Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վերանշանակումներ կայացած մրցույթների արդյունքում 26.09.2012
Հիմք ընդունելով 2012 թվականի սեպտեմբերի 20-ին Վայոց ձորի մարզպետարանում տեղի ունեցած մրցույթի արդյունքները, ՀՀ Վայոց ձորի մարզպետ Էդգար Ղազարյանի 2012 թվականի սեպտեմբերի 25-ի թիվ 81 որոշմամբ ՓԲԸ-ի տնօրեն է վերանշանակվել Անահիտ Անուշավանի Կարապետյանը, թիվ 82 որոշմամբ ՓԲԸ-ի տնօրեն է վերանշանակվել Ռոբերտ Գերասիմի Ասլանյանը:
Սեպտեմբերի 25-ին ՀՀ Վայոց ձորի մարզպետ Էդգար Ղազարյանը մասնակեցել է ՀՀ ԱԺ ֆինանսավարկային եւ բյուջետային հարցերի մշտական հանձնաժողովի 2011 թվականի պետական բյուջեի մարզերի մասով կատարման մասին տարեկան հաշվետվության քննարկումներին: Մարզպետը ներկայացրել է մարզի կենսագործունեության տարբեր ոլորտներում իրականացված ծրագրերը և 2011 թվականին Վայոց ձորի մարզին տրամադրված ֆինանսական միջոցների օգտագործման վերաբերյալ հաշվետվությունները:
Ուղերձ 24.09.2012
Սիրելի հայրենակիցներ, 2012 թվականի սեպտեմբերի 23-ին ՀՀ Վայոց ձորի մարզի 36 համայնքներում տեղի ունեցան տեղական ինքնակառավարման մարմինների ընտրություններ: Շնորհավորում եմ մեզ բոլորիս այս առիթով, քանզի ցանկացած ընտրություններով ամրապնդվում է Հայոց անկախ պետականությունը և կերտվում մեր ժողովրդի նորագույն շրջանի պատմությունը: Ես շատ ուրախ եմ, որ մեզ հաջողվեց կազմակերպել ժամանակակից ժողովրդավարական պահանջներին համապատասխան ազատ և արդար ընտրություններ, որոնց արդյունքում ժողովրդի վստահությունը վայելող գործիչներն ընտրվեցին համայնքի ղեկավարների և համայնքի ավագանու անդամների պաշտոններում:
Պարգեւներ Հայաստանի Հանրապետության անկախության 21-րդ տարեդարձի կապակցությամբ 24.09.2012
ՀՀ Նախագահ Սերժ Սարգսյանը ջերմորեն շնորհավորեց Հայաստանի Հանրապետության կենսագործունեության տարբեր ոլորտներում ու բնագավառներում իրենց ազնիվ աշխատանքով և անձնվեր ծառայությամբ աչքի ընկած այն անձանց, որոնք Հայաստանի Հանրապետության անկախության 21-րդ տարեդարձի կապակցությամբ արժանացան հայրենիքի բարձր պարգևներին և պատվավոր կոչումներին: Վայոց ձորի մարզից Հայաստանի Հանրապետության վաստակավոր բժշկի պատվավոր կոչման է արժանացել ՓԲԸ-ի տեղամասային թերապեւտ Գայանե Գուրգենի Սարգսյանը, իսկ Ռինդ գյուղի միջնակարգ դպրոցի ուսուցիչ Խաչատուր Ազատի Խաչատրյանը պարգեւվատրվել է Մովսես Խորենացու մեդալով:
Սիրելի հայրենակիցներ Շնորհավորում եմ բոլորիս Հայաստանի Հանրապետության Անկախության 21-րդ տարեդարձի կապակցությամբ: Հայաստանի անկախությունը հայ ժողովրդի դարավոր երազանքն է եղել: Անկախության տոն, որը հնարավորություն տվեց մեր ժողովրդին` ավետելու Հայաստանի երրորդ Հանրապետության հիմնադրումը, հաստատելու ազատ ու անկախ ապրելու իր կամքը, խորհելու անցած ուղու մասին, կշռադատելու ձեռքբերումներն ու պատմության քառուղիներում ունեցած կորուստները, նախագծելու հետագա ծրագրերն ու նախանշելու երկրի անցնելիք ապագա ուղին: Իհարկե, անկախությունը մեզ հեշտ չտրվեց, քանզի նորանկախ Հայաստանի կենսագործունեության առաջին տարիները եղան դժվարությունների ու փորձությունների տարիներ` երկրաշարժի հետեւանքների վերացման և ազատագրական պայքարի տարիներ:
Լուրեր Հերհեր համայնքից 20.09.2012
Երեկ ՀՀ Վայոց ձորի մարզպետ Էդգար Ղազարյանը և ԱԺ պատգամավոր Աշոտ Արսենյանը Հերհեր համայնքում մասնակցեցին ԱՄՆ ՄԶԳ աջակցությամբ Քաունթրփարթ Ինթերնեշնլ միջազգային կազմակերպության կողմից վերանորոգված համայնքային կենտրոնի դահլիճի բացման արարողությանը:
