Վայոց ձորի մարզպետարանի նիստերի դահլիճում ՀՀ Վայոց ձորի մարզպետ Հարություն Սարգսյանի մասնակցությամբ տեղի ունեցավ խորհրդակցություն, որի ընթացքում ամփոփվեցին ՀՀ տարածքային կառավարման և արտակարգ իրավիճակների նախարարության Վայոց ձորի մարզային փրկարարական վարչության և ՀՀ տարածքային կառավարման և արտակարգ իրավիճակների նախարարության Վայոց ձորի մարզի տարածքային ստորաբաժանումների 2014 թվականի գործունեության արդյունքները: Ամփոփիչ խորհրդակցությունը նախագահում էր ՀՀ տարածքային կառավարման և արտակարգ իրավիճակների նախարարության փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրիելյանը: Խորհրդակցությանը մասնակցում էին Վայոց ձորի մարզային փրկարարական վարչության,Վայոց ձորի մարզային հրդեհային և տեխնիկական անվտանգության տեսչության
Տեղի կունենա ՀՀ Վայոց ձորի մարզխորհրդի 2015 թվականի անդրանիկ նիստը 26.01.2015
2015 թվականի հունվարի 30-ին, ժամը՝ 11.00-ին, Վայոց ձորի մարզպետարանի նիստերի դահլիճում տեղի կունենա ՀՀ Վայոց ձորի մարզխորհրդի 2015 թվականի անդրանիկ նիստը՝ հետևյալ օրակարգով.
Կառավարությունում վարչապետ Հովիկ Աբրահամյանի գլխավորությամբ տեղի է ունեցել խորհրդակցություն, որին մասնակցել են ՀՀ տարածքային կառավարման և արտակարգ իրավիճակների նախարար Արմեն Երիցյանը, ՀՀ գյուղատնտեսության նախարար Սերգո Կարապետյանը, հանրապետության մարզպետները և տարբեր գերատեսչությունների ներկայացուցիչներ: Խորհրդակցության ընթացքում քննարկվել են մարզերում գարնան գյուղատնտեսական աշխատանքների իրականացման նախապատրաստական աշխատանքների ընթացքը և գյուղոլորտում նախատեսվող ծրագրերը, ներկայացվել են նաև նախորդ տարում իրականացված ծրագրերի արդյունքները: Զեկուցվել է, որ հողօգտագործողներին տրամադրված սերմացուի, մատչելի գնով պարարտանյութի և դիզելային վառելիքի տրամադրման, տոհմային անասնաբուծության, ենթակառուցվածքների զարգացման պետական ծրագրերն էապես նպաստել են ոլորտի առաջընթացին: Մասնավորապես, արձանագրվել է հացահատիկային մշակաբույսերի արտադրության աճ, ինչը նպաստել է մեր երկրի պարենային անկախության խնդրի լուծմանը: Եթե 2010 թվականին ՀՀ-ում հացահատիկի ապահովվածությունը կազմում էր 36 տոկոս, ապա 2014-ին այն հասել է 51 տոկոսի: 2014-ին ավելացել են նաև մշակվող հողատարածքների ծավալները՝ գրեթե 15 հազար հեկտարով, արձանագրվել է տարբեր գյուղմթերքների արտադրության, մթերումների ծավալների էական աճ: Գյուղատնտեսության նախարարն ընդգծել է, որ ՀՀ վարչապետի հանձնարարությամբ պետական աջակցության բոլոր ծրագրերն այս տարի ևս կրելու են շարունակական բնույթ: Նախարարի տեղեկացմամբ՝ Համաշխարհային բանկի հետ համատեղ նախատեսվում է սկսել մարզերում կոոպերատիվների ստեղծման ծրագրի երկրորդ փուլը, որում կներգրավվի շուրջ 100 համայնք:
Շարունակվում է ՀՀ Վայոց ձորի մարզպետի աշխատանքային այցելությունները համայնքներ 23.01.2015
2015 թվականի հունվարի 22-ին ՀՀ Վայոց ձորի մարզպետ Հարություն Սարգսյանը, մարզպետի տեղակալ Սամվել Թարվերդյանի, մարզպետարանի աշխատակազմի ՏԻ և ՀԳՄ հարցերով վարչության պետ Նորայր Սիմոնյանի ուղեկցությամբ աշխատանքային այցելություն է կատարել Թառաթումբ և Շատին համայնքներ: Համայնքներում հանդիպումներ են կայացել համայնքի բնակիչների, ավագանու անդամների, դպրոցի ուսուցիչների հետ: Հանդիպումների ընթացքում մարզպետ Հարություն Սարգսյանը ծանոթացել է համայքներում տիրող իրավիճակին և առկա խնդիրներին: Հարություն Սարգսյանը կրթական հաստատություններում խոսել է աշակերտների ուսումնառության արդյունավետ կազմակերպման և կրթության որակի բարձրացման հարցերի շուրջ: Մարզպետը Թառաթումբ համայնքում հանդիպել է համայնքային բուժկետի, իսկ Շատինում՝ Առողջության կենտրոնի աշխատակիցների հետ: Թառաթումբի բուժկետում հետաքրքրվել է համայնքի բնակիչներին առաջին բուժօգնություն իրականացնելու հանրավորությունների առկայությամբ և բուժկետում առկա սանիտարական վիճակով, իսկ Շատինի Առողջության կենտրոնում՝ տեղեկացել նաև տարածաշրջանի գյուղերի սպասարկման գործընթացի կազմակերպման աշխատանքներին և այցելությունների գրաֆիկին:
