Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կոշտ թափոնների կառավարման խնդիրների քննարկում 11.10.2013
Ասիական զարգացման բանկի Երևանյան գրասենյակը ՀՀ Վայոց ձորի մարզպետարանում կազմակերպել էր քննարկում կոշտ թափոնների կառավարման խնդիրների թեմայով: Քննարկմանը մասնակցում էին ՀՀ Վայոց ձորի մարզպետ Էդգար Ղազարյանը, մարզպետի տեղակալներ Սամվել Թարվերդյանը և Արամ Գրիգորյանը, մարզի մի շարք համայնքների ղեկավարներ, բնապահպանական կազմակերպությունների ներկայացուցիչներ: Ասիական զարգացման բանկի փորձագետները Հայաստանում կոշտ թափոնների կառավարման խնդիրների համատեքստում ներկայացրեցին իրենց պատկերացումները ՀՀ Վայոց ձորի մարզում աղբահանության կազմակերպման և կառավարման հարցերի վերաբերյալ, որից հետո նրանք պատասխանեցին մասնակիցներին հուզող հարցերին և ծավալվեց մտքերի փոխանակություն: Քննարկումից հետո Ասիական զարգացման բանկի ներկայացուցիչներին ընդունեց ՀՀ Վայոց ձորի մարզպետ Էդգար Ղազարյանը: Մարզպետի հետ առանձնազրույցի ընթացքում քննարկվեցին ՀՀ Վայոց ձորի մարզում ծրագրի իրականացման հնարավոր ժամկետներն ու մոտեցումները: Մարզպետի կողմից ներկայացվեցին այն քայլերն ու աշխատանքները, որոնք մինչ այժմ իրականացվել են աղբահանության բարելավման ուղղությամբ:
Կայացավ քաղաքացիների հոկտեմբեր ամսվա ընդունելությունը 10.10.2013
ՀՀ Վայոց ձորի մարզպետ Էդգար Ղազարյանի մոտ ս/թ հոկտեմբերի 10-ին կայացավ քաղաքացիների հերթական ընդունելությունը: Ընդունելության համար ցուցակագրվել էին 40 քաղաքացի, ընդունելության էին եկել 36-ը: 2 քաղաքացի դիմել էին բազմաբնակարան շենքի տանիքի վերանորոգման հարցով, 3-ը՝ հողի և շենք-շինությունների: Իսկ 32 քաղաքացիներ դիմել էին բուժման ծախսերի և վառելափայտ ձեռք բերելու նպատակով ֆինանսական օժանդակության խնդրանքով, որոնց խնդրանքը բավարարվեց: Տանիքի վերանորոգման և շենք-շինությունների հարցով դիմած քաղաքացիներին պատասխանելու նպատակով մարզպետի կողմից հանձնարարություն տրվեց մարզպետարանի աշխատակազմի ստորաբաժանումների ղեկավարներին` քննարկել նշված դիմումները և ընդունված կարգով պատասխանել դիմումատուներին:
ՀՀ Վայոց ձորի մարզպետը մասնակցել է Գրադարանավարի օրվան նվիրված միջոցառմանը 08.10.2013
Հոկտեմբերի 7-ին Գրադարանավարի օրն է: Հայաստանի Հանրապետության բազմաթիվ գրադարաններ այդ օրը բաց էին ընթերցողների համար: Վայոց ձորի մարզային գրադարանը նույնպես իր դռներ էր բացել ընթերցողների և հյուրերի առջև: Տոնին ընդառաջ՝ հոկտեմբերի 5-ին, մարզային գրադարանում անցկացվեց արդեն ավանդական դարձած ,,Հանդիպան վայրը` գրադարան,, ծրագիրը, որին ներկա էին ՀՀ Վայոց ձորի մարզպետ Էդգար Ղազարյանը, մարզպետի տեղակալ Մելս Հարությունյանը, մարզպետարանի աշխատակազմի կրթության, մշակույթի և սպորտի վարչության պետը և այլ պաշտոնյաներ: Երեկոյի բացման խոսքով հանդես եկավ մարզային գրադարանի տնօրեն Ռոզա Լևոնյանը: Այնուհետև սկսվեց առակագիր Մկրտիչ Կորյունի ծննդյան 100-ամյակին նվիրված գրական-գեղարվեստական երեկոն ,,Սիրո և համակրանքի ջերմ առակագիրը,, խորագրով:
ՀՀ Վարչապետը Ջերմուկում մասնակցել է համայնքների խնդիրների քննարկման նպատակով հրավիրված համաժողովին 07.10.2013
Վարչապետ Տիգրան Սարգսյանը Ջերմուկում մասնակցել է հոկտեմբերի 3-ից մեկնարկած Գյուղական համայնքների երրորդ համաժողովի աշխատանքներին: Ողջունելով համաժողովի մասնակիցներին` կառավարության ղեկավարը կարևորել է նման միջոցառումների անցկացումը և նշել. ,,Մեզ մեծապես հետաքրքրում են տեղական ինքնակառավարման մարմինների խնդիրները, և դրանց լուծման ուղղությամբ ձեր առաջարկությունները: Տեղյակ եք, որ կառավարությունը հաստատել է 2014 թվականի պետական բյուջեի նախագիծը: Այդ տեսակետից, մեզ հետաքրքրում է, թե ինչպիսին է վիճակը ավագանիներում, ինչ խնդիրներ եք տեսնում, ինչ հարցեր են լուծվել, ինչպես է վիճակը աշխատավարձերի բարձրացման քաղաքականության տեսակետից: Տեղյակ ենք, որ շատ համայնքներում կա ֆինանսական միջոցների սղություն,,: Վարչապետը վստահեցրել է համայնքների ղեկավարներին, որ կառավարությունն անում է ամեն ինչ, որպեսզի պետական բյուջեով հնարավորություն լինի օժանդակել համայնքներին` աշխատավարձերի բարձրացումը մեր երկրում սահուն կազմակերպելու համար:,,Աշխատավարձերի բարձրացումը պետք է կրի շարունակական բնույթ:
ՀՀ Նախագահ Սերժ Սարգսյանի աշխատանքային այցը Վայոց ձորի մարզ 07.10.2013
Նախագահ Սերժ Սարգսյանն այսօր աշխատանքային այցով մեկնել է Վայոց ձորի մարզ: Հանրապետության Նախագահը Ջերմուկ քաղաքում մասնակցել է ս.թ. հոկտեմբերի 3-ից մեկնարկած Գյուղական համայնքների 3-րդ համաժողովին, որի ընթացքում քննարկվել են տեղական ինքնակառավարման համակարգի և գյուղական համայնքների ամենաարդիական խնդիրները` ոլորտում ներգրավված բոլոր շահագրգիռ կողմերի` պետական, տեղական ինքնակառավարման մարմինների (ՏԻՄ), մարզերում տարբեր ծրագրեր իրականացնող տեղական և միջազգային կազմակերպությունների ներկայացուցիչների, փորձագետների մասնակցությամբ: Համաժողովի ընթացքում հնչած զեկույցներից հետո տեղի է ունեցել մտքերի փոխանակում համայնքների արդյունավետ կառավարմանն ուղղված վարչատարածքային բարեփոխումների, ակնկալվող արդյունքների ու խնդիրների վերաբերյալ: Հանրապետության Նախագահն ընդգծել է, որ իրականացվելիք բարեփոխումների հիմքում պետք է առաջին հերթին դիտարկել բնակիչների հարմարավետությունը, նրանց կենցաղային պայմանների բարելավումը, համայնքներում կրթական, առողջապահական և այլ ծառայությունների որակյալ մատուցումը:
ՀՀ Վայոց ձորի մարզպետ Էդգար Ղազարյանի ուղերձը Գրադարանավարի օրվա կապակցությամբ 07.10.2013
Գրադարանային համակարգի հարգելի աշխատողներ Ջերմ շնորհավորանքներս ու բարեմաղթանքներս եմ հղում Վայոց ձորի մարզային գրադարանի, համայնքային և դպրոցական գրադարանների աշխատակիցներին մասնագիրական տոնի` Գրադարանավարի օրվա կապակցությամբ: Գրադարանները գրքի ու գրականության շտեմարաններն են, մտքի գանձերի պահպանման սուրբ օջախները, այն օջախները որտեղ ամբարվում են հանճարների ստեղծած մտավոր գանձերը: Գիրքն է, որ հնարավորություն է ընձեռում ընթերցողին հաղորդակցվելու անցյալի փորձին, ճանաչելու աշխարհն ու շրջակա միջավայրը, պատկերացումներ կազմելու, ապագայի մասին, իմանալու ,,Բանն հանճարոյ,,:
