Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկացնում են <Սյունիք-Զարգացում> ՀԿ-ի երիտասարդները 25.05.2020
ՀԿ-ի երիտասարդները ծրագրի շրջանակներում հերթական նախաձեռնությունն են իրականացրել` կարգախոսով։ Ծրագրի առաջնային շահառուներն առողջական խնդիրներ ունեցող միայնակ տարեցներ են եղել, ովքեր դժվարանում են ձեռք բերել պաշտպանիչ միջոցներ, սնունդ, առաջին անհրաժեշտության պարագաներ։ ՀԿ-ի աշխատակիցների ու կամավորների հերթական կանգառը Վայոց ձոր մարզի գեղատեսիլ Եղեգիսի կիրճն էր։ Նրանք Եղեգիս խոշորացված համայնքի 20 միայնակ տարեցների և առողջական խնդիրներ ունեցող անձանց տրամադրել են սննդի փաթեթներ, պաշտպանիչ միջոցներ։ Այցի ընթացքում նաև 9000 հատ լոլիկի, սոխի, բիբարի և սմբուկի սածիլներ են բաժանվել շահառուներին, որոնք Վայոց ձորի մարզպետարանի առողջապահության և սոցիալական ապահովության վարչության կողմից հաշվառված առողջական խնդիրներ ունեցող միայնակ կենսաթոշակառուներն են։ ՀԿ-ից տեղեկացնում են, որ ծրագիրն իրականացվել է ՀԿ-ի ծրագրի շրջանակում` շվեյցարական ՀԵԿՍ կազմակերպության
ՀՀ Վայոց ձորի մարզպետ Արարատ Գրիգորյանն աշխատանքային այց է կատարել Զառիթափ և Եղեգիս համայնքներ 24.05.2020
Մայիսի 23-ին ՀՀ Վայոց ձորի մարզպետ Արարատ Գրիգորյանը, մարզպետարանի գյուղատնտեսության և բնապահպանության վարչության պետ Գեղամ Մարգարյանը, մարզպետարանի ՏԻ և ՀԳՄ հարցերի վարչության խորհրդական Նարեկ Մարտիրոսյանը, աշխատանքային այց կատարեցին Զառիթափ և Եղեգիս համայնքներ, որտեղ տեղի ունեցավ համայնքներում առկա հիմնախնդիրներով քննարկումներ: Վայոց ձորի մարզպետ Արարատ Գրիգորյանը և Զառիթափ համայնքի ղեկավար Սիմոն Բաբայանը Սարավան բնակավայրում քննարկեցին որոշ հարցեր, ինչպես նաև մասնակի հանդիպում ունեցան Սարավանի բնակիչների հետ: Քննարկվող հարցերն առավելապես առնչվում էին արոտավայրերի, խոտհարքերի և անասնաբուծության տարբեր ճյուղերի զարգացմանը: Սարավանում քարաթափման վտանգ կար: Բնակավայր հրավիրվեց ՀՀ ԱԻՆ փրկարար ծառայության Վայոց ձորի մարզային փրկարարական վարչության պետ, փ/ծ գնդապետ Հակոբ Սարգսյանը և տեղում կազմակերպվեց քննարկում: Քարաթափման վտանգը կանխելու նպատակով փրկարարների կողմից իրականացվեց համալիր աշխատանքներ: Մարզպետ Արարատ Գրիգորյանի այցի հաջորդ կանգառը Եղեգիս համայնքն էր:
Գործունեության կասեցման որոշումներ են կայացվել բժշկական կենտրոնների հանդեպ 23.05.2020
ՀՀ առողջապահական և աշխատանքի տեսչական մարմնի լայնածավալ մշտադիտարկումների արդյունքում արձանագրված խախտումների հիմքով՝ գործունեության կասեցման որոշումներ են կայացվել նաև Երևանում գործող բժշկական կենտրոնների հանդեպ։ 24 ժամով արգելվել է նոր անձանց (այցելուների և հիվանդների) ընդունումը և սպասարկումը, բացառությամբ՝ անհետաձգելի բժշկական օգնություն պահանջող դեպքերի: Կարգադրվել է ձեռնարկել միջոցներ արձանագրված խախտումներն անհապաղ վերացնելու ուղղությամբ։ Պարետի կողմից կասեցման որոշումները կայացվել են՝ ղեկավարվելով ՀՀ կառավարության որոշմամբ, ՀՀ պարետի N63 որոշման Հավելված N8-ով, ինչպես նաև հիմք ընդունելով առողջապահական և աշխատանքի տեսչական մարմնի ղեկավարի հրամանի հիման վրա իրականացված մշտադիտարկման արդյունքում կազմված արձանագրությունները։ Կորոնավիրուսի (COVID19) տարածումը կանխելու նպատակով ակտիվ մշտադիտարկումը շարունակվում է՝ հիմք ընդունելով նաև ԱԱՏՄ և առցանց ստացված դիմումներն ու բողոքները։
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Վերջին զանգի կապակցությամբ 23.05.2020
Վայոց ձորի սիրելի շրջանավարտնե՛ր, ջերմորեն շնորհավորում եմ ձեզ` Վերջին զանգի կապակցությամբ: Սիրելի՛ դպրոցականներ, այսօր դուք հրաժեշտ եք տալիս ձեր հարազատ դպրոցին, սիրելի դասընկերներին և հարգարժան ուսուցիչներին՝ կյանք տանելով անմոռանալի հիշողություններ, որոնք կապված են դպրոցական առօրյայի և անհոգ պատանեկան կյանքի հետ: Մոտեցավ վարդագույն պատանեկությունից հասուն երիտասարդության փուլ անցնելու նաև ձեր ժամանակը: Կյանքի այս շրջափուլում ձեր առջև բացվելու են բազմաթիվ դռներ, ընձեռվելու է կյանքի ուղին յուրովի շարունակելու բազում հնարավորություններ, ուր որոշիչը՝ դպրոցում ձեռք բերած գիտելիքներն ու հմտություններն են լինելու: Ձեր նպատակներին հասնելու համար կարևոր է լինելու գիտելիքների հմտորեն կիրառումը: Ձեզանից յուրաքանչյուրն, ինչ խոսք, գնալու է այն ճանապարհով, որի մասին միշտ երազել է և նախապատրաստվել այդ ուղղությամբ առաջին քայլին: Հիշե՛ք, սիրելինե՛րս, ուր էլ որ գնաք, ինչ էլ որ դառնաք՝ ներդրեք ձեր ողջ ջանքերը և փորձեք լինել ոլորտի առաջամարտիկը կամ առաջամարտիկներից մեկը: Յուրաքանչյուրիդ
Մայիսի 22-ին ՀՀ Վայոց ձորի մարզպետի տեղակալ Նանե Ասատրյանի մոտ տեղի ունեցավ Զբաղվածության աջակցության Վայոց ձորի մարզային հանձնաժողովի նիստը: Օրակարգը ներկայացրեց հանձնաժողովի նախագահ, մարզպետարանի առողջապահության և սոցիալական ապահովության վարչության պետ Վասիլ Ասլանյանը, ով խոսքը փոխանցեց Եղեգնաձորի Զբաղվածության կենտրոնի տնօրենի պաշտոնակատար Սամվել Ավետիսյանին։ Վերջինս ներկայացրեց 2020 թվականի ընթացքում իրականանալիք, նիստի օրակարգում ընդգրկված ծրագրերը։ ծրագրի շրջանակներում Վայոց ձորում կիրականացվեն ներքոնշյալ ծրագրերը.
Այսօր ՀՀ Վայոց ձորի մարզպետ Արարատ Գրիգորյանն ընդունեց Հայաստանի Հանրապետությունում Արաբական Միացյալ Էմիրությունների դեսպանատան աշխատակիցներին: Դեսպանատան աշխատակիցները նշեցին, որ ՀՀ 10 մարզերի կարիքավոր ընտանիքների համար սննդի փաթեթներ տրամադրելու դեսպանության ծրագրի շրջանակում նախատեսվել է 70 փաթեթ տրամադրել Վայոց ձորի մարզի կարիքավոր ընտանիքների: Արարատ Գրիգորյանը շնորհակալություն հայտնեց հյուրերին բարեգործական ծրագրում նաև Վայոց ձորի մարզն ընդգրկելու և մարզի կարիքավոր ընտանիքներին սատարելու համար: Ներկայացնում ենք Հայաստանի Հանրապետությունում Արաբական Միացյալ Էմիրությունների դեսպանատան կողմից մեզ տրամադրած տեղեկատվությունը:
