Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղեգիսի համայնքապետարանը հայտարարում է համայնքային սեփականություն հանդիսացող հողերի աճուրդ 14.11.2023
2023 թվականի դեկտեմբերի 4-ին՝ ժամը 10:30-ին, Հայաստանի Հանրապետության Վայոց ձորի մարզի Եղեգիսի համայնքապետարանի շենքում կկայանա աճուրդ Եղեգիս համայնքի վարչական սահմաններում գտնվող համայնքային սեփականություն հանդիսացող հողերի համար (գյուղատնտեսական նշանակության հողերը՝ գյուղատնտեսական գործունեություն ծավալելու նպատակով, բնակավայրերի նշանակության հողերը՝ կառուցապատման նպատակով)։
Եղեգնաձորի երաժշտական դպրոցը ձեռք է բերել նոր գործիքներ 14.11.2023
Նոյեմբերի 13-ին ՀՀ Վայոց ձորի մարզպետի աշխատակազմի գլխավոր քարտուղար Ա․ Կարապետյանի գլխավորությամբ մարզպետի աշխատակազմի մի խումբ աշխատակիցներ Եղեգնաձորի երաժշտական դպրոցում ներկա գտնվեցին գեղեցիկ արարողության․ հանդիսավոր պայմաններում ներկայացվեց օրերս ձեռք բերված նոր գույքը։ Դպրոցի երաժշտական գործիքների կազմը համալրվել է 4 դաշնամուրով, 1-ական քանոնով, ֆլեյտայով, շվիով։ Տեղում երաժշտական դպրոցի մանկավարժների և սաների համատեղ կատարումներով > երաժշտական գործիքները՝ հիացմունք պատճառելով ներկաներին։ Խորհրդանշական միջոցառումն իր հրաշալի կատարմամբ զարդարեց Երևանի Կոմիտասի անվան պետական կոնսերվատորիայի պրոֆեսոր, վաստակավոր արտիստ Անահիտ Ներսիսյանը։
Գոյության 27 տարիների ընթացքում ՏԻՄ ոլորտը անցել է զարգացման տարբեր փուլեր՝ կազմավորումից մինչև համայնքների խոշորացում, վերապահված դերի և գործառույթների հստակեցումից մինչև համայնքային ծառայության նկատմամբ հանրային հավատի և վստահության ձեռքբերումը: Արդյունքում մեր պետությունն ունի նոր որակի, նոր արժեքներով և կառավարման նոր մշակույթով մի ծառայություն, որի աշխատանքը հիմնված է հանրային շահին արդյունավետ ծառայելու և հանրային վստահությունը ընդլայնելու սկզբունքների վրա:
Շնորհակալագրով պարգևատրվել են սոցիալական ոլորտի աշխատողները 07.11.2023
Սոցիալական աշխատողի օրվա կապակցությամբ աշխատանքային պարտականությունները բարեխղճորեն կատարելու և մասնագիտական հմտությունները լավագույնս դրսևորելու համար ՀՀ Վայոց ձորի մարզպետ Արարատ Գրիգորյանի կողմից շնորհակալագրով պարգևատրվել են Վայոց ձորի մարզի համայնքների սոցիալական աշխատողները, սոցիալական ոլորտի այլ պատասխանատուներ։ Շնորհակալագրերը նրանց հանձնեցին Վայոց ձորի մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը և նույն վարչության գլխավոր մասնագետ Ցողիկ Բաբայանը:
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Սոցիալական աշխատողի օրվա առիթով 04.11.2023
Սոցիալական ոլորտի հարգելի՛ աշխատակիցներ, ջերմորեն շնորհավորում եմ ձեզ մասնագիտական տոնի՝ Սոցիալական աշխատողի օրվա առիթով: Սոցիալական ոլորտի աշխատանքը պահանջում է ոչ միայն մասնագիտական գիտելիքներ, կարողություններ և հմտություններ, այլև մարդկային բարձր հատկանիշներ և արժեքներ. չէ՞ որ ձեր մասնագիտության առանցքը մարդասիրությունն է, կյանքի դժվարին իրավիճակում հայտնված մարդկանց աջակցելը, ապրումակցելը, հուսադրելը, հավատ ու հույս ներշնչելը:
ՀՀ Վայոց ձորի մարզպետ Արարատ Գրիգորյանն ընդունել է Հայաստանում Շվեդիայի դեսպան Պատրիկ Սվենսոնին 03.11.2023
Նոյեմբերի 1-ին մարզպետ Արարատ Գրիգորյանը ընդունել է Շվեդիայի Թագավորության արտակարգ և լիազոր դեսպան Ն.Գ. Պատրիկ Սվենսոնին և նրա գլխավորած պատվիրակությանը։ Հանդիպման շրջանակներում կողմերը մտքեր են փոխանակել Ադրբեջանի էթնիկ զտումների քաղաքականության արդյունքում մարզում ստեղծված հումանիտար իրավիճակի, Լեռնային Ղարաբաղից բռնի տեղահանված հայերի առաջնային կարիքների հասցեագրմանն ուղղված միջնաժամկետ և երկարաժամկետ ծրագրերի ուղղությամբ պետության կողմից իրականացվող աշխատանքների, ինչպես նաև վերջին շրջանում Շվեդիայի կողմից տրամադրվող աջակցության վերաբերյալ։
