Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ի ԳԻՏՈՒԹՅՈՒՆ 11.12.2012
2013 թվականի հունվարի 1-ից նախատեսվում է տեղայնացնել Ծննդօգնության և Երեխայի առողջության պետական հավաստարագրերը: Կկանոնակարգվեն հղիների ուղեգրման և հիվանդանոցային բուժօգնության կազմակերպման ընթացակարգերը: Մասնավորապես, ֆիզիոլոգիական/նորմալ ընթացքով, առանց ռիսկի հղիների/ ծննդաբերների ծննդաբերությունը, ինչպես նաև հիվանդ երեխայի վիճակից ելնելով Երևանի մանկական հիվանդանոցներում և/կամ մասնագիտացված բաժանմունքներում բուժում չպահանջող դեպքերում, նրանց բուժօգնությունը կկազմակերպվի մարզային հիվանդանոցներում` վարչատարածքային սկզբունքով, այսինքն` բժշկական կազմակերպությունը կարող է ընտրվել ըստ երեխայի/կնոջ բնակության վարչական տարածքի: Ռիսկի խմբի հղիների/ծննդաբերների և ըստ երեխայի հիվանդության ախտորոշման ու ծանրության աստիճանի, Երևան ուղեգրվածների բուժօգնությունը կիրականացվի պետական պատվերի շրջանակներում` անվճար: Մնացած դեպքերում, երբ մարզում բնակվող ծննդաբերը կամ հիվանդ երեխայի ծնողն առանց ուղեգրի, կդիմի Երևանում տեղակայված բուժհաստատություն, բուժծառայությունները կմատուցվեն վճարովի սկզբունքով:
ՀՀ Վայոց ձորի մարզպետը մասնակցել է <Կառավարման թափանցիկություն> խորագրով հայ-գերմանական համաժողովին 11.12.2012
Ս/թ դեկտեմբերի 10-ին ՀՀ Վայոց ձորի մարզպետ Էդգար Ղազարյանը մասնակցել է խորագրով հայ-գերմանական համաժողովին: Համաժողովի բացման և ողջույնի խոսքով հանդես են եկել ՀՀ Ազգային ժողովի նախագահի տեղակալ Էդուարդ Շարմազանովը, ՀՀ արդարադատության նախարար Հրայր Թովմասյանը, ՀՀ ՏԿ նախարարի առաջին տեղակալ Վաչե Տերտերյանը, Հայաստանում Գերմանիայի դեսպան Ռայներ Մորելը, ԳՄՀԸ հայաստանյան գրասենյակի ղեկավար Դագմար Բոթը, Քաունթերփարթ ինթերնեյշնլ հայաստանյան գրասենյակի տնօրեն Ալեքս Սարդարը, Օրենսդրության կարգավորման ազգային կենտրոնի տնօրեն Արմեն Եղիազարյանը:
Համալսարանական կրթությամբ կանանց ասոցիացիայի վարչության և Եղեգնաձորի մասնաճյուղի նախաձեռնությամբ 2012թ. դեկտեմբերի 7-8-ը ՀՊՏՀ Եղեգնաձորի մասնաճյուղում անց է կացրել թեմայով երկօրյա սեմինար: Սեմինարի մասնակիցներին ողջունել և աշխատանքներին հաջողություն է մաղթել ՀՀ Վայոց ձորի մարզպետ Էդգար Ղազարյանը:
Տեղի կունենա քաղաքացիների ընդունելություն 10.12.2012
Սահմանված կարգի համաձայն` 2012 թվականի դեկտեմբերի 14-ին , ժամը` 14-ին ՀՀ Վայոց ձորի մարզպետ Էդգար Ղազարյանի մոտ տեղի կունենա քաղաքացիների ընդունելություն: Հասցեն` ՀՀ Վայոց ձորի մարզ, քաղաք Եղեգնաձոր, Շահումյան փողոց, շենք 5
Անցկացվել է տարհանման վարժանքներ <<Աղետների ռիսկի նվազեցման>> ծրագրի շրջանակներում 07.12.2012
ՕՔՍՖԱՄ կազմակերպության և > հասարակական կազմակերպության կողմից դեկտեմբերի 7-ին Վայոց ձորի մարզի Արենի համայնքի միջնակարգ դպրոցում > ծրագրի շրջանակներում կազմակերպվել է: Միջոցառմանը և քննարկման աշխատանքներին մասնակցել է ՀՀ Վայոց ձորի մարզպետ Էդգար Ղազարյանը: Մարզպետը ողջունել է մասնակիցներին, միևնույն ժամանակ շատ կարևորել այդ ծրագրի շրջանակներում համագործակցությունը նշված կազմակերպությունների հետ:
Խորհրդակցություն մարզպետի մոտ 07.12.2012
Դեկտեմբերի 6-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ խորհրդակցություն,որին մասնակցում էին ՍՊԸ-ի, ՀՀ ՏԿՆ ջրային տնտեսության պետական կոմիտեի, ՖԲԸ-ի ներկայացուցիչներ: Խորհրդակցությունը նվիրված էր ՖԲԸ-ի գլխավոր տնօրեն Պատրիկ Լորենի կողմից մարզպետին ուղղված նամակում բարձրացված մարզի Եղեգնաձոր, Շատին և Գետափ գյուղերի ջրամատակարարման կապտաժների սանիտարական պահպանման առաջին գոտու տարածքով անցնող փոքր ՀԷԿ-ի սնուցող 1200մմ տրամագծի երկու ջրատարիների կառուցման աշխատանքների ընթացքում, նշված գյուղերի ջրամատակարարման կառուցվածքներին հասցված վնասների վերականգման և անխափան ջրամատակարարում ապահովելու հարցերի քննարկմանը:
