Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ոգեկոչվեց Հայոց մեծ եղեռնի զոհերի հիշատակը 24.04.2024
Այսօր՝ ապրիլի 24-ին՝ Հայոց մեծ եղեռնի 109-րդ տարելիցի օրը, Վայոց ձորի մարզում ոգեկոչվեց Հայոց մեծ եղեռնի զոհերի հիշատակը: Մարզկենտրոն Եղեգնաձորում ՀՀ Վայոց ձորի մարզպետ Կոլյա Միքաելյանը, Վայոց ձորի թեմի առաջնորդ Գերաշնորհ Տեր Աբրահամ արքեպիսկոպոս Մկրտչյանը, Հայաստանում ԵՄ դիտորդական առաքելության ղեկավար Մարկուս Ռիտերը, ուժային կառույցների տարածքային մարմինների ղեկավարները, պետական կառավարման և տեղական ինքնակառավարման մարմինների ներկայացուցիչները, տարբեր հաստատությունների աշխատակիցներ, ուսանողներ, աշակերտներ, բազմաթիվ մարդիկ հարգանքի տուրք են մատուցել Մեծ եղեռնի անմեղ զոհերի հիշատակին և նրանց հիշատակը հավերժացնող հուշակոթողին ծաղիկներ խոնարհել:
Հայտնի են <<Սպորտլանդիա>> մարզական միջոցառման մարզային փուլի հաղթող դպրոցները 22.04.2024
Վայոց ձորի մարզպետի աշխատակազմի կրթության, մշակույթի և սպորտի վարչության համակարգմամբ ապրիլի 19-ին անցկացվեցին «Սպորտլանդիա» մարզական միջոցառման մարզային փուլի մրցումները։ «Սպորտլանդիա» մարզական միջոցառումը կազմակերպվում է 4 փուլով երկու տարիքային խմբերով` 1-3-րդ և 4-6-րդ դասարանցիների միջև: Ներդպրոցական փուլից հետո ձևավորված թիմերը մասնակցեցին 2-րդ փուլին, որտեղ Եղեգնաձորի տարածաշրջանից մասնակցեցին 120 և 140 աշակերտ, Վայքի տարածաշրջանից՝ 70-ական աշակերտ երկու տարիքային խմբերում։ Մարզային փուլի խաղերը դիտարժան էին, պայքարը՝ հետաքրքիր և լարված, համընդհանուր ոգևորությունը՝ տպավորիչ։
ՀՀ Վայոց ձորի մարզպետն ընդունել է ՀՀ ՇՄՆ էկոպարեկային ծառայության պետին 22.04.2024
Այսօր ՀՀ Վայոց ձորի մարզպետ Կոլյա Միքաելյանը աշխատանքային հանդիպում է ունեցել ՀՀ ՇՄՆ էկոպարեկային ծառայության պետ Վլադիմիր Կիրակոսյանի և ծառայության պետի առաջին տեղակալ Վարդան Սարգսյանի հետ։ Հանդիպմանը ներկա էին նաև > ՊՈԱԿ-ի > մասնաճյուղի տնօրեն Մհեր Նիկողոսյանը և Էկոպարեկային ծառայության Վայոց ձորի և Արարատի մարզային վարչության Վայոց ձորի տեղամասի պատասխանատու Նիկոլայ Բայաթյանը։
Ապրիլի 18-ին Եղեգնաձորի մանկապատանեկան մարզադպրոցում ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության համակարգմամբ տեղի ունեցան «ՀՀ Վարչապետի գավաթ» սեղանի թենիսի սիրողական մրցաշարի Վայոց ձորի մարզային փուլի մրցումները, որին մասնակցելու իրավունք էին ստացել համայնքային փուլի մրցապայքարում 1-ին, 2-րդ և 3-րդ տեղեր գրաված դպրոցական թիմերը։ Յուրաքանչյուր թիմի կազմում ընդգրկված էին տվյալ դպրոցից 2 տղա, 2 աղջիկ և ֆիզկուլտուրայի 1 ուսուցիչ։ Մրցումներն անցկացվեցին 2 տարիքային խմբերով:Առաջին տարիքային խմբում ընդգրկված էին 5-9-րդ դասարանների, իսկ երկրորդ տարիքային խմբում՝ 10-12-րդ դասարանների աշակերտները:
Տեղի կունենա Եղեգիս համայնքի ավագանու արտահերթ նիստը 18.04.2024
Տեղեկացնում ենք, որ 2024 թվականի ապրիլի19-ին՝ ժամը 15։00-ին, Շատինի միջնակարգ դպրոցում տեղի կունենա Վայոց ձորի մարզի Եղեգիս համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
Վայոց ձորի մարզպետը պարգևատրել է Ոստիկանության մի խումբ ծառայողների 18.04.2024
Ոստիկանության օրվա կապակցությամբ ՀՀ Վայոց ձորի մարզպետ Կոլյա Միքաելյանը մարզպետի տեղակալ Արսեն Խաչատրյանի և ուժային կառույցների տարածքային մարմինների ղեկավարների հետ այցելել է ՀՀ ՆԳՆ ոստիկանության Վայոց ձորի մարզային վարչության Եղեգնաձորի բաժին: Մարզպետը մասնագիտական տոնի առիթով շնորհավորել է ոստիկանության համակարգի աշխատակիցներին՝ բարձր գնահատելով նրանց աշխատանքը անհատի, հասարակության և պետության շահերի պաշտպանության, ինչպես նաև օրինականության հաստատման և հանցավորության դեմ մղվող պայքարի գործում: Նա կարևորել է աշխատանքում արհեստավարժությունը, մասնագիտական և մարդկային որակների զուգակցումը, համագործակցված աշխատանքը:
