Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզի Եղեգիս համայնքի Շատին բնակավայրի միջնակարգ դպրոցում կազմակերպված միջոցառում 20.02.2021
Այսօր Վայոց ձորի մարզի Եղեգիս համայնքի Շատին բնակավայրի միջնակարգ դպրոցում կազմակերպվել էր միջոցառում նվիրված Արցախյան երկրորդ պատերազմում նահատակված վայոցձորցի մերօրյա հերոս Դավիթ Հովհաննիսյանին, ով սովորել և ավարտել է տեղի դպրոցը: Միջոցառմանը ներկա էին ՀՀ Վայոց ձորի մարզպետարանի կրթության, մշակույթի և սպորտի վարչության պետ Արփիար Ղազարյանը, մարզպետի տեղակալի օգնական Աշխեն Հայրապետյանը, Եղեգիս համայնքի ղեկավար Արթուր Ստեփանյանը, զոհված հերոսի ծնողները, դպրոցի ուսուցչական կազմը և այլ հյուրեր:
Աշխատանքային խորհրդակցություն Վայոց ձորի մարզպետարանում 20.02.2021
Փետրվարի 19-ին Վայոց ձորի մարզպետարանի նիստերի դահլիճում մարզպետ Արարատ Գրիգորյանի գլխավորությամբ անց է կացվել աշխատանքային խորհրդակցություն, որին մասնակցում էին մարզպետի տեղակալը, կառուցվածքային ստորաբաժանումների ղեկավարները և օգնականները: Խորհրդակցության ընթացքում ուսումնասիրվել են աշխատանքային օրակարգի մի շարք հարցեր, համայնքային նշանակության կարևոր խնդիրներ և համագործակցության ընդլայնման հեռանկարներ: Հանգամանալից քննարկում է ծավալվել մարզպետի կողմից ստորաբաժանումների առջև դրված խնդիրների լուծմանն ուղղված քայլերի և այդ համատեքստում ստորաբաժանումների աշխատակիցների և ղեկավարների գործունեության շուրջ։
ՀՀ Վայոց ձորի մարզպետ Արարատ Գրիգորյանը այսօր աշխատանքային խորհրդակցություն է անցկացրել մարզի հանրակրթական դպրոցների տնօրենների հետ։ Խորհրդակցությանը մասնակցել են ՀՀ Վայոց ձորի մարզի դատախազի տեղակալ Գայանե Խաչիկյանը, մարզպետարանի կրթության, մշակույթի և սպորտի վարչության պետ Արփիար Ղազարյանը, իրավաբանական բաժնի պետ Նարինե Մաղաքյանը, մարզպետի խորհրդականը, օգնականը: Հանդիպման նպատակը Վայոց ձորի մարզային ենթակայության հանրակրթական ուսումնական հաստատությունների ուսումնաօժանդակ հաստիքներում նշանակված անձանց աշխատանքի հաճախելու, ընթացիկ աշխատաժամանակի հաշվարկի, դրանց նկատմամբ վերահսկողական գործուն մեխանիզմներ ներդնելու անհրաժեշտության վերաբերյալ հարցերի քննարկումն էր, ինչպես նաև դպրոցներում առկա խնդիրների բարձրաձայնումը, քննարկումը և լուծման հնարավոր ուղիների որոնումը:
ՀՀ Վայոց ձորի մարզպետ Արարատ Գրիգորյանի գլխավորությամբ մարզպետարանում տեղի ունեցավ քաղաքացիական պաշտպանության և զորահավաքային նախապատրաստության դասընթաց, որին մասնակցում էին մարզպետի տեղակալ Արայիկ Մուրադյանը, մարզպետի խորհրդական Արմեն Դավթյանը, մարզպետի օգնական Արմինե Ասատրյանը և մարզպետարանի կառուցվածքային ստորաբաժանումների ղեկավարները: Զորահավաքային նախապատրաստության դասընթացը վարում էր մարզպետարանի զորահավաքային նախապատրաստության բաժնի պետ Վանիկ Խուդավերդյանը, իսկ քաղաքացիական պաշտպանության դասընթացը՝ Վայոց ձորի մարզային փրկարարական վարչության պետ, փ/ծ գնդապետ Հակոբ Սարգսյանը:
Ս/թ փետրվարի 17-ին, նախնական պայմանավորվածության համաձայն, բնապահպանական հիմնադրամի այցելուների կենտրոնում ՀՀ Վայոց ձորի մարզպետ Արարատ Գրիգորյանը, մարզպետի խորհրդական Արմեն Դավթյանը, մարզպետարանի գյուղատնտեսության և բնապահպանության վարչության պետ Գեղամ Մարգարյանը հանդիպեցին բնապահպանական հիմնադրամի խորհրդի նախագահ Արսեն Մաթևոսյանի, հիմնադրամի տնօրեն Արուս Ներսիսյանի և փոխտնօրեն Արթուր Լևոնյանի հետ:
ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանատունը տեղեկացնում է 17.02.2021
Երկօրյա այցով Հայաստանում է գտնվում Մեծ Բրիտանիայի և Հյուսիսային Իռլանդիայի Միացյալ Թագավորության արտաքին գործերի, համագործակցության և զարգացման նախարարության Եվրոպական հարևանության և Ամերիկայի հարցերով նախարար Ուենդի Մորթընը: Իր այցի ընթացքում նախարար Մորթընը ՀՀ արտաքին գործերի նախարարի տեղակալ Ավետ Ադոնցի հետ պաշտոնապես կբացի Բրիտանական դեսպանության նոր գրասենյակը Երևանում՝ ի նշան Միացյալ Թագավորության և Հայաստանի ժողովուրդների միջև ամրապնդվող կապերի։ Նախարարը նաև կողջունի Միացյալ Թագավորության, ՅՈՒՆԻՍԵՖ-ի և ՄԱԿ-ի Զարգացման ծրագրի միջև նոր համագործակցությունը, որի միջոցով խթանվում է Վայոց ձորի, Գեղարքունիքի և Սյունիքի մարզերի՝ կորոնավիրուսային վարակի (COVID-19) և հակամարտության հետևանքով տուժած խոցելի համայնքների տնտեսական և սոցիալական կայունությունը։ Միացյալ Թագավորությունն ակնկալում է, որ այս համագործակցությունը հնարավորություն կընձեռի ուղիներ գտնել այդ համայնքներում երկարաժամկետ կայունություն ապահովելու համար: Աղբյուրը՝
