Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Ելույթներ ԵՎ հարցազրույցներ

ՀՀ Վայյոց ձորի մարզպետ Հարություն Սարգսյանի ելույթը հայ-ռուսական միջտարածաշրջանային 4-րդ համաժողով

ՀՀ Վայյոց ձորի մարզպետ Հարություն Սարգսյանի ելույթը հայ-ռուսական միջտարածաշրջանային 4-րդ համաժողով 05.11.2015

Многоуважаемые коллеги, участники и гости, от имени Администрации Вайоцдзорской области приветствую вас на Четвертом российско-армянском межрегиональном форуме. Это масштабное событие уже в который раз собирает в Армении представителей министерств и ведомств, администраций регионов и торгово-промышленных палат, ведущих специалистов образовательных и научных центров двух стран. Россия и Армения поддерживают активный политический диалог, в том числе и на межрегиональном уровне. Особое значение этого Форум имеет тот факт, что в нем заключены такие области, как экономика, культура, образование, наука, вопросы молодежи. Хочу отметить, что Вайоцдзорская область за последие несколько лет сотрудничает с двумя регионами Российской Федерации: с Архангельской и Нижегородской областями. С каждой из областей были подписаны соглашения о сотрудничестве в торгово-экономическом, научно-техническом, культурном и гуманитарном сферах. В рамках этих соглашений мы проделали большую работу, и я более чем уверен, что сегодня, с подписанием Протокола мероприятий на 2015-2017 годы по реализации Соглашения между Правительством Архангельской области и Администрацией Вайоцдзорской области мы сделаем новые и уверенные шаги к укреплению и к расширению межрегионального сотрудничества, а также к реализации новых и инновационных идей. Я надеюсь

ՀՀ Վայոց ձորի մարզպետ Հարություն Սարգսյանի ելույթը ՀՀ ՊՆ 3-րդ բանակային կորպուսում ժամկետային զինծառայողների ծնողների հետ կորպուսի հրամանատարական կազմի հանդիպմանը, 09.10.2015թ

ՀՀ Վայոց ձորի մարզպետ Հարություն Սարգսյանի ելույթը ՀՀ ՊՆ 3-րդ բանակային կորպուսում ժամկետային զինծառայողների ծնողների հետ կորպուսի հրամանատարական կազմի հանդիպմանը, 09.10.2015թ 09.10.2015

Հարգարժան պարոն գեներալ, հարգելի ծնողներ, սիրելի զինվորներ, Սիրով և ամենայն հպարտությամբ ողջունում եմ բոլորիս այս սրտառուչ հանդիպման կապակցությամբ: Հանդիպում, որն ուղղված է բանակ-ընտանիք-հասարակություն կապի խորացմանն ու ամրապնդմանը, քանզի բանակն, իրապես, մեր տունն է ու մեր ամրոցը: Խոսքս ամենայն սիրով եմ ասում, որովհետև հայ ժողովուրդը, այդ թվում վայոցձորցիներս նաև որպես սահմանամերձ մարզի բնակիչներ, միշտ էլ սիրել, գնահատել և ամենայն հոգածություն են դրսևորել հայ զինվորի, այս դեպքում՝ Հայոց բանակի զինվորի, սպայի, հրամանատարի նկատմամբ: Հպարտորեն եմ արտահայտում իմ մտքերը նաև այն հանգամանքով պայմանավորված, որ Վայոց ձորից Հայաստանի Հանրապետության պաշտպանության նախարարության 3-րդ բանակային կորպուսում ծառայության մեջ գտնվող մեր մարզի 50 զավակներն աչքի են ընկել լավագույն ծառայությամբ և արժանացել իրենց ծնողներին հանդիսավորությամբ հանդիպելու պատվին: Ցանկանում եմ իմ շնորհակալությունը հայտնել բոլոր զինծառայողների ծնողներին՝ հայրենասեր զավակներ դաստիարակելու համար, իսկ զինվորներին ասել՝ ապրեք դուք, ոչ միայն հայրենիքին ձեր պարտքը տալու համար, այլև պատվախնդրորեն ծառայելու համար: Հարգելի ներկաներ, թույլ տվեք իմ անունից ու ձեր կողմից շնորհակալություն հայտնել Հայաստանի Հանրապետության պաշտպանության նախարար պարոն Սեյրան Օհանյանին և Հայաստանի Հանրապետության պաշտպանության նախարարության 3-րդ բանակային կորպուսի հրամանատար, գեներալ-մայոր Օնիկ Գասպարյանին, ընձեռած այս հնարավորության և մեր զավակների նկատմամբ դրսևորած հոգատարության համար: Փառք ու պատիվ Հայոց հաղթանակած բանակին, խաղաղ օրեր ու բարի ծառայություն հայ զինվորին:

ՀՀ Վայոց ձորի մարզպետ Հարություն Սարգսյանի ելույթը Ուսուցչի օրվան նվիրված միջոցառմանը, 05.10.2015 թ.

ՀՀ Վայոց ձորի մարզպետ Հարություն Սարգսյանի ելույթը Ուսուցչի օրվան նվիրված միջոցառմանը, 05.10.2015 թ. 05.10.2015

Սիրելի ուսուցիչներ: Ամենայն սիրով ու խորին հարգանքով ի դեմս Ձեզ շնորհավորում եմ մեր մարզի հանրակրթական հաստատությունների 1083 ուսուցիչներին մասնագիտական տոնի` Ուսուցչի օրվա կապակցությամբ: Սիրելիներս, թույլ տվեք, օգտվելով ընձեռված առիթից, նշել Ձեր հանդեպ մեր ժողովրդի ունեցած երախտագիտության ու սիրո մասին և հավելել, որ բոլորը սիրով են սպասում այս շատ ցանկալի, համաժողովրդական տոնին՝ բարձրաձայնելու գնահատումի և խոնարհումի խոսքեր, որոնց Դուք իրապես արժանի եք՝ աշակերտների նկատմաբ Ձեր հոգածությամբ, նրանց հանդեպ տածած ծնողական սիրո Ձեր դրսևորմամբ: Հարգելիներս, անառարկելի ճշմարտություն է, որ ամուր պետականություն ունենալու համար պետք է ունենալ լավ հասարակություն, իսկ լավ հասարակություն ունենալու համար հարկ է ունենալ հզոր կրթական համակարգ և նվիրյալ մանկավարժներ: Իսկ Դուք բոլոր ժամանակներում եղել եք ոչ միայն մանկավարժական գործի նվիրյալներ, այլև հույսի ու լույսի սերմնացաններ, քանզի Ձեր հոգածությամբ են կրթվում ու դաստիարակվում մեր զավակները: Դուք եք նրանց հոգիներում սերմանում վեհ գաղափարներ, նրանց մոտ ձևավորում ազգային և համամարդկային արժեհամակարգ: Եվ հանդերձ այդ ամենով՝ զորավիգ դառնում մեր մարզի զարգացման գործին, որպեսզի այն համահունչ լինի պետության զորացման ու հզորացման գործընթացին: Իրավ անուրանալի է Ձեր ներդրումը հասարակության զարգացման գործընթացում: Ի տրիտուր այդ ամենի՝ Դուք արժանանում եք Ձեր սաների անսպառ սիրուն և հասարակության երախտագետ վերաբերմունքին: Համոզված եղեք, որ մարզային իշխանությունները մշտապես Ձեր կողքին են լինելու և անելու են ամեն հնարավորը, Ձեզ համար աշխատանքային նորմալ պայմաններ ապահովելու նպատակով: Թանկագին ուսուցիչներ, կրկին շնորհավորում եմ Ձեր տոնը, մաղթում եմ ամուր առողջություն, հաջողություններ ու նոր ձեռքբերումներ, խաղաղ աշխատանքային առօրյա: Ձեզ` գնահատումի ու մեծարանքի խոսքեր, հարգանքի ու խոնարհումի դրսևորումներ:

ՀՀ Վայոց ձորի մարզպետ Հարություն Սարգսյանի ելույթը <<Բերքի տոն-2015>> մարզային միջոցառմանը

ՀՀ Վայոց ձորի մարզպետ Հարություն Սարգսյանի ելույթը <<Բերքի տոն-2015>> մարզային միջոցառմանը 05.10.2015

Հարգաժան պարոն նախարար, պարոնայք գեներալներ, Տեր Հայր, հարգելի հյուրեր, եղեգնաձորյան բերքի տոնի սիրելի մասնակիցներ: Ջերմորեն ողջունում ու շնորհավորում եմ ավանդական բերքի տոնի կապակցությամբ, բոլորիս մաղթում եմ տոնական տրամադրություն: Հիրավի համաժողովրդական սեր վայելող բերքի տոնն ունի յուրահատուկ խորհուրդ, քանզի վայոցձորցիներն իրենց ստեղծած արևահամ բերք ու բարիքի , արդյունաբերական արտադրանքի, ձեռարվեստի գեղարվեստական նմուշների տոնահանդեսին զուգահեռում են ուրախ երգ ու պարի գեղեցիկ կատարումների վայելքը: Բերքի տոնը վաղուց դուրս է եկել եղեգնաձորյան տոնի սահմաններից և դարձել վայոցձորյան մարզային տոնակատարություն: Եղեգնաձորյան բերքի տոնով ավարտվում է հոկտեմբեր ամսին Վայոց ձորի մարզում կազմակերպված աշնանային եռատոնը: Հիշեցնեմ, որ հոկտեմբերի 2-ին նշվել է Ռինդ համայնքիօրը, իսկ երեկ տեղի ունեցավ ,,Արենի գինու փառատոնը,,: Հարգելիներս, տոնական այս պահին ցանկանում եմ նաև բարեմաղթանքներ հղել Հայոց պետականության սահմանները հսկող հայ զինվորին և բարձրաձայնել երեկրի պաշտպանության սահմաններում զոհված մեր եղբայրների հիշատակին բոլորիս խոնարհումի մասին: Ուզում եմ բարեմաղթել Հայոց բանակին խաղաղություն, իսկ ժողովրդի խաղաղ կեցությունն ապահովելու համար շնորհակալություն հայտնել՝ զինվորից մինչև բանակի Գերագույն գլխավոր հրամանատար: Բերքի տոնի հարգելի մասնակիցներ, անհրաժեշտ եմ համարում նշել, որ ՀՀ կառավարությունը հնարավոր բոլոր միջոցներով փորձում է սատարել հայ գյուղացուն, կառուցելով ջրարբիացման ցանցեր, սահմանամերձ համայնքների բնակիչներին տրամադրելով արտոնություններ և շուկայականից ցածր գներով տրամադրելով պարարտանյութեր, , վառելանյութ և սերմացու: ՀՀ գյուռատնտեսության նախարարությունն իրականացնում է բազմապիսի ծրագրեր՝միտված երկրում անասնաբուծության զարգացմանը, գյուղատնտեսական կոոպերատիվների ստեղծմանը, ինչպես նաև գյուղացիական տնտեսությունների կողմից գյուղտեխնիկայի ձեռք բերման գործին: Սիրելի վայոցձորցիներ, թող ձեր բոլոր միջոցառումներն անցնեն այսպիսի խաղաղ պայմաններում:Թող տա Աստված, որ այսուհետ բերք ու բարիքն ավելի առատ լինի, ձեր տրամադրությունն ավելի տոնական և աստիճանաբար բարելավվի մեր երկրի և մեր մարզի բնաիչների կենսական պայմանները: Կրկին սրտանց ու ամենաջերմ բարեմաղթանքներով շնորհավորում եմ բոլորիս, մաղթում եմ բարօրություն ը երջանիկ օրեր: Շնորհավոր տոնդ, սիրելի իմ վայոցձորցի:

ՀՀ վայոց ձորի մարզպետ Հարություն Սարգսյանի ելույթը Ռինդի օր տոնակատարությանը

ՀՀ վայոց ձորի մարզպետ Հարություն Սարգսյանի ելույթը Ռինդի օր տոնակատարությանը 02.10.2015

Սիրելի ռինդցիներ, հարգարժան հյուրեր: Ողջունում եմ բոլորիդ և ջերմորեն շնորհավորում ռինդցիներին արդեն ավանդական դարձած ,,Համայնքի օր ,, տոնակատարության կապակցությամբ: Ձևավորված ավանդույթի համաձայն Վայոց ձորի մարզում հոկտեմբեր ամսին տեղի են ունենում ընթացիկ տարվա ընթացքում ստեղծած բերք ու բարիքի տոնահանդեսներ: Ռինդը մեր մարզում և Հանրապետությունում հայտնի է իր աճեցրած քաղցրահամ մրգերով և արևահամ բանջարեղենով, արտադրած անմահական գինիով ու տարատեսակ պտուղներից ստացած օղու արտադրությամբ: Այսօր մենք ականատես ենք արարող, ստեղծող, քարից հաց քամող ռինդցիների առատաձեռն տաղավարներով բերքի տոնահանդեսին: Եվ սիրով ուզում եմ ասել՝ հալալ է ձեզ ռինդիներ, ձեզ տոնի բարի վայելում: Թող ուրախ տրամադրությունն ուղեկցի ձեզ տարվա և ձեր ողջ կյանքի ընթացքում: Հարգելիներս, մեր երկրի համար ռազմականապես դժվարագույն այս պահին առաջնահերթորեն անամպ երկինք և խաղաղ կեցություն եմ մաղթում բոլորիս: Եվ կարծում եմ արտահայտած պիտի լինեմ նաև ձեր կարծիքն, ասելով՝ Աստված պահապան մեր բանակին: Ամենաջերմ բարեմաղթանքներս եմ հղում այն զինվորներին, որոնց ծնորղները ներկա են այս պահին, քանզի նրանք են ապահովում այսօրվա մեր տոնահանդեսը խաղաղությամբ անցկացնելու հնարավորությունը և խաղաղությամբ շարունակելու վաղվա Արենիի գինու փառատոնն ու հաջորդ օրվա եղեգնաձորյան Բերքի տոնը: Հարգարժան գյուղապետ, մարղթում եմ, որ Ձեր գլխավորությամբ Ռինդի արարող ժողովուրդը հասնի առավել մեծ ձեռքբերումների: Սիրելի ռինդցիներ, կրկին շնորհավոր ձեր տոնը, ձեզ առողջություն և բարօրություն, անհոգ ու խաղաղ օրեր: Շնորհավոր տոնդ, Ռինդ:

ՀՀ Վայոց ձորի մարզպետ Հարություն Սարգսյանի ելույթը Համահայկական ամառային 6-րդ խաղերի խորհրդանշական ջահը Վայոց ձորի մարզում դիմավորելու միջոցառմանը

ՀՀ Վայոց ձորի մարզպետ Հարություն Սարգսյանի ելույթը Համահայկական ամառային 6-րդ խաղերի խորհրդանշական ջահը Վայոց ձորի մարզում դիմավորելու միջոցառմանը 30.07.2015

Հարգարժան հյուրեր, սիրելի վայոցձորցիներ, Այսօր, հուլիսի 28-ին, Վայոց ձորի համար մեծ պատիվ է ընդունել Համահայկական ամառային 6-րդ խաղերի երեք ջահերից մեկը, որի երթը մեկնարկել է Պարսկաստանում, հասել է Սյունիքի մարզ, այնուհետև Վայոց ձոր: Խորհրդանշական է, որ Համահայկական ամառային 6-րդ խաղերի անցկացումն այս տարի համընկել է Հայոց ցեղասպանության 100-րդ տարելիցի հետ, ինչը կարևոր հարթակ է մեր պետության ու ժողովրդի ձայնը ևս մեկ անգամ լսելի դարձնելու առումով: Սիրելի վայոցձորցիներ, այս պատմական խաղերի անցկացումը մեր ժողովրդի համար վերածվել է իսկական տոնի, քանզի այս խաղերն այն եզակի մրցույթներից են, որտեղ չկան պարտվողներ: Համահայկական խաղերը ապացույցն են հայի միասնականության, համերաշխության ու ամեն պարագայում հաղթողի լինելու փաստի: Սիրելի հայրենակիցներ, Համահայկական ամառային 6-րդ խաղերի ջահի հաջորդ հանգրվանը Արարատի մարզն է: Իսկ օգոստոսի 2-ին` Վազգեն Սարգսյանի անվան հանրապետական մարզադաշտում, ողջ հայությունը, թե Հայաստանում, թե Սփյուռքում և թե Արցախում այս հրաշալի մարզական իրադարձության բացման արարողության ականատեսը կլինի: Այս տարի Համահայկական խաղերին մասնակցում են մոտ 5000 մարզիկներ: Վայոց ձորի մարզական պատվիրակությունը բաղկացած է 62 հոգուց, որոնց շարքերում ընդկրգված 32 մարզիկներ հանդես կագան տարբեր մարզաձևերում: Սիրելի հայրենակիցներ, հաջողություններ ու հաղթանակ եմ մաղթում Վայոց ձորի մարզիկներին, Համահայկական ամառային 6-րդ խաղերին բարի և հաջողակ մեկնարկ, իսկ ջահակրին` բարի երթ դեպի Արարատի մարզ:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-04-28 17:02:59