Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՅՏԱՐԱՐՈՒԹՅՈՒՆ 27.04.2021
Սույն թվականի մայիսի 11-ին (երեքշաբթի), ժամը 17:00-ին Գլաձոր համայնքի Գլաձոր բնակավայրի դպրոցի դահլիճում տեղի կունենա հանրային քննարկում՝ Վայոց ձորի մարզի Գլաձորի բազմամետաղային հանքավայրի օգտակար հանածոների արդյունահանման նպատակով երկրաբանական ուսումնասիրության ծրագրի վերաբերյալ նախնական համաձայնություն ստանալու համար հանրային լսում և քննարկում, որի ընթացքում կկարողանաք արտահայտել ձեր կարծիքը և դիրքորոշումը:
Այսօր ՀՀ Վայոց ձորի մարզպետ Արարատ Գրիգորյանը պատվոգրերով և հուշանվերներով խրախուսել է հրաձգության հանրապետական մրցմանը հաջողություններ արձանագրած մասնակիցներ՝ Գլաձորի համայնքապետարանի աշխատակազմի քարտուղար Մարինե Հովհաննիսյանին և Մալիշկայի համայնքապետարանի ներկայացուցիչ Արթուր Գիվարգիզյանին: Հիշեցնենք, որ ՀՀ պետական մարմինների շուրջ 400 աշխատակից մարտի 22-25-ը մասնակցել է ՀՀ կրթության, գիտության, մշակույթի և սպորտի նախարարության նախաձեռնած հրաձգության հանրապետական մրցմանը:
Համապետական ծառատունկին ակտիվ մասնակցություն ցուցաբերեց նաև Վայոց ձորի մարզը 25.04.2021
Այսօր առաջին անգամ Հայաստանի գրեթե բոլոր մարզերում միաժամանակ կազմակերպվել է համապետական ծառատունկ: նախաձեռնության շրջանակում ապրիլի 25-ին ՀՀ Վայոց ձորի մարզպետարանի աշխատակիցները մարզպետ Արարատ Գրիգորյանի գխավորությամբ մասնակցեցին համապետական ծառատունկին։
Ոստիկանության զոհված ծառայողների հիշատակին նվիրված հուշակոթողի բացում 24.04.2021
Ապրիլի 24-ին ՀՀ ոստիկանության Վայոց ձորի մարզային վարչության շենքի բակում տեղի ունեցավ 44-օրյա պատերազմում ոստիկանության զոհված ծառայողների հիշատակին նվիրված հուշակոթողի բացման արարողություն: Բացման հանդիսավոր արարողությանը ներկա էին ՀՀ Վայոց ձորի մարզպետը, Վայոց ձորի թեմի փոխառաջնորդը, ՀՀ ԱԱԾ Վայոց ձորի մարզային վարչության պետը, ՀՀ ոստիկանության Վայոց ձորի մարզային վարչության պետը, ՀՀ քննչական կոմիտեի ՎՁՄ քննչական վարչության պետը, ՀՀ ՎՁՄ Դատախազը, ՀՀ ՊՆ ռազմական ոստիկանության պետը, ՀՀ ԱԻՆ ՓԾ Վայոց ձորի մարզային փրկարարական վարչության պետը և այլ հյուրեր: Ներկաները մեկ րոպե լռությամբ հարգեցին պատերազմական գործողությունների ընթացքում իրենց կյանքը հանուն հայրենիքի զոհաբերած բոլոր նահատակների հիշատակը:
Վայոց ձորում հարգանքի տուրք մատուցեցին Հայոց ցեղասպանության զոհերի հիշատակին 24.04.2021
Ապրիլի 24-ին Վայոց ձորի մարզպետ Արարատ Գրիգորյանը, Վայոց ձորի թեմի առաջնորդ Գերշնորհ Տ. Աբրահամ արքեպիսկոպոս Մկրտչյանը, ՀՀ ԱԱԾ Վայոց ձորի մարզային վարչության պետ Կոլյա Միքայելյանը, ՀՀ ԱԻՆ ՓԾ Վայոց ձորի մարզային փրկարարական վարչության պետ Հակոբ Սարգսյանը և Եղեգնաձոր համայնքի ղեկավար Դավիթ Հարությունյանը ծաղիկներ խոնարհեցին Եղեգնաձորում գտնվող Ցեղասպանության զոհերի հիշատակը հավերժացնող հուշակոթողին։ Իրենց հարգանքի տուրքը մատուցեցին նաև Վայոց ձորի մարզպետարանի անձնակազմը և ՏԻՄ այլ ներկայացուցիչներ։
Գլաձոր համայնքի 3 քաջորդիներ հետմահու պարգևատրվեցին <Մարտական ծառայության> մեդալով 24.04.2021
Ապրիլի 24-ին Գետափ բնակավայրի մշակույթի տանը տեղի ունեցավ միջոցառում՝ ի հիշատակ Արցախյան պատերազմի 44 օրերի ընթացքում կյանքի ու մահվան կռիվ տված հայորդիների: Հարգանքի տուրք մատուցվեց նաև Մեծ Եղեռնի անմեղ զոհերի հիշատակին: Ներկա էին ՀՀ Վայոց ձորի մարզպետարանի գլխավոր քարտուղար Արսեն Կարապետյանը, Գլաձոր համայնքի ղեկավար Արմեն Մովսիսյանը, մարզպետարանի զորահավաքային նախապատրաստության բաժնի պետ Վանիկ Խուդավերդյանը, կրթության, մշակույթի և uպորտի վարչության գլխավոր մասնագետ Աղասի Հովհաննիսյանը:
