Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության համակարգմամբ անցկացվեց «ՀՀ վարչապետի գավաթ»-ի շրջանակներում խճուղային հեծանվավազքի դպրոցականների սիրողական մրցաշարի մարզային փուլը։ Մարզի միջնակարգ և ավագ դպրոցների 33 թիմերը /10-12-րդ դասարաններից 1 տղա և 1 աղջիկ/ մասնակցեցին մրցույթին, որն անցկացվեց Գետափ-Մարտունի ճանապարհահատվածում։ Մրցույթի արդյունքում 1-ին հորիզոնականը գրավեց Արտաբույնքի միջնակարգ դպրոցի թիմը, 2-րդ հորիզոնականում Աղավնաձորի միջնակարգ դպրոցի աշակերտներն էին, իսկ հաղթական եռյակը եզրափակեց Արենիի միջնակարգ դպրոցի թիմը։
Հայտարարություն 18.09.2024
Տեղեկացնում ենք, որ ՄԱԶԾ «Կայուն համայնքներ» ծրագիրը «Չիր–Չիր» ծրագրի շրջանակում մեկնարկում է «Չրերի պահպանում և վերամշակում» թեմայով նոր մեկօրյա վերապատրաստման դասընթաց, որին կարող են մասնակցել Վայոց ձորի չրարտադրությամբ զբաղվող բնակիչները։ Վերապատրաստման դասընթացը միտված է չրարտադրությանբ զբաղվող տնտեսություններում զարգացնել չրերի պահպանման և վերամշակման մեթոդները, որոնք կնպաստեն լրացուցիչ եկամուտի ստեղծմանը՝ ի շնորհիվ մասնագիտական կարողությունների ավելացմամբ և գույքի ներդրմամբ։
Վայոց ձորում կազմակերպվեց «Դպրոցական բաժանորդային համակարգ» ծրագրի էքսպո-արշավ 16.09.2024
Սեպտեմբերի 14-ի ՀՀ Վայոց ձորի մարզպետ Կոլյա Միքաելյանը և ՀՀ ԿԳՄՍ նախարար Ժաննա Անդրեասյանը Եղեգնաձորի մշակույթի կենտրոնում ներկա գտնվեցին ՀՀ կրթության, գիտության, մշակույթի և սպորտի նախարարության նախաձեռնությամբ և Վայոց ձորի մարզպետի աշխատակազմի հետ համագործակցությամբ կազմակերպված «Դպրոցական բաժանորդային համակարգ» ծրագրի Էքսպո-արշավին, որին տաղավարներով ներկայացել էին մարզում գործող մշակութային օջախները: Ցուցադրությանը ներկա էին նաև մարզպետի աշխատակազմի, ԿԳՄՍ նախարարության ներկայացուցիչներ, հյուրեր, ուսուցիչներ և աշակերտներ:
Տեղի կունենա Ջերմուկ համայնքի ավագանու հերթական նիստը 16.09.2024
Տեղեկացնում ենք, որ սույն թվականի սեպտեմբերի 19-ին՝ ժամը 15։00-ին , Ջերմուկի համայնքապետարանում տեղի կունենա Ջերմուկ համայնքի ավագանու հերթական նիստը։ Նիստի օրակարգին կարող եք ծանոթանալ այստեղ։
Տեղի կունենա Եղեգնաձոր համայնքի ավագանու արտահերթ նիստը 16.09.2024
Տեղեկացնում ենք, որ սույն թվականի սեպտեմբերի 20-ին՝ ժամը 18։30-ին , Եղեգնաձորի համայնքապետարանում տեղի կունենա Եղեգնաձոր համայնքի ավագանու արտահերթ նիստը։ Նիստի օրակարգին կարող եք ծանոթանալ հետևյալ հղմամբ։ https://www.yeghegnadzor.am/Pages/DocFlow/Default.aspx?a=v&nt=1&g=de0a69b9-39a7-40e5-a972-6b2b7fba497d
Այսօր ՀՀ Վայոց ձորի մարզպետ Կոլյա Միքաելյանը մարզպետի աշխատակազմում ընդունեց Ֆրանսիայի Սենատի Հայաստան-Ֆրանսիա բարեկամական խմբի նախագահ Ժիլբեր-Լյուկ Դըվինազին։ Հանդիպմանը մասնակցում էին մարզպետի տեղակալներ Բագրատ Սողոմոնյանը, Արսեն Խաչատրյանը, մարզպետի աշխատակազմի գլխավոր քարտուղար Աղվան Հարությունյանը, Սենատի աշխատակից Մարիան Թեոլեյրը և Ֆրանսիայի դեսպանության համագործակցության և մշակութային հարցերի խորհրդական Քսավիե Ռիշարը։
