Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ս/թ դեկտեմբերի 27-ին ՀՀ Վայոց ձորի մարզպետ Էդգար Ղազարյանը հյուրընկալել էր հանրապետական օլիմպիադաներում և տարբեր մրցույթներում 2012-2013 ուսումնական տարում լավագույն արդյունքներ գրանցած մարզի դպրոցականներին: Հանդիպումը տեղի ունեցավ մարզպետարանի առաջին հարկի ճեմասրահում դրված տոնածառի շուրջ, ուր մարզպետին, նրա տեղակալներին, մարզպետարանի աշխատակազմի ղեկավարին, ծնողներին իրենց գեղեցիկ կատարումներով ողջունեցին Եղեգնաձորի երաժշտական դպրոցի մանկական երգչախումբը և տարբեր մրցույթներում մրցանակային տեղեր զբաղեցրած շնորհալի սաները: Հնչեցին քանոնի, շվիի գեղեցիկ կատարումներ և երգեր: Մարզպետը ողջունեց դպրոցականներին մարզպետարան կատարած այցի և բարեմաղթեց Ամանորի կապակցությամբ: Ասաց, որ իր բարեմաղթանքները հաղորդեն նաև իրենց ընկերներին և ընտանիքի անդամներին: Նա նշեց, որ առաջին անգամ է մարզպետարանում Նոր տարվա կապակցությամբ այդպիսի միջոցառում կազմակերպվում, սակայն համոզված է, որ այն կդառնա ավանդական:
Ամփոփվեց 2013 թվականի արդյունքները 28.12.2013
ՀՀ Վայոց ձորի մարզպետ Էդգար Ղազարյանը կատարեց տարեմուտի ընդունելություն, որի ընթացքում ամփոփվեց 2013 թվականի արդյունքները: Ընդունելությանը մասնակցում էին մարզպետարանի պաշտոնյաներ, ՀՀ գործադիր մարմինների տարածքային ծառայությունների, մարզի համայնքների, պետական, մասնավոր և հասարակական կազմակերպությունների ղեկավարներ: Միջոցառման ընթացքում hնչեցին շնորհավորանքներ ու բարեմաղթանքներ: Ներկայացվեց մարզի կենսագործունեության կարևորագույն ոլորտներում տարվա ընթացքում ակնառու հաջողություններ գրանցած համայնքը, կազմակերպությունը և անհատ անձիք, որոնք տարբեր անվանակարգերում արժանացան ՀՀ Վայոց ձորի մարզպետի պատվորգրին.
Ամանորյա շնորհավորանքներ 28.12.2013
2013 թվականի դեկտեմբերի 28-ի՝ վերջին աշխատանքային օրվա ավարտին, մարզպետարանի առաջին հարկի ճեմասրահում դրված տոնածառի շուրջ էին հավաքվել Վայոց ձորի մարզպետարանի աշխատակազմի անդամները, շենքում տեղակայված հանրապետական գործադիր մարմինների տարածքային ծառայությունների աշխատակիցները, միմյանց ամանորյա մաղթանքներ հղելու համար: Հանդիպումը Տերունական աղոթքով և օրհնությամբ սկսեց Նորավանքի համալիրի հոգևոր հովիվ Տ. Սահակ քահանա Մարտիրոսյանը: ՀՀ Վայոց ձորի մարզպետ Էդգար Ղազարյանը բոլորին մաղթեց տոնական տրամադրություն, բարի Ամանոր և Սուրբ Ծնունդ, ինչպես նաև 2014թվականին աշխատանքային նորանոր հաջողություններ: Հնչեցին փոխադարձ բարեմաղթանքներ և շնորհավորանքներ:
ՀՀ Վայոց ձորի մարզպետ Էդգար Ղազարյանի ուղերձը Ամանորի և Սուրբ Ծննդյան տոների կապակցությամբ 28.12.2013
Սիրելի հայրենակիցներ: Շնորհավորում եմ Ձեզ Ամանորի և Սուրբ Ծննդյան տոների կապակցությամբ: Մեկ տարին այնպիսի մի ժամանակահատված է, որ յուրաքանչյուր մարդու, ընտանիքի, համայնքի և երկրի կյանքում նշանավորում է բազմաթիվ իրադարձություններով, լավ և վատ պահերով: Ես ցանկանում եմ, որ 2013 թվականի ընթացքում մեր բոլոր հաջողություններն ու ձեռքբերումները նոր նվաճումների հիմք հանդիսանան 2014 թվականի ընթացքում: Թող սեր, խնդություն և ուրախություն թևածի բոլոր օջախներում: Թող հաջողությամբ պսակվեն բոլոր գործերն ու ձեռնարկումները: Խաղաղությամբ թող բացվեն բոլոր առավոտները և օրն ավարտվի յուրաքանչյուրիս համար նոր հաջողությունների ամփոփումով: Շնորհավոր Ամանոր և Սուրբ Ծնունդ: ՀՀ Վայոց ձորի մարզպետ Էդգար Ղազարյան
ՀՀ Վայոց ձորի մարզպետն ամփոփեց 2013 թվականի արդյունքները 25.12.2013
Ս / թ դեկտեմբերի 25 - ին <<Ուրբաթ>> մամուլի ակումբում տեղի է ունեցել ՀՀ Վայոց ձորի մարզպետ Էդգար Ղազարյանի մամուլի ասուլիսը , որը նվիրված էր 2013 թվականի գործունեության արդյունքների ամփոփմանը : Տարվա ամփոփիչ ասուլիսում մարզպետը նշել է, որ 2013 թվականը Վայոց ձորի մարզն ամփոփում է առանց ձախողումների ու պարտքերի և կայուն զարգացմամբ: Մարզին պետբյուջեից ֆինասավորումը...
Խորհրդակցություն համայնքների ղեկավարների հետ 24.12.2013
2013 թվականի դեկտեմբերի 24-ին ՀՀ Վայոց ձորի մարզպետ Էդգար Ղազարյանի մոտ տեղի ունեցավ աշխատանքային խորհրդակցություն մի շարք համայնքների ղեկավարների մասնակցությամբ:
