Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Թատերական ներկայացում Եղեգնաձորում 11.11.2013
2013 թվականի նոյեմբերի 9-ին Եղեգնաձորի մշակույթի տան մեծ դահլիճում Գյումրու Վ.Աճեմյանի անվան պետական դրամատիկական թատրոնը ներկայացրեց Ալ.Շիրվանզադեի «Չար ոգի» դրաման (թատրոնի գեղարվեստական ղեկավար ՀՀ ժողովրդական արտիստ, պրոֆեսոր Նիկոլայ Ծատուրյան): Գլխավոր դերերում հանդես էին գալիս ՀՀ վաստակավոր արտիստներ Սուսաննա Բաղդասարյանը և Ռազմիկ բադալյանը, ինչպես նաև դերասաններ Տիգրան Գաբոյանը և Դիանա Մացոյանը: Ներկայացմանը ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալներ Սամվել Թարվերդյանն ու Մելսիկ Հարությունյանը, մարզպետարանի աշխատակազմի ղեկավարն ու կառուցվածքային ստորաբաժանումների ղեկավարները, հարյուրավոր թատերասերներ:
Կայացավ "Տարվա լավագույն համայնք" մրցանակաբաշխությունը 11.11.2013
Հայաստանում տեղական ինքնակառավարման համակարգի ձեւավորման 17-ամյակի կապակցությամբ նոյեմբերի 10-ին անցկացվեց "Տարվա լավագույն համայնք-2013" մրցանակաբաշխությունը, որին ներկա էին ՀՀ փոխվարչապետ, տարածքային կառավարման նախարար Արմեն Գեւորգյանը, մարզպետներ, համայնքապետեր, ավագանու անդամներ, հասարակական կազմակերպությունների ներկայացուցիչներ:
ՀՀ Վայոց ձորի մարզպետ Էդգար Ղազարյանի ուղերձը Տեղական ինքնակառավարման օրվա առիթով 10.11.2013
Սիրելի հայրենակիցներ: Նոյեմբերի 10-ը Հայաստանի Հանրապետությունում նշվում է Տեղական ինքնակառավարման օրը: 1996 թվականին այդ օրը մեր երկրում տեղի ունեցան տեղական ինքնակառավարման մարմինների առաջին ընտրությունները և պաշտոնապես ուժի մեջ մտավ «Տեղական ինքնակառավարման մասին» Հայաստանի Հանրապետության օրենքը:
Քաղաքացիների ընդունելություն ՀՀ Վայոց ձորի մարզպետարանւմ 09.11.2013
2013 թվականի նոյեմբերի 8-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ քաղաքացիների ընդունելություն, որին մասնակացում էին նաև մարզպետարանի աշխատակազմի ղեկավար Կամո Սահակյանը, մարզպետարանի աշխատակազմի առողջապահության և սոցիալական հարցերի վարչության պետ Խաչիկ Գևորգյանը, աշխատակազմի քարտուղարության պետ Հայկ Կարապետյանը։ Քաղաքացիները մարզպետին հիմնականում դիմում էին սոցիալական աջակցության, առողջապահական և այլ հարցերով։
Է.Ղազարյանը մասնակցել է Ֆ.Բալոյանի հիշատակին նվիրված ցերեկույթին 08.11.2013
2013թ. նոյեմբերի 7-ին ՀՀ Վայոց ձորի մարզպետ Էդգար Ղազարյանը, մարզպետի տեղակալ Մելսիկ Հարությունյանի, մարզպետարանի աշխատակազմի կրթության, մշակույթի, սպորտի և երիտասարդության հարցերի վարչության աշխատակիցների հետ մասին Եղեգնաձորի Երաժշտական դպրոցում մասնակցել է ՀՀ մշակույթի վաստակավոր գործիչ, Եղեգնաձորի երաժշտական դպրոցի երկարամյա տնօրեն, վերջերս կյանքից վաղաժամ հեռացած Ֆիլիպ Բալոյանի հիշատակին նվիրված ցերեկույթին:
Ելփինի գյուղապետն արժանացել է պետական պարգևի 08.11.2013
ՀՀ Նախագահ Սերժ Սարգսյանի 2013 թվականի նոյեմբերի 7-ի ՆՀ-294-Ա հրամանագրով ՀՀ Վայոց ձորի մարզի Ելփինի գյուղական համայնքի ղեկավար Խորեն Ավետիսյանը պարգևատրվել է Անանիա Շիրակացու մեդալով՝ համայնքների զարգացման գործում ներդրած ավանդի համար։
