Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Հարություն Սարգսյանի այցը՝ ՌԴ Նիժնի Նովգորոդի նահանգ 25.05.2015
ՀՀ Վայոց ձորի մարզպետ Հարություն Սարգսյանը, ՀՀ Վայոց ձորի մարզի և ՌԴ Նիժնի Նովգորոդի նահանգի միջև 19.04.2011թվականին ստորագրված առևտրատնտեսական, գիտատեխնիկական և մշակութային բնագավառներում Համագործակցության համաձայնագրի շրջանակում, փոխադարձ այցով ս/թ մայիսի 18-ից 21-ը գտնվում է ՌԴ Նիժնի Նովգորոդի նահանգում: Պատվիրակության կազմում է եղել նաև մարզպետի խորհրդական Վասիլ Ասլանյանը: Մայիսի 19-ին ՀՀ Վայոց ձորի մարզպետ Հարություն Սարգսյանի պատվին ընդունելություն է կազմակերպվել Նիժնի Նովգորոդ քաղաքի ,,Կրեմլ,, համալիրում: Այնուհետ մարզպետը ծաղիկներ է խոնարհել և հարգանքի տուրք մատուցել Հայրենական Մեծ պատերազմում զոհված նիժիգորոդցիների հիշատակը հավերժացնող հուշակոթողի անմար կրակի մոտ, որից հետո հյուրերի համար կազմակերպվել է էքսկուրսիա, դեպի Օկա և Վոլգա գետերի միացման խառնարան: Էքսկուրսիային հաջորդել է այցը քաղաքի պատկերասրահ, որտեղ ցուցադրվում է ռուսակական գեղանկարչության շուրջ 1500 արժեքավոր կտավներ: Նահանգի մշակույթի նախարարի և միջազգային հարցերի դեպարտամենտի նախագահի ուղեկցությամբ Վայոց ձորի պատվիրակությունն այցելել է Նիժնի Նովգորոդի հայկական Սուրբ Ամենափրկիչ եկեղեցի և կատարել մոմովառություն: Այնուհետ Նիժիգորոդի հայ համայնքի ղեկավար Աղասի Ալեքյանի ուղեկցությամբ շրջայց է կատարվել եկեղեցու առաջին հարկում գործող նորաբաց՝ ցեղասպանության 100 ամյակի կապակցությամբ այցելուների առջև իր դռները բացած թանգարանում: Թանգարան այցից հետո, կայացել է ՌԴ Նիժեգորոդի նահանգապետ Վալերի Շանցևի հետ ՀՀ Վայոց ձորի մարզպետ Հարություն Սարգսյանի պաշտոնական հանդիպումը: Հանդիպման ընթացքում քննարկվել են ՀՀ Վայոց ձորի մարզի և ՌԴ Նիժեգորոդի նահանգի միջև Փոխըմբռնման հուշագրի շրջանակում մշակութային և առևտրատնտեսական համագործակցության բնագավառում մինչ այդ կատարած աշխատանքները և հետագա համագործակցության հեռանկարային քայլերի հետ կապված հարցերը: Վերջում ՌԴ Նիժնի Նովգորոդի նահանգապետ Վալերի Շանցևը և ՀՀ Վայոց ձորի մարզպետ Հարություն Սարգսյանը հուշանվերներ են փոխանակել: Պաշտոնական ընդունելությունից հետո նահանգապետ Վալերի Շանցևի ուղեկցությամբ մարզպետ Հարություն Սարգսյանն ուղևորվել է քաղաքի թիվ 18 արվեստի դպրոց, ուր հյուրերեին ընդունել են ավանդական Աղ ու հացով: Դպրոցում տեղի է ունեցել, այն հայ մեծանուն կոմպոզիտոր Արամ Խաչատրյանի անունով անվանակոչելու հանդիսավոր արարողությունը: Համերգային ծրագրին մասնակցել են Նիժնի Նովգորոդի Արամ Խաչատրյանի անունը կրող թիվ 18 արվեստի դպրոցի և հայ համայնքում գործող ,, Նաիրի,, պարային համույթի սաները: (Հանդիսության վերաբերյալ լուսաբանական նյութը՝ ՀՀ Վայոց ձորի մարզպետը ներկա է գտնվել Նիժնի Նովգորոդի թիվ 18 արվեստի դպրոցն Արամ Խաչատրյանի անունով անվանակոչելու արարողությանը, 20.05.2015, vdzor.gov.am պաշտոնական կայքում): Նույն օրը երեկոյան հյուրերի պատվին տրվել է պաշտոնական ընթրիք: Մայիսի 20-ին տեղի է ունեցել հանդիպում-քննարկում փոքր և միջին ձեռնարկությունների, ինչպես նաև տուրիստական կազմակերպությունների ներկայացուցիչների հետ: ՓՄՁ ոլորտի ներկայացուցիչները հետաքրքրված են եղել Վայոց ձորի մարզում գյուղատնտեսական արտադրանքի տեսականու հարցերով և արտադրության ծավալներով, հետագա փոխշահավետ համագործակցության նպատակով: Իսկ տուրիզմի ներկայացուցիչներին հետաքրքրել է Վայոց ձորի մարզի տուրիստական պոտենցիալը՝ էկոտուրիզմից մինչև առողջարանային տուրիզմ: Այնուհետ կազմակերպվել է այց Գորկի քաղաքի Ավտոգազ գործարան, որտեղ բանակցություններ են վարվել հետագա հնարավոր համագործակցության նպատակով: Գործարանում վայոցձորյան պատվիրակությունը շրջայց է կատարել ձեռնարկության գործունեության պատմությունը ներկայացնող թանգարանում: Մայիսի 20-ի երեկոյան մարզպետը հանդիպում է ունեցել հայ համայնքի ներկայացուցիչների հետ, որի ընթացքում խոսվել է երկուստեք հետաքրքրություն ներկայացնող հարցերի մասին: Հայ համայնքի հետ ջերմ ու սրտառուչ հանդիպումով էլ ավարտվել է ՀՀ Վայոց ձորի մարզպետ Հարություն Սարգսյանի ՌԴ Նիժեգորոդի նահանգ կատարած աշխատանքային այցը: Մայիսի 21-ին մարզպետը վերադարձել է Հայաստան:
ՀՀ Վայոց ձորի մարզի դպրոցներում հնչեց 2014-2015 ուսումնական տարվա ավարտական վերջին զանգը 22.05.2015
ՀՀ Վայոց ձորի մարզի 30 միջնակարգ և 3 ավագ դպրոցներում հնչեց 2014-2015 ուսումնական տարվա ավարտական վերջին զանգը, որի ղողանջների ներքո կյանքի նոր փուլի շեմին ոտք դրեցին 596 շրջանավարտներ: ՀՀ Վայոց ձորի մարզպետարանի աշխատակիցները մարզպետի հանձնարարությամբ ներկա գտնվեցին դպրոցներում կազմակերպված հրաժեշտի ,,Վերջին դասի,, տոնական միջոցառումներին: Դպրոցներ են հաճախել նաև համայնքների և ՀՀ գործադիր մարմինների տարածքային ծառայությունների ղեկավարներ, զինվորականներ, հոգևոր դասի ներկայացուցիչներ: Միջոցառումներին մասնակցել են դպրոցների ուսուցիչներն ու աշակերտները, շրջանավարտների ծնողներն ու հարազատները: Բոլոր դպրոցներում հավուր պատշաճի կազմակերպվել են շրջանավարտների հրաժեշտի տոնական արարողությունները, ուր հնչել են հրաժեշտի ու երախտագիտության խոսքեր ուղղված հարազատ կրթօջախին և իրենց դասավանդող մանկավարժներին: Իսկ շրջանավարտներին բարի երթ ու հաջողություններ են մաղթել նրանց սիրելի ուսուցիչները, ծնողներն ու դպրոց այցելած հյուրերը: Ջերմ ու սրտառուչ բարեմաղթանքի խոսքեր են միմյանց հղել նաև շրջանավարտները:
Հանդիպում-քննարկում՝ Վայոց ձորի մարզպետարանում 21.05.2015
Սույն թվականի մայիսի 20-ին ՀՀ Վայոց ձորի մարզպետարանի նիստերի դահլիճում կայացել է > թեմայով հանդիպում-քննարկում, որին մասնակցել են մարզպետարանի աշխատակազմի ստորաբաժանումների ղեկավարներ և աշխատակիցներ, ՀՀ ՏԿԱԻՆ Վայոց ձորի փրկարարական վարչության պետ, փ/ծ մայոր Տիգրան Պետրոսյանը և աշխատակիցներ, մարզային ԱՌՆ թիմերի, փրկարարական ծառության և համայնքային արագ արձագանքման կամավոր թիմերի ներկայացուցիչները, թիրախ ընտրված 10 համայնքների ղեկավարները և աշխատակիցներ, հասարակական կազմակերպությունների ներկայացուցիչներ: Քննարկման ընթացքում վեր հանվեց կանանց և տղամարդկանց առանձնահատուկ կարիքներն աղետների ժամանակ, խոսվեց ուսուցման միջոցով բնական և արհեստածին աղետների ընթացքում ռիսկերի նկատմամբ համայնքների դիմակայունությունը բարձրացնելու մասին: Կարևորվեց նաև աղետների ընթացքում վերարտադրողական առողջության համար հնարավորինս նպաստավոր պայմաններ ստեղծելու խնդիրը:
ՀՀ Վայոց ձորի մարզպետ Հարություն Սարգսյանի շնորհավորական ուղերձը Վերջին զանգի կապակցությամբ 21.05.2015
Սիրելի շրջանավարտներ: Ի սրտե շնորհավորում եմ ձեզ` դպրոցն ավարտելու կապակցությամբ և մաղթում` բարի երթ: Այսօր տոն է ձեզ համար, քանզի դուք քայլ եք կատարում դեպի կյանքի նոր փուլ, անցյալում թողնելով ձեր վարդագույն մանկության, գունագեղ պատանության տարիների պատմությունը` դպրոցական կրթության անվերադարձ հեռացող ժամանակահատվածը: Դա կյանքի մի շրջան էր, ուր դուք գտնվում էիք ձեր սիրասուն ծնողների ու սիրելի ուսուցիչների հոգածության ներքո և ձեր երազանքները թևեր էին առնում ընտանիքում ու դպրոցում ձեր շուրջը ձևավորված անկեղծ ու ջերմ մթնոլորտում: Հաստատ է, որ ձեր ընտանիքներից բխող ջերմությունը և սիրելի ուսուցիչների բարեմաղթանքներն ու խորհուրդները կօգնեն ձեզ կյանքի գալիք ճանապարհը նույնպես անցնել արժանապատվորեն: Իսկ դպրոցում ձեռք բերած ամենաարժեքավոր գանձի` գիտելիքի, շնորհիվ դուք կարող եք հաղթահարել բոլոր դժվարությունները և լուծել հետագայում ձեր ճանապարհին հանդիպած ցանկացած խնդիր: Համոզված եմ, որ մեր մարզի գալիք տարիների պատմությունը, տնտեսության զարգացման տեմպերը պայմանավորված է լինելու նաև ձեզանով և ձեր ընտանիքի, դպրոցի, ծննդավայրի, մեր մարզի և մեր երկրի բարօրության համար կարևոր է լինելու նաև ձեր ներդրումն ու պատասխանատվությունն ստնանձնած գործի հանդեպ, ուր էլ որ լինեք, ինչ էլ որ դառնաք: Կրկին շնորհավոր ձեր տոնը, սիրելիներս: Մաղթում եմ ձեզ բարի երթ, կյանքի արևոտ ու կանաչ արահետ: Հաջողություն հետագա ձեր բոլոր ձեռնարկումներին:
Համերգ՝ Հայաստանում Իսրայելի մշակույթի օրերի շրջանակում 21.05.2015
Հայաստանում Իսրայելի մշակույթի օրերի շրջանակում Եղեգնաձորի մարզային մշակույթի կենտրոնի համերգային մեծ դահլիճում կայացավ Իսրայելի պաշտոնական պատվիրակության ստեղծագործական խմբի համերգը: Համերգին ներկա էին ՀՀ Վայոց ձորի մարզպետի տեղակալ Սամվել Թարվերդյանը և Իսրայել-Հայաստան բարեկամության խորհրդարանական խմբակցության նախագահ, Քնեսեթի պատգամավոր Զեէվ Էլկինը: Համերգային գեղեցիկ համարներն ընդհատվում էին բուռն ու երկարատև ծափահարություններով: Համերգի ավարտին մարզպետարանի աշխատակազմի կրթության, մշակույթի և սպորտի վարչության պետ Արփիար Ղազարյանը մշակութային խմբին հանձնեց ՀՀ Վայոց ձորի մարզպետի շնորհակալագիրը և բարձրարվեստ կատարումների համար շնորհակալություն հայտնեց:
Արտակարգ դեպք՝ Վայոց ձորի մարզում 20.05.2015
Ս/թ մայիսի 19-ին, ժամը 14.30-15.00 ի սահմաններում Քարագլուխ գյուղի Շիշի սար կոչվող հանդամասում արջը հարձակվել է գյուղի բնակիչ, 66-ամյա Էդիկ Սաֆարյանի վրա և վնասել նրա աջ ձեռքը: Ժամը 15.30-ի սահմաններում Էդիկ Սաֆարյանին ընդունել են Եղեգնաձորի բժշկական կենտրոն, որտեղ նրան ցուցաբերվել է բժշկական առաջին օգնությունը, ինչպես նաև կատարվել է համապատասխան շիճուկների՝ փայտացման և կատախության դեմ վակցինաների ներարկումը: Ժամը 20.00-ին Էդիկ Սաֆարյանին տեղափոխել են Երևանի թիվ 1 համալսարանական հիվանդանոց, բուժումը շարունակելու:
